| ນະຄອນໂຮ່ຈິມິນ ຊຸກຍູ້ການຫັນບັນດາຂໍ້ຕົກລົງກັບລັດ Victoria, ອົດສະຕາລີ ເປັນການປະຕິບັດ | |
| ກອງປະຊຸມປຶກສາຫາລືການຮ່ວມມືດ້ານປ້ອງກັນຊາດ ຫວຽດນາມ-ອົດສະຕາລີ ຄັ້ງທີ 16 |
ທ່ານນາງ ໂຫງຕວຽດມາຍ ປະຈຸບັນເປັນອາຈານຄົນດຽວທີ່ໄດ້ຮັບລາງວັນອັນມີກຽດນີ້ ຂອງມະຫາວິທະຍາໄລ Flinders, South Australia. ນີ້ເປັນລາງວັນທີ່ຮັບຮູ້ເຖິງການປະດິດສ້າງປ່ຽນແປງໃໝ່ ໃນວິທີການສິດສອນແບບປະສົມເຊິ່ງໜ້າ ແລະ ອອນລາຍ. ລາງວັນດັ່ງກ່າວແມ່ນລາງວັນທີ່ມີການແກ່ງແຍ່ງ ແລະ ສຳເນົາເອກະສານຂອງຜູ້ສະຫມັກແຕ່ລະຄົນ ປະກອບມີຜົນການສິດສອນ, ການຕີລາຄານັກຮຽນ ແລະ ເພື່ອນຮ່ວມອາຊີບ, ໜັງສືສະແດງຄວາມຄິດເຫັນ ຈາກຫົວໜ້າພະແນກ ແລະ ຜູ້ກວດກາຕິດຕາມທີ່ຮັບຜິດຊອບການສິດສອນນັ້ນ.
 |
| ທ່ານນາງ ໂຫງຕວຽດມາຍ ກັບລູກຊາຍຂອງລາວ, ຮູບພາບໄດ້ຖ່າຍຢູ່ໃນອົດສະຕາລີ ໃນປີ 2018. (ພາບ: NVCC). |
ຢູ່ໃນເວັບໄຊ, ມະຫາວິທະຍາໄລ Flinders ໄດ້ປະເມີນວິຊາການທາງດ້ານສ້າງຄູແບບສ່ວນບຸກຄົນ ຂອງທ່ານ ປອ ໂຫງຕວຽດມາຍ ທີ່ໄດ້ກະຕຸ້ນຊຸກຍູ້ການຮ່ວມມື ແລະ ປະຕິກິລິຍາຕອບກັບຂອງນັກຮຽນແຕ່ລະຄົນ, ສ້າງເປັນແຮງບັນດານໃຈໃຫ້ພວກເຂົາບັນລຸຜົນສໍາເລັດທາງວິຊາການ ແລະ ການເຮັດວຽກ. ທານສາດສະດາຈານ Kris Natalier, ຫົວໜ້າພະແນກມະນຸດສາດ, ສິລະປະ ແລະ ວິທະຍາສາດສັງຄົມ - ເຊິ່ງແມ່ນໂຮງຮຽນທີ່ທ່ານນາງ ມາຍ ພວມສອນ, ໄດ້ຕີລາຄາອາຈານຍິງຄົນຫວຽດນາມນີ້ ແມ່ນໜຶ່ງໃນບັນດາຄູສອນທີ່ດີເດັ່ນຂອງໂຮງຮຽນ. "ທ່ານ ປອ ມາຍ ໄດ້ຮັບຕອບຮັບທີ່ດີເລີດຈາກນັກຮຽນ. ພວກເຂົາເຈົ້າຮັບຮູ້ວິທີການເຂົາເຖິງຢ່າງປະດິດສ້າງຂອງທ່ານກັບເນື້ອໃນການສອນ", ທານສາດສະດາຈານ Kris Natalier ກ່າວ.
ທ່ານ ປອ ມາຍ ກ່າວວ່າ ລາງວັນນີີ້ ມີຄວາມໝາຍຫຼາຍຕໍ່ທ່ານພາຍຫຼັງ 6 ປີທີ່ເຮັດວຽກຢູ່ທີ່ນີ້. ມັນເປັນການຮັບຮູ້ຄຸນຄ່າ, ຄວາມພະຍາຍາມ ແລະ ຄວາມເມົາມົວຂອງທ່ານ ສໍາລັບການສອນພາສາອັງກິດ ແລະ ພາສາສາດສຳລັບການນຳໃຊ້. ລາງວັນດັ່ງກ່າວຍັງເຮັດໃຫ້ທ່ານມີຄວາມເຊື່ອໝັ້ນໃນເສັ້ນທາງທີ່ທ່ານກໍາລັງຊອກຫາ, ນໍາມາເຊິ່ງພະລັງງານ, ກຳລັງໃຈ ແລະ ອາລົມໃຈທີ່ຫຼາກຫຼາຍ. ປີທີ່ຜ່ານມາ, ທ່ານໄດ້ຮັບລາງວັນການສິດສອນທີ່ດີເລີດຈາກພະແນກມະນຸດສາດ, ສິລະປະ ແລະ ວິທະຍາສາດສັງຄົມ.
ທ່ານ ມາຍ ໄດ້ແບ່ງປັນປະສົບການການສອນຂອງລາວ ໂດຍຜ່ານກອງປະຊຸມສໍາມະນາ ຫຼື ການສົນທະນາອອນໄລ. ລາວເຫັນວ່າ ນີ້ກໍ່ເປັນໂອກາດສໍາລັບການພັດທະນາຕົນເອງ ແລະ ວິຊາຊີບເຊັ່ນດຽວກັນ. “ຂ້າພະເຈົ້າເອົາໃຫ້ ແຕ່ກໍ່ ໄດ້ຮັບຄວາມຮັກແພງຈາກຄູສອນຫວຽດນາມ ນັບພັນຄົນຢູ່ພາຍໃນ ແລະ ຕ່າງປະເທດ”.
ໃນໄລຍະມາເຖິງ, ລາວຈະມີເວລາສອງເດືອນ ເພື່ອປັບປຸງວິຊາສະເພາະດ້ານການສອນ ແລະ ຄວາມສາມາດໃນການຄົ້ນຄ້ວາ ທີ່ມະຫາວິທະຍາໄລ Oxford, ປະເທດອັງກິດ, ຫຼັງຈາກໄດ້ຮັບທຶນການສຶກສາຈາກໂຮງຮຽນທີ່ມີຊື່ສຽງນີ້.
ຄຳຮຸ່ງ
