| ການເຄື່ອນໄຫວຫຼາຍຢ່າງມຸ່ງໄປເຖິງເຫດການ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ຍີ່ປຸ່ນ | |
| ເປີດຕົວສະມາຄົມມິດຕະພາບ ຫວຽດນາມ - ຍີ່ປຸ່ນ ຢູ່ມະຫາວິທະຍາໄລພາສາຕ່າງປະເທດ, ມະຫາວິທະຍາໄລ ດານັງ |
ທີ່ການພົບປະແລກປ່ຽນ, ທ່ານນາງ Ikeda Setsuko ປະທານ JIFA ໄດ້ສະເໜີສະພາບລວມການເຄື່ອນໄຫວຂອງອົງການນີ້ຢູ່ຫວຽດນາມ.
ຕາມນັ້ນແລ້ວ, ນັບແຕ່ປີ 2010, JIFA ໄດ້ປະຕິບັດໂຄງການໜູນຊ່ວຍເຄື່ອງກອງນ້ຳຢູ່ບັນດາໂຮງຮຽນຢູ່ບາງທ້ອງຖິ່ນຂອງ ຫວຽດນາມ, ຕົ້ນຕໍແມ່ນແຂວງ ຮ່າຕິ້ງ, ເພື່ອໃຫ້ນັກຮຽນໄດ້ຊົມໃຊ້ນ້ຳສະອາດ. ນັບແຕ່ປີ 2014, JIFA ໄດ້ຈັດຕັ້ງມອບທຶນການສຶກສາປະຈຳປີ ໃຫ້ນັກຮຽນດ້ອຍໂອກາດຢູ່ ຮ່າຕິ້ງ. ໃນປີ 2022 ມີທຶນການສຶກສາໃຫ້ນັກສຶກສາ ຈຳນວນທັງໝົດເກືອບ 200 ຄົນ, ແຕ່ລະຄົນມີມູນຄ່າ 1,8 ລ້ານດົ່ງ.
 |
| ທ່ານນາງ Ikeda Setsuko ປະທານ JIFA ໄດ້ສະເໜີສະພາບລວມການເຄື່ອນໄຫວຂອງອົງການນີ້ຢູ່ຫວຽດນາມ. |
JIFA ກໍ່ໄດ້ຈັດຫຼາຍກອງປະຊຸມສຳມະນາ ເພື່ອບຳລຸງຜູ້ເກັ່ງກ້າ, ສະໜອງຂໍ້ມູນການສຶກສາ ແລະ ໂອກາດໃນການຮ່ຳຮຽນ, ການເຮັດວຽກຢູ່ຍີ່ປຸ່ນ ໂດຍຜ່ານໂຄງການຝຶກງານດ້ານວິຊາການ, ໂຄງການທຶນການສຶກສາໄປຮຽນຢູ່ຕ່າງປະເທດ 100%; ໄດ້ຈັດຕັ້ງການຢ້ຽມຢາມ ແລະ ເຮັດວຽກກ່ຽວກັບການເພີ່ມທະວີການຮ່ວມມື ແລະ ຊຸກຍູ້ໂຄງການສົ່ງນັກຝຶກງານ ຮ່າຕິ້ງ ໄປ ຍີ່ປຸ່ນ ດ້ວຍລາຍຈ່າຍຕ່ຳ.
