| ວັນບຸນກາເຟ: ສົ່ງເສີມການນຳເຄື່ອງໝາຍການຄ້າ ຫວຽດນາມ ອອກສູ່ໂລກ | |
| ຫວຽດນາມ ແລະ ຍີ່ປຸ່ນ ຍູ້ແຮງບັນດາການເຄຶ່ອນໄຫວສົ່ງເສີມການທ່ອງທ່ຽວນະຄອນໂຮ່ຈີມິນ |
ບົດຮຽນຈາກກອງປະຊຸມ ປາຣີ ສະແດງໃຫ້ເຫັນວ່າ ໃນຫຼາຍກໍລະນີ, ການທູດປະຊາຊົນສາມາດນຳໜ້າ, ເສີມຂະຫຍາຍທ່າແຮງຂອງຕົນຢ່າງສຸດຂີດ, ຮັບໃຊ້ບັນດາເປົ້າໝາຍຂອງປະເທດຊາດ ແລະ ຊົນຊາດໃນແນວໂຮມການຕ່າງປະເທດໄດ້ເປັນຢ່າງດີ. ທ່ານ ປ.ອ ຫງວຽນບ໊າເຊີນ - ອະດີດປະທານ, ສະມາຄົມກົດໝາຍສາກົນ ຫວຽດນາມ, ອະດີດຫົວໜ້າກົມກົດໝາຍ ແລະ ສົນທິສັນຍາສາກົນ, ກະຊວງການຕ່າງປະເທດ ໃຫ້ຮູ້ຄືແນວນັ້ນເມື່ອໄຈ້ແຍກກ່ຽວກັບຍຸດທະສາດ ການທູດປະຊາຊົນທີ່ນຳໃຊ້ເຂົ້າໃນການດຳເນີນກອງປະຊຸມປາຣີ.
ໃນບົດຂຽນ “ກອງປະຊຸມປາຣີ ກ່ຽວກັບ ຫວຽດນາມ - ສິ່ງຍອດຍິ່ງທາງດ້ານວິທະຍາສາດ ແລະ ສິລະປະຂອງການທູດປະຊາຊົນໃນຍຸກສະໄໝໂຮ່ຈີມິນ”, ທ່ານ ປ.ອ ຫງວຽນບ໊າເຊີນ ໃຫ້ຮູ້ວ່າ: ວຽກງານການທູດໃນຊຸມປີທ້າຍທົດສະວັດ ທີ 1950 ປະສົບກັບຄວາມຫຍຸ້ງຍາກ, ເຄັ່ງຕຶງ ແລະ ເຂັ້ມຂຸ້ນໄປດ້ວຍສີສັນຂອງການຕໍ່ສູ້ແບບແນວຄວາມຄິດ. ການໂຄສະນາເຜີຍແຜ່ກ່ຽວກັບການຕໍ່ສູ້ເພື່ອສັນຕິພາບ, ທ້ອນໂຮມເປັນເອກະພາບ ແລະ ເອກະລາດຂອງປະຊາຊົນ ຫວຽດນາມ ຍັງບໍ່ທັນໄປເຖິງປະຊາຊົນ ແລະ ຫາງສຽງສາກົນຢ່າງກວ້າງຂວາງໃນຫຼາຍປະເທດໃນໂລກ. ສົງຄາມ ຫວຽດນາມ ຍັງຖືກຫຼາຍຄົນເບິ່ງໃຕ້ປີຊຶມ (prism) ຂອງການແກ້ງແຍ້ງລະຫວ່າງສອງຝ່າຍ.
 |
| ພາບປະກອບ |
ໜ້າທີ່ຂອງພື້ນຖານການຕ່າງປະເທດ ຫວຽດນາມ ໃນເວລານັ້ນຕ້ອງຊອກຫາໄດ້ວິທີການນະໂຍບາຍພັດທະນາໃໝ່, ຊອກຫາວິທີຫຼຸດພົ້ນອອກຈາກຄວາມຄິດຜິດພາດນີ້, ເປີດກວ້າງບັນດາການພົວພັນສາກົນເພື່ອສາມາດເປັນມິດກັບທຸກປະເທດ, ບັນດາກຳລັງຮັກຫອມສັນຕິພາບ, ສຸ້ຊົນເພື່ອເອກະລາດແຫ່ງຊາດ, ທ້ອນໂຮມປະເທດຊາດເປັນເອກະພາບ ແລະ ຮັກສາຜືນແຜ່ນດິນອັນຄົບຖວ້ນໃນປະຊາຄົມສາກົນ.
