| ເປີດຕົວສະມາຄົມມິດຕະພາບ ຫວຽດນາມ - ຍີ່ປຸ່ນ ຢູ່ມະຫາວິທະຍາໄລພາສາຕ່າງປະເທດ, ມະຫາວິທະຍາໄລ ດານັງ | |
| ຫວຽດນາມ ປາດຖະໜາພ້ອມກັບ ຍີ່ປຸ່ນ ເຮັດໃຫ້ການພົວພັນລະຫວ່າງ 2 ປະເທດໃຫ້ເລິກເຊິ່ງຂຶ້ນຕື່ມ |
 |
| ການເຮັດວຽກທາງໄກ |
ທີ່ການພົບປະ, ຫົວໜ້າກົງສຸນໃຫຍ່ ຍີ່ປຸ່ນ ປະຈຳ ນະຄອນ ໂຮ່ຈີມິນ ທ່ານ Watanabe Nobuhiro ໄດ້ແລກປ່ຽນຄວາມເຫັນກ່ຽວກັບການປະຕິບັດວຽກງານສື່ສານ 50 ປີ, ບັນດາໂຄງການ ແລະ ກິດຈະກຳສະເຫຼີມສະຫຼອງ 50 ປີແຫ່ງວັນສ້າງສາຍພົວພັນທາງການທູດ ຫວຽດນາມ - ຍີ່ປຸ່ນ. ພ້ອມກັນນັ້ນ, ກໍແຈ້ງໂດຍຫຍໍ້ກ່ຽວກັບການກະກຽມໃຫ້ແກ່ການເຄື່ອນໄຫວດັ່ງກ່າວ, ໂລໂກ້ທີ່ລະນຶກ, ຂໍ້ມູນກ່ຽວກັບການຮັບຮອງເອົາໂຄງການສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຍີ່ປຸ່ນ - ຫວຽດນາມ ຂອງຝ່າຍຍີ່ປຸ່ນ.
ພ້ອມທັງທ່ານກໍປາດຖະໜາຢາກສືບຕໍ່ທະວີຄູນໂຄງການຢ່າງກວ້າງຂວາງເພື່ອປະກອບສ່ວນຊຸກຍູ້ການພົວພັນມິດຕະພາບທີ່ເປັນມູນເຊື້ອລະຫວ່າງ ຍີ່ປຸ່ນ - ຫວຽດນາມ ໃນບັນດາຂົງເຂດຄື: ວັດທະນະທຳ, ສິລະປະ, ກິລາ, ການສຶກສາ, ການທ່ອງທ່ຽວ, ເສດຖະກິດ, ວິທະຍາສາດ ແລະ ອື່ນໆ. ຄະນະຈັດຕັ້ງຈະນຳເອົາຂໍ້ມູນຂອງບັນດາລາຍການທີ່ຮັບຮອງວ່າເປັນລາຍການຄົບຮອບ 50 ປີເຂົ້າໃນບັນຊີລາຍການເຄື່ອນໄຫວ, ລາຍການເຫຼົ່ານີ້ສາມາດນຳໃຊ້ໂລໂກ້ຂອງປີຄົບຮອບ 50 ປີ.
ທີ່ການເຮັດວຽກ, ຜູ້ຕາງໜ້າການນຳສະຫະພັນບັນດາອົງການຈັດຕັ້ງມິດຕະພາບ ແລະ ສະມາຄົມມິດຕະພາບ ຫວຽດນາມ - ຍີ່ປຸ່ນ ບັນດາແຂວງ, ນະຄອນຄື: ບິ່ງເຢືອງ, ບ່າເຣ້ຍ - ຫວູງເຕົາ, ກຽນຢາງ, ນະຄອນເກິ່ນເທີ ແລະ ນະຄອນໂຮ່ຈີມິນ ໄດ້ແລກປ່ຽນການກະກຽມສຳລັບການຈັດຕັ້ງໂຄງການ, ເຫດການຢູ່ທ້ອງຖິ່ນມຸ່ງໄປເຖິງເຫດການດັ່ງກ່າວ.
 |
 |
| Opera "ເຈົ້າຍິງ Anio" |
 |
ທ່ານລັດຖະມົນຕີ ຫງວຽນວັນຮຸ່ງ ແລະ ທ່ານເອກອັກຄະລັດຖະທູດ ຍີ່ປຸ່ນ ປະຈຳ ຫວຽດນາມ ໄດ້ເຫັນດີເປັນເອກະພາບຈັດຕັ້ງບັນດາການເຄື່ອນໄຫວວັດທະນະທຳ, ກິລາ ແລະ ທ່ອງທ່ຽວ ເພື່ອສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ຍີ່ປຸ່ນ. |
ບັນດາການເຄື່ອນໄຫວເຫດການແມ່ນເພື່ອແນໃສ່ເພີ່ມທະວີການເຄື່ອນໄຫວພົບປະແລກປ່ຽນວັດທະນະທຳ, ຊອກຮູ້ຄວາມງາມດ້ານວັດທະນະທຳລະຫວ່າງບັນດາທ້ອງຖິ່ນ ຫວຽດນາມ ແລະ ຍີ່ປຸ່ນ, ສ້າງປະຖົມປັດໄຈໃຫ້ແກ່ບັນດາການເຄື່ອນໄຫວພົບປະແລກປ່ຽນ, ຊອກຮູ້ຄວາມງາມດ້ານວັດທະນະທຳລະຫວ່າງສອງປະເທດ ແລະ ເພື່ອໃຫ້ປະຊາຊົນ, ນັກຮຽນ, ນັກສຶກສາຫວຽດນາມ ມີໂອກາດສຳຜັດ, ຊອກຮູ້ກ່ຽວກັບວັດທະນະທຳ, ປະເທດຊາດ ແລະ ຊາວຍີ່ປຸ່ນ.
ພ້ອມກັນນັ້ນ, ກໍເປັນການປະກອບສ່ວນສຶກສາ, ໂຄສະນາເຜີຍແຜ່ການພົວພັນມິດຕະພາບລະຫວ່າງປະຊາຊົນສອງປະເທດ ຫວຽດນາມ ແລະ ຍີ່ປຸ່ນ ຜ່ານບັນດາການເຄື່ອນໄຫວແລກປ່ຽນວັດທະນະທຳ, ພົບປະປະຊາຊົນ; ສ້າງປະຖົມປັດໄຈ ແລະ ກຳລັງໜູນຊຸກຍູ້ການຮ່ວມມືໃນຫຼາຍຂົງເຂດ, ດຶງດູດນັກລົງທຶນຍີ່ປຸ່ນ...
ທ່ານຫົວໜ້າສະຖານກົງສູນໃຫຍ່ຍີ່ປຸ່ນ ປະຈຳນະຄອນ ໂຮ່ຈິມິນ ຫວັງວ່າຈະໄດ້ຮັບເອກະສານຫຼາຍສະບັບທີ່ສະເໜີຈັດຕັ້ງບັນດາເຫດການ, ງານບຸນ, ການເຄື່ອນໄຫວຢູ່ທ້ອງຖິ່ນ ແລະ ຄວາມມານະພະຍາຍາມເພື່ອປະກອບສ່ວນເພີ່ມທະວີການພົວພັນມິດຕະພາບລະຫວ່າງ ຍີ່ປຸ່ນ ແລະ ຫວຽດນາມ.
ບຸນຄົງ