ທ່ານນາງ Ikeda Setsuko ໃຫ້ຮູ້ວ່າ: JIFA ປາດຖະໜາຢາກສ້າງເງື່ອນໄຂໃຫ້ບັນດານັກສຶກສາ ແລະ ນັກຝຶກງານຫວຽດນາມ ໄດ້ຮູ້ພາສາຍີ່ປຸ່ນ, ຮູ້ເຖິງຊີວິດການເປັນຢູ່ ແລະ ເຂົ້າໃຈວັດທະນະທຳຍີ່ປຸ່ນ. ໃນຂະບວນການເຮັດວຽກ, ນັກຝຶກງານໄດ້ຮັບປະສົບການ, ຮຽນຮູ້ວິທີການເຮັດວຽກ ແລະ ການຄຸ້ມຄອງຂອງຄົນຍີ່ປຸ່ນ ເພື່ອກັບຄືນໄປອຸທິດຕົນເພື່ອບ້ານເກີດເມືອງນອນ. ຜ່ານນັ້ນ, ກໍສ້າງແຫຼ່ງຊັບພະຍາກອນມະນຸດໃຫ້ຫວຽດນາມ ມີຄຸນນະພາບ, ເພື່ອວ່າ ເມື່ອກັບຄືນບ້ານເກີດເມືອງນອນ, ພວກເຂົາຈະແມ່ນປັດໄຈດຶງດູດການລົງທຶນຈາກຕ່າງປະເທດ, ໃນນັ້ນມີບັນດາວິສາຫະກິດ ຍີ່ປຸ່ນ. ຄາດວ່າໃນເດືອນເມສາ ແລະ ພຶດສະພາ 2023, JIFA ຈະສົ່ງຄູສອນພາສາຍີ່ປຸ່ນ ໄປແຂວງ ຮ່າຕິ້ງ ເພື່ອຊ່ວຍຍົກສູງຄຸນນະພາບການຝຶກອົບຮົມພາສາຍີ່ປຸ່ນ ຢູ່ບັນດາບໍລິສັດສົ່ງອອກແຮງງານຢູ່ແຂວງນີ້.
 |
ກ່າວຄຳເຫັນທີ່ການພົບປະ, ທ່ານ ບຸ່ຍຄັກເຊີນ, ຮອງປະທານຜູ້ປະຈຳການສະມາຄົມມິດຕະພາບ ຫວຽດນາມ - ຍີ່ປຸ່ນ ໄດ້ຕີລາຄາສູງບັນດາການເຄື່ອນໄຫວ ແລະ ໂຄງການຮ່ວມມືຂອງ JIFA ໃນຊຸມປີຜ່ານມາ. ຢືນຢັນວ່າ ບັນດາການເຄື່ອນໄຫວ ແລະ ໂຄງການທີ່ມີປະສິດທິຜົນຂອງ JIFA ຢູ່ ຮ່າຕິ້ງ ໄດ້ປະກອບສ່ວນສຳຄັນເຂົ້າໃນການພັດທະນາແຫຼ່ງຊັບພະຍາກອນມະນຸດ, ສ້າງວຽກເຮັດງານທຳ, ໜູນຊ່ວຍແກ້ໄຂຄວາມຫຍຸ້ງຍາກຂອງບັນດານັກຮຽນທຸກຍາກຢູ່ແຂວງ.
ທ່ານ ເຊີນ ໃຫ້ຮູ້ວ່າ ຄະນະກຳມະການສູນກາງສະມາຄົມ ແລະ ສະມາຄົມມິດຕະພາບຫວຽດນາມ - ຍີ່ປຸ່ນ ຢູ່ທ້ອງຖິ່ນ ພວມຜັນຂະຫຍາຍບັນດາການເຄື່ອນໄຫວເພື່ອສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນຕ່າງປະເທດລະຫວ່າງ 2 ປະເທດ (21/9/1973 – 21/9/2023), ໃນນັ້ນ ຈັດຕັ້ງການຕ້ອນຮັບເພື່ອນມິດຍີ່ປຸ່ນທີ່ມາຢ້ຽມຢາມ, ເຮັດວຽກ ແລະ ພົບປະແລກປ່ຽນ. ທ່ານປາດຖະໜາວ່າ JIFA ໄດ້ພັດທະນາຢ່າງເຂົ້ມແຂງ, ຍືນຍົງ ແລະ ມີການພົວພັນຮ່ວມມືເປັນປະຈຳກັບສະມາຄົມ.
ຄຳຮຸ່ງ
