| ບັນດາກິດຈະກໍາເຄື່ອນໄຫວເບິ່ງແຍງດູແລໃຫ້ຜູ້ອອກແຮງງານ, ນັກສຶກສາລາວ ແລະກໍາປູເຈຍ ຕ້ອນຮັບບຸນປີໃໝ່ | |
| ນັກສຶກສາລາວ Natsa Douangpanya ໄດ້ຮັບລາງວັນທີໜຶ່ງ ໃນການແຂ່ງຂັນບັນຍາຍດ້ວຍພາສາຫວຽດນາມຢູ່ແຂວງກວາງນາມ |
ໄປຮຽນຢູ່ຕ່າງປະເທດທີີ່ໄກບ້ານ, ແຕ່ດ້ວຍຄວາມຮັກແພງ, ການແບ່ງປັນ ແລະ ຄວາມເອົາໃຈໃສ່ຂອງບັນດາອົງການ, ຄະນະ, ຂະແໜງການ, ອຳນາດການປົກຄອງ ທ້ອງຖິ່ນ, ຄູອາຈານ ແລະ ເພື່ອນມິດ, ນັກສຶກສາລາວ ໄດ້ຕ້ອນຮັບບຸນປີໃໝ່ ຂອງຊາດລາວ ທີ່ອົບອຸ່ນໃນບ້ານເກີດເມືອງນອນແຫ່ງທີສອງ.
ບຸນປີໃໝ່ທີ່ຄຸ້ນເຄີຍຄືດັ່ງຢູ່ບ້ານເກີດເມືອງນອນ
ເດືອນເມສາທຸກປີ, ປະຊາຊົນລາວພາກັນສະຫຼອງບຸນປີໃໝ່. ເນື່ອງໃນໂອກາດນີ້, ຊາວລາວມັກເຕົ້າໂຮມກັນຢູ່ວັດວາອາຮາມ, ຟັງອາຈານເທສະໜາທາງທຳ, ເຂົ້າຮ່ວມບຸນຫົດນ້ຳ, ພິທີບາສີສູ່ຂວັນ ເພື່ອພາວະນາໃຫ້ປີໃໝ່ເຕັມໄປດ້ວຍ ຄວາມຜາສຸກ, ໂຊກລາບ ແລະ ຄວາມໂຊກດີ.
ພ້ອມກັບບັນດາໂຮງຮຽນ ແລະ ທ້ອງຖິ່ນຢູ່ ຫວຽດນາມ ທີ່ມີສະມາຄົມນັກສຶກສາ ລາວ, ບຸນປີໃໝ່ ກໍ່ແມ່ນໂອກາດເພື່ອສະແດງຄວາມເອົາໃຈໃສ່ຂອງບັນດາໂຮງຮຽນ, ຄູອາຈານ, ນັກຮຽນ, ນັກສຶກສາ ຫວຽດນາມ ເຖິງເພື່ອນມິດ ລາວ, ເປັນຂົວຕໍ່ປັບປຸງການພົວພັນຖານອ້າຍນ້ອງລະຫວ່າງ ຫວຽດນາມ - ລາວ. ການເຄື່ອນໄຫວສະເຫຼີມສະຫຼອງຫຼາຍຢ່າງຖືກຈັດຂຶ້ນຢູ່ບັນດາມະຫາວິທະຍາໄລ, ນັບແຕ່ການສະແດງສິລະປະ, ຫົດນ້ຳ, ພິທີບາສີສູ່ຂວັນ, ຕະຫຼອດຮອດການແນະນຳວັດທະນະທຳ ແລະ ອາຫານລາວ, ເພື່ອຝາກຄວາມຊົງຈຳທີ່ບໍ່ສາມາດລືມໄດ້ໃນໃຈຂອງບັນດານັກສຶກສາລາວຢູ່ ຫວຽດນາມ.
 |
| ບຸນປີໃໝ່ຂອງນັກສຶກສາລາວຢູ່ຫວຽດນາມໄດ້ຈັດຕັ້ງຄືດັ່ງຢູ່ບ້ານເກີດເມືອງ ນອນດ້ວຍບັນດາຮີດຄອງປະເພນີເຊັ່ນ: ພິທີບາສີສຸຂວັນ... (ພາບ: ຫາຍຈ່ຽວ). |
ເນື່ອງໃນໂອກາດບຸນປີໃໝ່ລາວ ປີ 2022 ຜ່ານມາ, ວິທະຍາໄລສ້າງຄູເທື່ອທຽນ - ເຫ້ວ ສົມທົບກັບມະຫາວິທະຍາໄລເຫ້ວ ແລະ ສະມາຄົມມິດຕະພາບຫວຽດນາມ - ລາວ ໄດ້ຈັດຕັ້ງພິທີສະເຫຼີມສະຫຼອງດ້ວຍບັນດາພິທີຕາມຮີດຄອງປະເພນີຄື: ເລີ່ມຕົ້ນດ້ວຍພິທີຫົດນ້ຳ, ອະທິຖານຂໍຄວາມໂຊກດີ, ບາສີສູ່ຂວັນ, ສິ້ນສຸດລົງດ້ວຍການຟ້ອນລໍາວົງໃນຊຸດອາພອນພື້ນເມືອງຂອງປະເທດລາວ, ຮັບ ປະທານອາຫານລາວ ແລະ ຟັງດົນຕີລາວ.