ເພື່ອທຳລາຍການປິດລ້ອມ ແລະ ພັດທະນາພື້ນຖານການຕ່າງປະເທດ ຫວຽດນາມ, ເພື່ອເຮັດໃຫ້ປະຊາຊົນ, ບັນດາກຳລັງຮັກຫອມສັນຕິພາບໃນທົ່ວໂລກເຂົ້າໃຈກ່ຽວກັບສົງຄາມຫວຽດນາມ ແລະ ສະໜັບສະໜູນ ປະຊາຊົນ ຫວຽດນາມ ກວ່າອີກນັ້ນ, ຍຸດທະສາດການທູດປະຊາຊົນຂອງພັກແຮງງານຫວຽດນາມ, ນຳໜ້າແມ່ນປະທານໂຮ່ຈີມິນ ໄດ້ຮັບການສ້າງຕັ້ງຂຶ້ນ. ຍຸດທະສາດນີ້ໄດ້ຖອດຖອນມາຈາກບົດຮຽນປະສົບການອັນລ້ຳຄ່າຂອງພັກຫວຽດນາມ ໃນຍຸກສະໄໝແນວໂຮມປະເທດຊາດ ຫວຽດມິງ (ຊຸມປີ 1940), ແນວໂຮມສະຫະພັນຫວຽດປະສົມ (1950)…
ຕາມທ່ານ ປ.ອ ຫງວຽນບ໊າເຊີນ: ການກຳເນີດຂອງແນວໂຮມຊົນຊາດປົດປ່ອຍພາກໃຕ້ ຫວຽດນາມ ໃນວັນທີ 20 ທັນວາ 1960, ໂດນທ່ານທະນາຍຄວາມ ຫງວຽນຮຶວເທາະ ເປັນປະທານພ້ອມກັບບັນດາການນຳແນວໂຮມເຊິ່ງແມ່ນບຸກຄະລາກອນປັນຍາຊົນ, ນາຍທຶນຊົນຊາດ, ເຈົ້າຂອງທີ່ດິນ, ຜູ້ມີຍົດສັກຕຳແໜ່ງ… ທີ່ຮັກຊາດ ອາດຈະໄດ້ຮັບຖືວ່າເປັນຈຸດເລີ່ມຕົ້ນຂອງພື້ນຖານການທູດປະຊາຊົນໃນໄລຍະປະຕິວັດໃໝ່ນີ້.
ໂດຍຍົກສູງທຸງຕໍ່ສູ້ເພື່ອສັນຕິພາບ, ເອກະລາດຊົນຊາດ ແລະ ທ້ອນໂຮມປະເທດຊາດເປັນເອກະພາບ, ບັນດາເປົ້າໝາຍທີ່ເໝາະສົມກັບທ່າອ່ຽງຂອງຍຸກສະໄໝ, ແນວໂຮມປະເທດຊາດປົດປ່ອຍພາກໃຕ້ ຫວຽດນາມ ສາມາດຍາດແຍ່ງໄດ້ການສະໜັບສະໜູນຢ່າງກວ້າງຂວາງຂອງປະຊາຊົນທີ່ຮັກຫອມສັນຕິພາບຢູ່ຫຼາຍປະເທດ, ບໍ່ວ່າຄວາມຄິດເຫັນທາງດ້ານການເມືອງຈະເປັນຄືແນວໃດ. ກ່ຽວກັບດ້ານການທູດ, ແນວໂຮມໄດ້ສ້າງຕັ້ງອົງການຕາງໜ້າຢູ່ບັນດາປະເທດສັງຄົມນິຍົມ, ສ້າງອົງການຈັດຕັ້ງ, ຖັນແຖວບັນດານັກການທູດປະຊາຊົນ ໄດ້ໂດຍໄວ.
ຈາກນັ້ນ, ການຕໍ່ສູ້ຂອງປະຊາຊົນເຮົາໄດ້ກ້າວເຂົ້າສູ່ໄລຍະໃໝ່, ສິ່ງນີ້ຮຽກຮ້ອງຕ້ອງການມີເພີ່ມເຕີມ, ດັດປັບຍຸດທະສາດການທູດປະຊາຊົນໃຫ້ເໝາະສົມກັບຄວາມຮຽກຮ້ອງຕ້ອງການຂອງສະພາບການ. ໄລຍະ 1960 – 1969 ແມ່ນວິວັດການກະກຽມກຳລັງ ແລະ ກໍ່ສ້າງແຜນການໃຫ້ແກ່ພື້ນຖານການທູດປະຊາຊົນຂອງພວກເຮົາອອກສູ່ໂລກ, ແບບຫາບບົດບາດໜ້າທີ່ປະຫວັດສາດທີ່ສຳຄັນເຊິ່ງຊົນຊາດມອບໝາຍໃຫ້ໃນຈຸດເວລາທີ່ເປັນບາດລ້ຽວຂອງສົງຄາມ.
ບຸນຄົງ
