| ການນຳຫວຽດນາມ ຍິນດີຕ້ອນຮັບ ຜູ້ອຳນວຍການໃຫຍ່ອົງການພັດທະນາສາກົນ ອາເມລິກາ (USAID) ພວມຢູ່ຢ້ຽມຢາມ ຫວຽດນາມ | |
| ທ່ານເລຂາທິການໃຫຍ່ ຫງວຽນຝູຈ້ອງ ຕ້ອນຮັບເອກອັກຄະລັດຖະທູດ ອາເມລິກາ ປະຈຳ ຫວຽດນາມ |
ຕອນຄ່ຳວັນທີ 29 ມີນາ, ຢູ່ຮ່າໂນ້ຍ, ທ່ານເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຝຸຈ້ອງ ໄດ້ໂອ້ລົມທາງໂທລະສັບຂັ້ນສູງກັບ ທ່ານປະທານາທິບໍດີ ອາເມລິກາ Joe Biden.
ການນຳສອງທ່ານ ໄດ້ສະແດງຄວາມຍິນດີທີ່ໄດ້ມີໂອກາດແລກປ່ຽນ ໃນໂອກາດສະເຫຼີມສະຫຼອງ 10 ປີແຫ່ງວັນສ້າງຕັ້ງການພົວພັນຄູ່ຮ່ວມມືຮອບດ້ານ ຫວຽດນາມ - ອາເມລິກາ, ຕີລາຄາສູງການພັດທະນາຢ່າງຕັ້ງໜ້າ ແລະ ຮອບດ້ານຂອງການພົວພັນລະຫວ່າງ 2 ປະເທດໃນໄລຍະຜ່ານມາ ແລະ ເຫັນດີເປັນເອກະສັນຈະຊຸກຍູ້, ພັດທະນາ ແລະ ເຮັດໃຫ້ການພົວພັນລະຫວ່າງສອງປະເທດເລິກເຊິ່ງກ່ວາອີກ, ເພື່ອຜົນປະໂຫຍດຂອງ 2 ປະເທດ, ເພື່ອຄວາມສັນຕິພາບ, ການຮ່ວມມື ແລະ ພັດທະນາ. ຜູ້ນໍາສອງທ່ານ ກໍ່ສະເໜີມອບໃຫ້ບັນດາອົງການທີ່ມີໜ້າທີ່ຂອງສອງປະເທດປຶກສາຫາລືບັນດາເນື້ອໃນສະເພາະ ເພື່ອແນໃສ່ຊຸກຍູ້ການພົວພັນໃນໄລຍະຈະມາເຖິງ.
 |
ທ່ານເລຂາທິການໃຫຍ່ ຫງວຽນຝຸຈ້ອງ ໄດ້ ໂອ້ລົມທາງໂທລະສັບຂັ້ນສູງກັບທ່ານປະທານາທິບໍດີ ອາເມລິກາ Joe Biden. |
ທ່ານເລຂາທິການໃຫຍ່ ຫງວຽນຝຸຈ້ອງ ກໍ່ໄດ້ສະເໜີໃຫ້ສອງຝ່າຍສືບຕໍ່ເປີດກວ້າງ ແລະ ນຳການຮ່ວມມືດ້ານເສດຖະກິດ, ວິທະຍາສາດ ແລະ ເຕັກໂນໂລຢີ ເປັນຈຸດສຸມ ແລະ ຊຸກຍູ້ການພົວພັນ, ປະຕິບັດບັນດາຂໍ້ຕົກລົງຮ່ວມມືດ້ານປ້ອງກັນຊາດ - ປ້ອງກັນຄວາມສະຫງົບ, ຖືເປັນສຳຄັນການຊຸກຍູ້ການຄ້າຢ່າງກົມກຽວ ແລະ ຍືນຍົງ, ຍູ້ແຮງການຮ່ວມມືໃນການແກ້ໄຂຜົນຮ້າຍຫຼັງສົງຄາມ, ການຮັກສາສັນຕິພາບຂອງສະຫະປະຊາຊາດ, ການແລກປ່ຽນຂໍ້ມູນຂ່າວສານ, ການປ້ອງກັນ ຕ້ານອາດຊະຍາກໍາ ແລະ ຂົງເຂດອື່ນໆ.
ທ່ານປະທານາທິບໍດີ ອາເມລິກາ Joe Biden ຢືນຢັນວ່າ ຫວຽດນາມ ແມ່ນຄູ່ຮ່ວມມືສຳຄັນ, ສະໜັບສະໜູນ ຫວຽດນາມ “ເອກະລາດ, ເປັນເຈົ້າຕົນເອງ ແລະ ວັດທະນາຖາວອນ”, ຢືນຢັນຄືນໃໝ່ການເຄົາລົບເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນ ແລະ ລະບອບລະບຽບການທາງການເມືອງຂອງຫວຽດນາມ, ເຫັນດີເປັນເອກະພາບວ່າ ການເຄົາລົບນັບຖືແມ່ນພື້ນຖານສຳຄັນຂອງການພົວພັນລະຫວ່າງສອງປະເທດ.
ການນຳສອງທ່ານກໍ່ເຫັນດີເປັນເອກະສັນກັນຮັກສາສັນຕິພາບ, ສະຖຽນລະພາບ, ການຮ່ວມມື, ຮັບປະກັນບັນດາສິດເສລີໃນການເດີນທະເລ ແລະ ການເດີນອາກາດ, ບໍ່ນຳໃຊ້ ຫຼື ນາບຂູ່ນຳໃຊ້ກຳລັງອາວຸດໃນການພົວພັນສາກົນ, ປະຕິບັດຖະແຫຼງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ (DOC), ລົງນາມໃນປະມວນກົດແຫ່ງການປະພຶດຂອງຝ່າຍຕ່າງໆຢູ່ທະເລຕາເວັນອອກ (COC) ໃຫ້ມີຜົນສັກສິດ ແລະ ມີປະສິດທິຜົນໂດຍໄວ, ສອດຄ່ອງກັບກົດໝາຍສາກົນ, ໃນນັ້ນມີສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982.
ຄຳຮຸ່ງ