Phimmachanh Luckyjane, ນັກສຶກສາປີທີສອງ, ມະຫາວິທະຍາໄລເສດຖະສາດ, ມະຫາວິທະຍາໄລເຫ້ວ, ໜຶ່ງໃນ 400 ນັກສຶກສາຕ່າງປະເທດທີ່ເຂົ້າຮ່ວມພິທີດັ່ງກ່າວ ໄດ້ແບ່ງປັນວ່າ: “ເຖິງວ່າຢູ່ໄກບ້ານ, ໄກຈາກປະເທດ, ແຕ່ພວກເຮົາຍັງຮູ້ສຶກໄດ້ບັນຍາກາດແຫ່ງຄວາມເບີກບານມ່ວນຊື່ນ ແລະ ອົບອຸ່ນຂອງບຸນປີໃໝ່ປະຈຳຊາດທີ່ຈັດຂຶ້ນຢູ່ເມືອງເຫ້ວຄືດັ່ງຢູ່ບ້ານເກີດເມືອງນອນ”.
ຕໍ່ກັບ ນາງ Lona Phengthongkham, ນັກສຶກສາລາວຢູ່ມະຫາວິທະຍາໄລ ຫງວຽນເຕິ໋ດແທ່ງ (ນະຄອນ ໂຮ່ຈີມິນ), ການສະເຫຼີມສະຫຼອງບຸນປີໃໝ່ປະຈຳຊາດ ຢູ່ຫວຽດນາມ ຊ່ວຍໃຫ້ນັກສຶກສາລາວ ບັນເທົາຄວາມຄິດຮອດບ້ານ. ນາງ Lona ເລົ່າວ່າ “ຮອດວັນບຸນປີໃໝ່, ນັກສຶກສາສາກົນມີເວລາ 5 ວັນເພື່ອຕ້ອນຮັບບຸນປີໃໝ່, ໄດ້ຫົດນໍ້ານ້ຳຕາມຮີດຄອງປະເພນີ, ປຸງແຕ່ງອາຫານ, ແລ້ວເຊີນຄູອາຈານ ແລະ ເພື່ອນມິດຫວຽດນາມ ມາຮ່ວມບຸນປີໃໝ່ພ້ອມກັນ. ຄວາມຮູ້ສຶກແມ່ນໃກ້ຊິດຕິດແທດ, ຄືດັ່ງພວມດໍາລົງຊີວິດຢູ່ບ້ານເກີດ ເມືອງນອນ”.
ຄວາມຊົງຈໍາທີ່ບໍ່ອາດລືມໄດ້
ເຂົ້າຮ່ວມບຸນປີໃໝ່ ໂດຍວິທະຍາໄລເຊີນລາ ຈັດປີ 2020, ນັກສຶກສາລາວ Khanta Khanthavong ໃຫ້ຮູ້ວ່າ: “ບຸນປີໃໝ່ລາວ ຢູ່ດິນແດນເຊີນລາ, ເຖິງວ່າຢູ່ຫ່າງໄກບ້ານເກີດເມືອງນອນ, ບໍ່ສາມາດເຕົ້າໂຮມກັບຄອບຄົວໄດ້, ແຕ່ນັກຮຽນລາວຢູ່ ເຊີນລາ ໄດ້ ແລະ ພວມດຳລົງຊີວິດໃນບັນຍາກາດທີ່ເບີກບານມ່ວນຊື່ນ, ອົບອຸ່ນ, ພ້ອມກັບຄວາມເອົາໃຈໃສ່, ລະດົມກໍາລັງໃຈຈາກບັນດາອົງການ, ຫົວໜ່ວຍຂອງແຂວງ ເຊີນລາ, ພ້ອມກັບໂຮງຮຽນ ແລະ ເພື່ອນມິດ. ທຸກຄົນພ້ອມກັນຟ້ອນລໍາລົງ ແລະ ປະຕິບັດພິທີບາສີສູ່ຂວັນ, ຫົດນໍ້າພາວະນາຂໍປີໃໝ່ທີ່ເຕັມໄປດ້ວຍຄວາມຜາສຸກ. ນັ້ນແມ່ນບັນດາຄວາມຊົງຈໍາທີ່ເລິກເຊິ່ງຕໍ່ພວກນ້ອງໃນຕະຫຼອດໄລຍະທີ່ດໍາລົງຊີວິດ ແລະ ຮໍ່າຮຽນຢູ່ ຫວຽດນາມ.”
