ວັນທີ 15 ມີນານີ້, ໃນໄລຍະຢ້ຽມຢາມຍີ່ປຸ່ນ, ຄະນະຜູ້ແທນແຂວງ ຝຸອຽນ ນຳໂດຍ ສະຫາຍ ຟ້າມດ້າຍເຢືອງ, ກຳມະການສູນກາງພັກ, ເລຂາຄະນະພັກແຂວງ, ຫົວໜ້າຄະນະສະມາຊິກສະພາແຫ່ງຊາດແຂວງ ຝຸອຽນ ໄດ້ພົບປະກັບສະມາຄົມສະຖາປັດຕະຍະກໍາ ນະຄອນເຂດ Kansai.
ທີ່ການພົບປະ, ສະຫາຍ ຟ້າມດ້າຍເຢືອງ ໄດ້ແນະນຳບາງສະຖາປັດຕະຍະກຳທີ່ເປັນສັນຍາລັກການທ່ອງທ່ຽວຂອງແຂວງ ແລະ ນະຄອນ ຕຸຍຮ່ວາ ໃຫ້ແກ່ສະມາຄົມສະຖາປະນິກເຂດ Kansai ແລະ ເນັ້ນໜັກເຖິງຈຸດພົ້ນເດັ່ນຂອງນະຄອນ ຕຸຍຮ່ວາ, ນັ້ນແມ່ນນະຄອນສະອາດ, ແສງສະຫວ່າງ ແລະ ໜຸ່ມ, ມີການປ່ຽນແປງໃໝ່, ພ້ອມກັນນັ້ນ ກໍ່ສະແດງຄວາມຫວັງຢາກໃຫ້ສະມາຄົມມີຄວາມເອົາໃຈໃສ່, ໃຫ້ຄຳປຶກສາ, ໜູນຊ່ວຍເພື່ອໃຫ້ສະຖາປັດຕະຍະກຳ ຫໍງິງຟອງ ນະຄອນ ຕຸຍຮ່ວາ ໄດ້ເຂົ້າຮ່ວມຊິງລາງວັນສະຖາປັດຕະຍະກຳອາຊີ 2023, ເພາະວ່ານີ້ແມ່ນລາງວັນທີ່ມີຜົນສະທ້ອນ, ຜົນກະທົບເຖິງການພັດທະນາເສດຖະກິດ-ສັງຄົມ, ພື້ນຖານໂຄງລ່າງທ້ອງຖິ່ນ ຖ້າໄດ້ຮັບການເຊີດຊູ.
 |
| ຄະນະປະຕິບັດງານແຂວງຝຸອຽນຖ່າຍຮູບກັບການນຳແຂວງ Wakayama (ພາບ: CTV) |
ສະຫາຍເລຂາຄະນະພັກແຂວງ ໄດ້ເປັນກຽດເຊື້ອເຊີນບັນດານັກສະຖາປະນິກ ຍີ່ປຸ່ນ ມາຝູອຽນ ເພື່ອໜູນຊ່ວຍ, ໃຫ້ຄຳແນະນຳ ແລະ ຮ່ວມມື ເພື່ອໃຫ້ແຂວງມີບັນດາສະຖາປັດຕະຍາກຳທີ່ສວຍງາມກ່ວາອີກ, ບັນລຸລະດັບສາກົນ, ປະກອບສ່ວນຊຸກຍູ້ການພັດທະນາການທ່ອງທ່ຽວ ຝຸອຽນ ໃນໄລຍະຈະມາເຖິງ.
ແລະກໍ່ໃນວັນດຽວກັນ, ຄະນະປະຕິບັດງານແຂວງ ຝຸອຽນ ໄດ້ໄປຢ້ຽມຢາມ ແລະ ເຮັດວຽກກັບສະຖານກົງສຸນໃຫຍ່ຫວຽດນາມ ປະຈຳແຂວງ Osaka. ສະຫາຍເລຂາຄະນະພັກແຂວງ ຟ້າມດ້າຍເຢືອງ ປາດຖະໜາວ່າ ສະຖານກົງສູນໃຫຍ່ຫວຽດນາມ ປະຈຳແຂວງ Osaka ເອົາໃຈໃສ່ເຖິງການໜູນຊ່ວຍແຂວງຝຸອຽນ ປະຕິບັດສຳເລັດຈຸດປະສົງຂອງການຢ້ຽມຢາມແມ່ນການເຊື່ອມໂຍງ, ຊຸກຍູ້ການພົວພັນ ແລະ ມຸ່ງໄປເຖິງການຮ່ວມມືລົງທຶນກັບວິສາຫະກິດ ຍີ່ປຸ່ນ, ອົງການຈັດຕັ້ງ ແລະ ຫົວໜ່ວຍພັດທະນາຂອງຍີ່ປຸ່ນ ເພື່ອນຳແຂວງພັດທະນາຂຶ້ນ.
