ເຢຍລະມັນ ໜູນຊ່ວຍອຸປະກອນກັ່ນຕອງນ້ຳ ໃຫ້ບັນດາໂຮງຮຽນຢູ່ເຂດພູດອຍຫວຽດນາມ

14:38 | 08/02/2023

ຍສໝ - ເພື່ອໜູນຊ່ວຍໂຮງຮຽນ 30 ແຫ່ງຢູ່ເຂດພູດອຍ ແລະ ເຂດຫ່າງໄກສອກຫຼີກຂອງຫວຽດນາມ, ອົງການໜູນຊ່ວຍມະຫາວິທະຍາໄລໂລກຂອງເຢຍລະມັນ (WUS) ດ້ວຍການໜູນຊ່ວຍຂອງລັດ Sachsen-Anhalt (ເຢຍລະມັນ) ໄດ້ສະໜອງເຄື່ອງກັ່ນຕອງນ້ຳບໍລິສຸດ ຈຳນວນ 30 ເຄື່ອງ ຍີ່ຫໍ້ “PAUL” ເພື່ອໃຫ້ບັນດາໂຮງຮຽນທີ່ມີຄວາມຫຍຸ້ງຍາກຫຼາຍ ໄດ້ສາມາດເຂົ້າເຖິງ ແລະ ນໍາໃຊ້ນ້ໍາດື່ມທີ່ສະອາດ ໃນໄລຍະຍາວ. Để hỗ trợ 30 trường học tại các khu vực miền núi, vùng sâu vùng xa ở Việt Nam, Tổ chức Hỗ trợ đại học thế giới CHLB Đức (WUS) với sự hỗ trợ của bang Sachsen-Anhalt (Đức) đã cung cấp tổng cộng 30 thiết bị lọc nước tinh khiết nhãn hiệu "PAUL" để các trường học còn nhiều khó khăn có

	ຫວຽດນາມ - ສະຖານທີ່ລົງທຶນທີ່ປອດໄພ ແລະດູດດື່ມຂອງບັນດາວິສາຫະກິດເຢຍລະມັນ
	ສື່ມວນຊົນ ເຢຍລະມັນ ລົງຂ່າວເປັນຈຳນວນຫຼາຍກ່ຽວກັບການຢ້ຽມຢາມ ຫວຽດນາມ ຂອງທ່ານນາຍົກລັດຖະມົນຕີ ເຢຍລະມັນ Olaf Scholz

ຕາມສຳນັກຂ່າວສານຫວຽດນາມປະຈຳ Berlin, ໃນຈຳນວນອຸປະກອນ 30 ເຄື່ອງທີ່ກ່າວມາຂ້າງເທິງ, ລັດ Sachsen-Anhalt ໄດ້ອຸປະຖຳ 17 ເຄື່ອງ ແລະ ອົງການ WUS ອຸປະຖຳ 13 ເຄື່ອງ. ບັນດາອຸປະກອນດັ່ງກ່າວ ໄດ້ຂົນສົ່ງໂດຍບໍ່ເສຍຄ່າ ໂດຍບໍລິສັດການບິນ Vietnam Airlines ຈາກ Frankfurt/Main ມາຍັງ ຮ່າໂນ້ຍ ເພື່ອມອບໃຫ້ອຳນາດການປົກຄອງ ແລະ ໜູນຊ່ວຍການມອບໃຫ້ໂຮງຮຽນ 30 ແຫ່ງຢູ່ບັນດາແຂວງເຂດພູດອຍ ທີ່ມີນັກຮຽນປະມານ 12.000 ຄົນ.

ເຢຍລະມັນ ໜູນຊ່ວຍອຸປະກອນກັ່ນຕອງນ້ຳ ໃຫ້ບັນດາໂຮງຮຽນຢູ່ເຂດພູດອຍຫວຽດນາມ

ລະບົບການກັ່ນຕອງນ້ໍາ PAUL (Portable Aqua Unit for Live Saving) ແມ່ນອຸປະກອນເຄື່ອງກອງນໍ້າທີ່ມີເຕັກໂນໂລຢີສູງ, ປະຢັດຊັບພະຍາກອນ, ບໍ່ມີສານເຄມີ ແລະ ບໍ່ໃຊ້ໄຟຟ້າ ຍ້ອນການນໍາໃຊ້ເຄື່ອງກອງຫຼາຍຂັ້ນຕອນ ເຕັກໂນໂລຢີ nano ທີ່ທັນສະໄຫມ ສາມາດນໍາໃຊ້ເປັນເວລາຫຼາຍປີໂດຍບໍ່ຈໍາເປັນຕ້ອງມີການປ່ຽນໃໝ່. ຜູ້ປະດິດຂອງ PAUL ແມ່ນ ທ່ານ ສຈ.ປອ. Franz-Bernd Frechen ສັງກັດມະຫາວິທະຍາໄລ Kassel (ລັດ Hesse).

ມາຮອດປະຈຸບັນ, WUS ໄດ້ສະໜອງເຄື່ອງກອງນ້ຳ PAUL ຈຳນວນ 301 ເຄື່ອງໃຫ້ຫວຽດນາມ ໃນຊຸມປີມໍ່ໆມານີ້, ໃນນັ້ນ, 91 ເຄື່ອງແມ່ນໄດ້ຮັບການສະໜັບສະໜູນຈາກລັດ Saxony-Anhalt. ການກະທຳອັນສູງສົ່ງ ແລະ ຈົບງາມນີ້ ໄດ້ຊ່ວຍໃຫ້ນັກຮຽນ ແລະ ຄູອາຈານ 120.000 ກວ່າຄົນ ໄດ້ມີນ້ຳດື່ມສະອາດໃນແຕ່ລະວັນ. ທ່ານ ປອ Ghawami ໃຫ້ຮູ້ວ່າ: ຫວຽດນາມ ໄດ້ບັນລຸຄວາມຄືບໜ້າຢ່າງຕັ້ງໜ້າໃນການປະຕິບັດ 17 ເປົ້າໝາຍການພັດທະນາແບບຍືນຍົງ (SDGs) ຂອງສະຫະປະຊາຊາດ ແລະ ການສະໜອງນ້ຳສະອາດແມ່ນໜຶ່ງໃນນັ້ນ.

ການສະໜັບສະໜູນຢ່າງຕໍ່ເນື່ອງ ແລະ ແທດຈິງຂອງ WUS ກໍ່ຄື ລັດຖະບານສູນກາງ ແລະ ທ້ອງຖິ່ນຂອງ ເຢຍລະມັນ ໃນຊຸມປີມໍ່ໆມານີ້ ໄດ້ປະກອບສ່ວນເຂົ້າໃນການເພີ່ມທະວີການພົວພັນຄູ່ຮ່ວມມືຍຸດທະສາດລະຫວ່າງ ຫວຽດນາມ ແລະ ເຢຍລະມັນ. ອຸປະກອນກັ່ນຕອງນ້ຳທີ່ກ່າວມາຂ້າງເທິງແມ່ນຂອງຂວັນອັນລ້ຳຄ່າ ສຳລັບຫຼາຍເຂດພູດອຍ, ເຂດຫ່າງໄກສອກຫຼີກ, ເຂດທີ່ໄດ້ຮັບຜົນກະທົບຈາກໄພທຳມະຊາດ, ໄພແຫ້ງແລ້ງ, ລົມພາຍ, ໄພນ້ຳຖ້ວມ ແລະ ເຂດທີ່ນ້ຳບໍ່ມີສະອາດ ຢູ່ ຫວຽດນາມ.

ຄຳຮຸ່ງ