ນັກສຶກສາລາວ Xamny Thongmay, ຄະນະເຕັກໂນໂລຊີຂໍ້ມູນຂ່າວສານ, ວິທະຍາໄລໄທງວຽນ ແບ່ງປັນວ່າ: “ນີ້ແມ່ນປີທີ 3 ທີ່ງຂ້າພະເຈົ້າໄດ້ສະເຫຼີມສະຫຼອງບຸນປີໃໝ່ຢູ່ໂຮງຮຽນ, ແຕ່ລະປີແມ່ນຄວາມຊົງຈຳທີ່ບໍ່ອາດລືມໄດ້. ເຖິງວ່າຈະຢູ່ຫ່າງໄກບ້ານ, ບໍ່ໄດ້ສຳຜັດກັບບັນຍາກາດບຸນປີໃໝ່ພ້ອມກັບຄອບຄົວຍາດຕິພີ່ນ້ອງກໍ່ຕາມ, ແຕ່ພວກນ້ອງມີຄວາມເບີກບານມ່ວນຊື່ນ ເມື່ອໄດ້ຮັບການດູແລ, ເອົາໃຈໃສ່ ແລະ ຄວາມຮັກແພງຈາກຄູອາຈານ, ສະມາຊິກສະມາຄົມມິດຕະພາບ ຫວຽດນາມ - ລາວ ແລະ ການນຳແຂວງ ໄທງວຽນ. ສຳລັບພວກນ້ອງ, ຫວຽດນາມ ແມ່ນບ້ານເກີດແຫ່ງທີສອງ. ພວກນ້ອງ ຍາມໃດກໍ່ເຕືອນຕົນເອງວ່າ ຈະມານະພະຍາຍາມຮ່ຳຮຽນ ແລະ ຝຶກຝົນຫຼໍ່ຫຼອມຕົນເອງໃຫ້ເປັນຢ່າງດີ ເພື່ອບໍ່ໃຫ້ທຸກຄົນຜິດຫວັງ”.
ເຂົ້າຮ່ວມບຸນປີໃໝ່ຂອງສູນຄຸ້ມຄອງນັກສຶກສາສາກົນ, ຮ່າໂນ້ຍ, ນາງ Viengdala Thongsavath, ນັກສຶກສາມະຫາວິທະຍາໄລການແພດຮ່າໂນ້ຍ ໃຫ້ຮູ້ວ່າ: ຜ່ານບັນດາການເຄື່ອນໄຫວດັ່ງກ່າວ, ນາງຮູ້ສຶກໄດ້ເຖິງຄວາມຮັກແພງແຂກຄົນຂອງປະຊາຊົນຢູ່ນະຄອນຫຼວງ: “ນີ້ແມ່ນປີທີ 4 ທີ່ຂ້າພະເຈົ້າຕ້ອນຮັບບຸນປີໃໝ່ຂອງຊາດຕົນຢູ່ຮ່າໂນ້ຍ. ເຖິງວ່າຂ້າພະເຈົ້າຕ້ອນຮັບບຸນປີໃໝ່ຢູ່ຫ່າງຈາກບ້ານ, ແຕ່ຂ້າພະເຈົ້າຮູ້ສຶກອົບອຸ່ນທີ່ສຸດ ຍ້ອນຄວາມໃກ້ຊິດສະໜິດສະໜົມ ແລະ ຄວາມຮັກແພງຂອງຊາວ ຮ່າໂນ້ຍ ເວົ້າສະເພາະ ແລະປະຊາຊົນຫວຽດນາມ ເວົ້າລວມ. ນັ້ນແມ່ນຄວາມໂຊກດີ ແລະ ຄວາມສຸກທີ່ມີຕໍ່ພວກນ້ອງນັກຮຽນລາວ ເມື່ອໄດ້ມາຮ່ຳຮຽນຢູ່ຫວຽດນາມ, ປະເທດທີ່ມີຄວາມສະຫງົບສຸກ ແລະ ຮັກແພງແຂກຄົນ.”
ຕ້ອນຮັບບຸນປີໃໝ່ຢູ່ຫວຽດນາມ, ນັກສຶກສາລາວ ຍັງໄດ້ຮັບອັ່ງເປົ່າຕາມຮີດຄອງປະເພນີຂອງຊາວຫວຽດນາມ. ຍ້ອນມັກຮີດຄອງປະເພນີນີ້, ຫຼາຍໆຄົນ ກໍ່ຕື່ນເຕັ້ນໃຫ້ໝູ່ເພື່ອນຖ່າຍຮູບກັບອັ່ງເປົ່າຊອງແດງ ແລ້ວແຊລົງເຟສບຸກ ໃຫ້ໝູ່ເພື່ອນ ແລະ ຍາດຕິພີ່ນ້ອງຢູ່ບ້ານເກີດເມືອງນອນ...
ລຽບງ່າຍແຕ່ອົບອຸ່ນ, ເຕັມໄປດ້ວຍຄວາມຮັກແພງ, ບັນດາບຸນປີໃໝ່ຢູ່ຫ່າງ ໄກບ້ານເກີດເມືອງນອນຈະເປັນຄວາມຊົງຈຳທີ່ສວຍງາມຂອງນັກສຶກສາລາວ ທີ່ໄດ້ໄປຮຽນຢູ່ຫວຽດນາມ.
ບູນມີ
