 |
| ພາບປະກອບ: TTXVN |
ວັນທີ 16 ມີນາ, ຄະນະກຳມະການປະຊາຊົນແຂວງຝຸເທາະໄດ້ຈັດຕັ້ງກອງປະຊຸມຜັນຂະຫຍາຍແຜນການຈັດຕັ້ງພິທີບູຊາເຈົ້າຊີວິດຮຸ່ງ ແລະ ສັບປະດາວັດທະນະທຳ - ທ່ອງທ່ຽວເຂດດິນແດນບັນພະບູລຸດ ປີ 2023.
ຕາມນັ້ນແລ້ວ, ເຫດການສຳຄັນໄດ້ຮັບການຈັດຕັ້ງແຕ່ວັນທີ 20 – 29 ເມສາ (ກົງກັບວັນທີ 1 – 10 ມີນາ ໄລ່ຕາມຈັນທະປະຕິທິນ) ເພື່ອແນໃສ່ເຊີດຊູບັນດາຄຸນຄ່າມໍລະດົກຂອງຊາດ, ຢັ້ງຢືນຄຸນຄ່າອັນໃຫຍ່ຫຼວງຂອງການເຫຼື້ອມໄສເຊື່ອຖືສາສະໜາ ໃນການບູຊາເຈົ້າຊີວິດຮຸ່ງ ແລະ ພິທີບູຊາເຈົ້າຊີວິດຮຸ່ງ ວັນທີ 10 ເດືອນ 3 ໄລ່ຕາມຈັນທະປະຕິຖິນ, ອາໄລຫາ ແລະ ສະແດງຄວາມຮູ້ບຸນຄຸນຂອງເຈົ້າຊີວິດຮຸ່ງພ້ອມກັບບັນພະບຸລຸດທີ່ມີຄຸນງາມຄວາມດີໃນການສ້າງສາປະເທດຊາດ.
ຄະນະກຳມະການປະຊາຊົນແຂວງໄດ້ສ້າງຄະນະຈັດຕັ້ງພິທີບູຊາເຈົ້າຊີວິດຮຸ່ງ ແລະ ສັບປະດາວັດທະນະທຳ - ທ່ອງທ່ຽວເຂດດິນແດນບັນພະບຸລຸດ ປີ 2023 ໂດຍທ່ານ ໂຮ່ດ້າຍຢຸງ, ຮອງປະທານຄະນະກຳມະການປະຊາຊົນແຂວງເປັນຫົວໜ້າຄະນະ. ປັດຈຸບັນບັນດາຫົວໜ່ວຍພວມຕັ້ງໜ້າຜັນຂະຫຍາຍບັນດາໜ້າທີ່ຕາມແຜນການທີ່ວາງອອກ.
ເຂດຮ່ອງຮອຍປະຫວັດສາດຫໍບູຊາເຈົ້າຊີວິດຮຸ່ງ ໄດ້ສ້າງແຜນການຈັດຕັ້ງບັນດາພິທີ, ຮັບປະກັນຄວາມເຂັ້ມງວດ, ຄວາມເປັນກຽດ, ເຄົາລົບນັບຖື. ໄປຄຽງຄູ່ກັນນັ້ນກໍ່ຍັງມີບັນດາການເຄື່ອນໄຫວວັດທະນະທຳຄື: ຕີກ້ອງ, ຟ້ອນສິງໂຕ, ວັນບຸນຫໍ່ ແລະ ຕົ້ມເຂົ້າຕົ້ມ…ກໍ່ໄດ້ຮັບການຂຶ້ນແຜນສະເພາະ ແລະ ໄດ້ມອບໜ້າທີ່ໃຫ້ແກ່ແຕ່ລະຫົວໜ່ວຍຢ່າງລະອຽດ.
ບຸນຄົງ
