| ກາເຟ ແລະ ໝາກໄມ້ແຫ້ງຂອງຫວຽດນາມ ດຶງດູດລູກຄ້າເຂົ້າຮ່ວມງານວາງສະແດງຢູ່ ອີຣານ | |
| ອີຣານ ມອບທຶນການສຶກສາໄປຮຽນພາສາ ເປີເຊຍ ຢູ່ ອີຣານ ໃຫ້ແກ່ນັກສຶກສາຫວຽດນາມ |
ວັນທີ 29 ມັງກອນນີ້, ຕາມຄຳເຊີນຂອງທ່ານ Hormatallah Rafiei, ປະທານສະມາຄົມການຂົນສົ່ງທາງອາກາດ ແລະ ວິສາຫະກິດການທ່ອງທ່ຽວຂອງອີຣານ (AATTA), ທ່ານເອກອັກຄະລັດຖະທູດຫວຽດນາມ ປະຈຳ ອີຣານ ເລື່ອງກວກຫູ່ຍ ໄດ້ໄປຢ້ຽມຢາມ ແລະ ເຮັດວຽກຢູ່ສຳນັກງານໃຫຍ່ AATTA ເພື່ອປຶກສາຫາລືແລກປ່ຽນກ່ຽວກັບຄວາມສາມາດບົ່ມຊ້ອນ ແລະ ກາລະໂອກາດຮ່ວມມືດ້ານການທ່ອງທ່ຽວລະຫວ່າງ ຫວຽດນາມ ແລະ ອີຣານ.
 |
ທ່ານເອກອັກຄະລັດຖະທູດຫວຽດນາມ ປະຈຳ ອີຣານ ເລື່ອງກວກຫູ່ຍ ແລະ ທ່ານ Hormatallah Rafiei, ປະທານສະມາຄົມການຂົນສົ່ງທາງອາກາດ ແລະ ວິສາຫະກິດທ່ອງທ່ຽວ ອີຣານ. |
ທີ່ການພົບປະ, ທ່ານ Rafiei ໄດ້ແນະນຳໂດຍຫຍໍ້ກ່ຽວກັບ AATTA ກັບສະມາຊິກຈຳນວນ 5000 ກວ່າຄົນ ທີ່ເປັນບັນດາບໍລິສັດທ່ອງທ່ຽວຂອງອີຣານ ແລະ ແຈ້ງກ່ຽວກັບຄວາມສາມາດບົ່ມຊ້ອນດ້ານຂະແໜງການທ່ອງທ່ຽວຂອງອີຣານ ໂດຍມີນັກທ່ອງທ່ຽວປະມານ 9 ລ້ານເທື່ອຄົນໄປຕ່າງປະເທດໃນແຕ່ລະປີ.
ທ່ານ Rafiei ຍັງໄດ້ແບ່ງປັນນະໂຍບາຍ "ຫັນໄປທາງທິດຕາເວັນອອກ" ຂອງຂະແໜງການທ່ອງທ່ຽວອີຣານ ແລະ ປາດຖະໜາໃຫ້ສອງຝ່າຍຂຸດຄົ້ນຕະຫຼາດເຊິ່ງກັນ ແລະ ກັນ, ໂດຍສະເພາະແມ່ນໃນຈຸດເວລາທີ່ປະຊາຊົນອີຣານກຳລັງຈະສະເຫຼີມສະຫຼອງວັນບຸນປີໃໝ່ (Nowruz) ເຊິ່ງຄາດວ່າຈະແກ່ຍາວເປັນ 2 ຫາ 3 ອາທິດ.
 |
ໃນໄລຍະຈະມາເຖິງ, ທ່ານ Rafiel ໄດ້ສະເໜີໃຫ້ສອງຝ່າຍ ສົມທົບກັນເພື່ອເຊື່ອມຕໍ່ບັນດາວິສາຫະກິດທ່ອງທ່ຽວຂອງສອງປະເທດ; ຂໍເຊີນວິສາຫະກິດທ່ອງທ່ຽວຫວຽດນາມ ມາຢ້ຽມຢາມ ອີຣານ ແລະ ສະເໜີຈັດຕັ້ງບັນດາການທ່ອງທ່ຽວແບບສົມທົບ ໃນສະພາບທີ່ 2 ປະເທດບໍ່ມີຖ້ຽວບິນໂດຍກົງ (ອີຣານ - ໄທ - ຫວຽດນາມ ຫຼື ອີຣານ - ມາເລເຊຍ - ຫວຽດນາມ).
ເນື່ອງໃນໂອກາດນີ້, ທ່ານ Rafiei ຍັງໄດ້ເຊື້ອເຊີນສະຖານທູດ ມາຮ່ວມງານວາງສະແດງການທ່ອງທ່ຽວອີຣານຈັດໂດຍ AATTA ໂດຍມີການເຂົ້າຮ່ວມຂອງລັດຖະມົນຕີກະຊວງວັດທະນະທຳອີຣານ.
ສ່ວນທ່ານເອກອັກຄະລັດຖະທູດ ເລື່ອງກວກຫູ່ຍ ໄດ້ເຫັນດີກັບຂໍ້ສະເໜີຂອງ AATTA, ແບ່ງປັນກ່ຽວກັບນະໂຍບາຍການທ່ອງທ່ຽວ ແລະ ວີຊາຂອງຫວຽດນາມ, ຢືນຢັນວ່າ: ການທ່ອງທ່ຽວແມ່ນຂົງເຂດທີ່ມີຄວາມສາມາດບົ່ມຊ້ອນໃນການຮ່ວມມືລະຫວ່າງ 2 ປະເທດ, ສັນຍາວ່າ ຈະສ້າງທຸກເງື່ອນໄຂສະດວກ ເພື່ອເຊື່ອມຕໍ່ວິສາຫະກິດທ່ອງທ່ຽວຂອງ 2 ປະເທດ. .
ສິ້ນສຸດການພົບປະ, ທ່ານເອກອັກຄະລັດຖະທູດ ເລື່ອງກວກຫູ່ຍ ໄດ້ເຫັນດີສືບຕໍ່ສົມທົບກັບ AATTA ໃນໄລຍະຈະມາເຖິງ ແລະ ຍິນດີຮັບເອົາຄຳເຊີນເຂົ້າຮ່ວມງານຕະຫຼາດນັດທ່ອງທ່ຽວ ອີຣານ.
ຄຳຮຸ່ງ
