ຄະນະປະຕິບັດງານໂດຍທ່ານເລຂາພັກແຂວງ, ປະທານສະພາປະຊາຊົນແຂວງ ຮ່າຕິ້ງ ຮວ່າງຈຸງຢຸງ ນຳໜ້າໄດ້ໄປຢ້ຽມຢາມ ແລະ ອວຍພອນປີໃໝ່ອົງຄະນະພັກ, ອຳນາດການປົກຄອງ ແລະ ປະຊາຊົນແຂວງບໍລິຄຳໄຊ (ລາວ) ແລະ ໄດ້ເຂົ້າຮ່ວມພິທີວາງສີລາລຶກສຸກສາລາທະຫານ-ປະຊາຊົນຢູ່ແຂວງບໍລິຄຳໄຊ (ລາວ). ໂຄງການມີມູນຄ່າທັງໝົດ 8,3 ຕື້ດົ່ງ ໂດຍ ຮ່າຕິ້ງ ອຸປະຖໍາ.
 |
| ຄະນະປະຕິບັດງານໂດຍທ່ານເລຂາພັກແຂວງ, ປະທານສະພາປະຊາຊົນແຂວງ ຮ່າຕິ້ງ ຮວ່າງຈຸງຢຸງ ອວຍພອນປີໃໝ່ອົງຄະນະພັກ, ອຳນາດການປົກຄອງ ແລະ ປະຊາຊົນແຂວງບໍລິຄຳໄຊ (ລາວ). ພາບ: hatinh.gov.vn |
ທ່ານ ຮວ່າງຈຸງຢຸງ ໄດ້ສົ່ງຄໍາອວຍພອນປີໃໝ່ເຖິງອົງຄະນະພັກ ແລະ ປະຊາຊົນແຂວງບໍລິຄຳໄຊ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສຳເລັດ. ພ້ອມກັນນັ້ນ, ກໍຫວັງວ່າ ແຂວງ ບໍລິຄຳໄຊ ຈະສືບຕໍ່ໜູນຊ່ວຍ ແລະ ຊ່ວຍເຫຼືອແຂວງ ຮ່າຕິ້ງ ໃນການຊອກຄົ້ນ ແລະ ທ້ອນໂຮມອັດຖິທະຫານອາສາສະໝັກ, ນັກຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ ລາວ; ເພີ່ມທະວີການຮ່ວມມືຕ້ານອາດຊະຍາກຳຢູ່ເຂດຊາຍແດນ…
ທ່ານເລຂາພັກ, ເຈົ້າແຂວງໆບໍລິຄຳໄຊ ໄດ້ສະແດງຄວາມຂອບໃຈຕໍ່ຄວາມຮູ້ສຶກອັນຈິງໃຈຂອງອົງຄະນະພັກ ແລະ ປະຊາຊົນຮ່າຕິ້ງ, ພ້ອມທັງສະແດງຄວາມປິຕິຊົມຊື່ນຕໍ່ສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງແຂວງ ຮ່າຕິ້ງ - ບໍລິຄຳໄຊ ທີ່ນັບມື້ນັບໝັ້ນແກ່ນ.
ເນື່ອງໃນໂອກາດນີ້, ທ່ານເລຂາພັກແຂວງ ຮ່າຕິ້ງ ແລະ ເລຂາພັກແຂວງບໍລິຄຳໄຊ ໄດ້ເຂົ້າຮ່ວມພິທີວາງສີລາລຶກສຸກສາລາທະຫານ-ປະຊາຊົນ ຢູ່ແຂວງບໍລິຄຳໄຊ (ລາວ).
ບູນມີ