ກ່ອນໜ້ານີ້, ຄະນະຜູ້ແທນແຂວງ ຝຸອຽນ ໄດ້ສົມທົບກັບແຂວງ Wakayama (ຍີ່ປຸ່ນ) ຈັດຕັ້ງກອງປະຊຸມຊຸກຍູ້ການລົງທຶນດ້ານກະສິກຳ, ສິນໃນນ້ຳ ແລະ ການທ່ອງທ່ຽວຢູ່ ຝຸອຽນ ຢູ່ເຂດ Kansai ຂອງຍີ່ປຸ່ນ. ເຂົ້າຮ່ວມກອງປະຊຸມມີທ່ານກົງສຸນໃຫຍ່ຫວຽດນາມ ປະຈໍາ Osaka ໂງຈິງຮ່າ; ການນຳອຳນາດການປົກຄອງ, ກົມກອງ, ຄະນະ, ຂະແໜງການທີ່ກ່ຽວຂ້ອງ, ສະມາຄົມນັກທຸລະກິດຍີ່ປຸ່ນ - ຫວຽດນາມ ຢູ່ເຂດ Kansai, ບັນດາອົງການ, ວິສາຫະກິດແຂວງ Wakayama ແລະ ຍີ່ປຸ່ນ; ບັນດາໂຮງຮຽນມະຫາວິທະຍາໄລ, ສູນຝຶກອົບຮົມພາສາຍີ່ປຸ່ນ.
ທີ່ກອງປະຊຸມ, ສະຫາຍ ຟ້າມດ້າຍເຢືອງ ໄດ້ແນະນຳສະພາບການ, ຈຸດພິເສດ, ທີ່ຕັ້ງພູມສາດ, ຄວາມສາມາດບົ່ມຊ້ອນ ແລະ ທ່າໄດ້ປຽບຂອງແຂວງ ຝຸອຽນ. ຕາມນັ້ນແລ້ວ, ຝຸອຽນມີຈຸດຄ້າຍຄືກັນຫຼາຍຢ່າງກັບແຂວງ Wakayama ຄື ຕັ້ງຢູ່ລຽບແຄມຝັ່ງທະເລ, ມີຊື່ສຽງກ່ຽວກັບໝາກໄມ້ ແລະ ປ່າ, ມີທ່າກຳປັ່ນທະເລ…ກອງປະຊຸມແມ່ນໂອກາດເພື່ອໃຫ້ ຝຸອຽນ ໄດ້ພົບປະແລກປ່ຽນກັບບັນດາກຸ່ມບໍລິສັດ, ວິສາຫະກິດ, ນັກລົງທຶນຍີ່ປຸ່ນ ເຊິ່ງແມ່ນບັນດາຄູ່ຮ່ວມມືທີ່ມີຄວາມສາມາດບົ່ມຊ້ອນ ຍາມໃດກໍ່ມີຄວາມເອົາໃຈໃສ່, ສະໜັບສະໜູນ ແລະ ປະກອບສ່ວນສຳຄັນເຂົ້າໃນການພັດທະນາເສດຖະກິດ - ສັງຄົມຂອງຫວຽດນາມ ເວົ້າລວມ ແລະ ຂອງແຂວງ ຝຸອຽນ ເວົ້າສະເພາະ.
ກໍ່ທີ່ກອງປະຊຸມ, ການນຳບາງຂະແໜງການ, ທ້ອງຖິ່ນ ແລະ ວິສາຫະກິດຂອງ 2 ແຂວງ ໄດ້ແນະນໍາ, ແລກປ່ຽນກ່ຽວກັບຄວາມສາມາດບົ່ມຊ້ອນ, ທ່າແຮງຂອງທ້ອງຖິ່ນຕົນ ແລະ ມີການບັນທຶກເພື່ອຮ່ຳຮຽນ ແລະ ມຸ່ງໄປເຖິງການລົງທຶນ. ຫຼັງຈາກນັ້ນ ກໍ່ໄດ້ເຂົ້າຢ້ຽມຂ່ຳນັບຜູ້ວ່າການປົກຄອງເມືອງ Wakazama. ບັນດາການເຄື່ອນໄຫວແລກປ່ຽນຮ່ວມມືນີ້ ເພື່ອແນໃສ່ສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ຍີ່ປຸ່ນ.
ບຸນຄົງ
