| x | ນະຄອນໂຮ້ຍອານຈັດຕັ້ງບັນດາການເຄື່ອນໄຫວວັດທະນະທຳທີ່ພົ້ນເດັ່ນຕ້ອນຮັບປີໃໝ່ 2023 |
| ຮັກຫອມສັນຕິພາບ ແມ່ນຈຸດພິເສດພົ້ນເດັ່ນໃນການພົວພັນການທູດປະຊາຊົນ |
1. ມີຄວາມສາມັກຄີ, ມິດຕະພາບກັບບັນດາປະເທດບ້ານໃກ້ເຮືອນຄຽງ ແລະ ການເຄື່ອນໄຫວຫຼາຍຝ່າຍ: VUFO ໄດ້ຈັດຕັ້ງສຳເລັດບັນດາເຫດການສະເຫຼີມສະຫຼອງ ປີສາມັກຄີມິດຕະພາບ ຫວຽດນາມ - ລາວ, ລາວ - ຫວຽດນາມ ປີ2022, ປີມິດຕະພາບ ຫວຽດນາມ - ກຳປູເຈຍ 2022 ໃນນັ້ນ ມີງານມະໂຫລານມິດຕະພາບປະຊາຊົນ ຫວຽດນາມ - ລາວຄັ້ງທີ V, ພົບປະມິດຕະພາບ ແລະ ການຮ່ວມມືປະຊາຊົນ ຫວຽດນາມ - ກຳປູເຈຍ ຄັ້ງທີ V, ລົງນາມໃນບົດບັນທຶກການຮ່ວມມືມິດຕະພາບ ໄລຍະ 2022 – 2027 ລະຫວ່າງ VUFO ແລະ ສະມາຄົມມິດຕະພາບ ການທູດປະຊາຊົນ ຈີນ.
2. ຈັດຕັ້ງສຳເລັດຫຼາຍເຫດການສະເຫຼີມສະຫຼອງປີຖ້ວນ, ປີຄີກ 5 ປີເທື່ອໜຶ່ງແຫ່ງການຈັດຕັ້ງການພົວພັນທາງການທູດກັບບັນດາປະເທດ: ສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ລະຫວ່າງ ຫວຽດນາມ ແລະ ອິນເດຍ, 45 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ແອັດສະປາຍ, 30 ປີແຫ່ງວັນແຫ່ງການສ້າງຕັ້ງສ້າງຕັ້ງການພົວພັນທາງການທູດ ລະຫວ່າງ ຫວຽດນາມ ກັບ ສ.ເກົາຫຼີ, Armenia, Azerbaijan, Belarus, Uzberkistan; 10 ປີແຫ່ງການສ້າງຕັ້ງການພົວພັນຄູ່ຮ່ວມມືຍຸດທະສາດ ຮອບດ້ານ ຫວຽດນາມ - ສະຫະພັນ ລັດເຊຍ, 5 ປີແຫ່ງການຈັດຕັ້ງການພົວພັນຄູ່ຮ່ວມມືຮອບດ້ານຫວຽດນາມ - ການາດາ… ບັນດາການເຄື່ອນໄຫວທີ່ມີຄວາມໝາຍອັນໃຫຍ່ຫຼວງ, ຂອບຂະໜາດແຜ່ລາມອອກໄດ້ປະກອບສ່ວນນຳການພົວພັນທາງການທູດ, ການຮ່ວມມືປະຊາຊົນກັບບັນດາປະເທດນັບມື້ນັບເຂົ້າສູ່ລວງເລິກ, ແທດຈິງ ແລະ ມີປະສິດທິຜົນກ່ວາ.
 |
ບັນດາຜູ້ແທນເຂົ້າຮ່ວມກອງປະຊຸມໃຫຍ່ຄັ້ງທີ 22: ສະພາສັນຕິພາບໂລກ, ເດືອນພະຈິກ 2022, ຢູ່ຮ່າໂນ້ຍ |
3. ວຽກງານທ້ອງຖິ່ນມີສິ່ງທີ່ພົ້ນເດັ່ນຫຼາຍຢ່າງ: ບັນດາການເຄື່ອນໄຫວມິດຕະພາບ, ສັນຕິພາບ, ຄວາມສາມັກຄີບໍ່ພຽງແຕ່ໄດ້ຮັບການຈັດຕັ້ງໃນຂອບຂະໜາດຂອງອົງການຈັດຕັ້ງມິດຕະພາບຂັ້ນສູນກາງເທົ່ານັ້ນ, ຫາກຍັງໄດ້ຮັບການຈັດຂຶ້ນຢູ່ຫຼາຍແຂວງ/ນະຄອນ, ທ້ອງຖິ່ນ, ເປັນຕົ້ນແມ່ນບັນດາການເຄື່ອນໄຫວໃນໂອກາດປີສາມັກຄີມິດຕະພາບ ຫວຽດນາມ - ລາວ, ລາວ - ຫວຽດນາມ 2022 ແລະ ປີມິດຕະພາບ ຫວຽດນາມ - ກຳປູເຈຍ 2022. ບັນດາທ້ອງຖິ່ນ ໄດ້ຈັດຕັ້ງຫຼາຍການເຄື່ອນໄຫວທີ່ອຸດົມສົມບູນຄື: ພົບປະແລກປ່ຽນປະຊາຊົນ, ເວທີປາໄສ, ການໂອ້ລົມສົນທະນາແລກປ່ຽນບົດຮຽນປະສົບການກ່ຽວກັບການຮ່ວມມືໃນຫຼາຍຂົງເຂດ. ບັນດາການເຄື່ອນໄຫວຢ້ຽມຢາມສະໜາມຮົບເກົ່າ, ໜູນຊ່ວຍຄອບຄົວທຸກຍາກ, ຄອບຄົວປະສົບກັບຄວາມຫຍຸ້ງຍາກຢູ່ເຂດຊາຍແດນທີ່ມີຄວາມໝາຍແທດຈິງ, ເຮັດໃຫ້ເພີ່ມທະວີນ້ຳໃຈມິດຕະພາບ ແລະ ຄວາມສະໜິດຕິດພັນລະຫວ່າງປະຊາຊົນ ຫວຽດນາມ ກັບ ປະຊານບັນດາປະເທດທີ່ມີເສັ້ນຊາຍແດນຮ່ວມກັນ.
4. ຕັ້ງໜ້າເຂົ້າຮ່ວມບັນດາການເຄື່ອນໄຫວການທູດປະຊາຊົນຂອງການນຳພັກ, ລັດ: VUFO ໄດ້ປະຕິບັດຕາມການຊີ້ນຳນຳພາທີ່ຖືກຕ້ອງຕາມຈິດໃຈມະຕິຂອງກອງປະຊຸມໃຫຍ່ຄັ້ງທີ 13 ຂອງພັກ. ການທູດປະຊາຊົນແມ່ນໜຶ່ງໃນສາມເສົາຄ້ຳຂອງພື້ນຖານການທູດຫວຽດນາມຢ່າງຮອບດ້ານ ແລະ ທັນສະໄໝ. ແນວຄິດຊີ້ນຳຂອງພັກ, ບັນດາເອກະສານກອງປະຊຸມຄັ້ງທີ 13 ຂອງພັກ ໄດ້ຄ່ອຍໆປະຕິບັດຫັນເປັນລະອຽດ ແລະ ນຳເຂົ້າສູ່ຊີວິດຕົວຈິງ. ການເຂົ້າຮ່ວມຂອງການທູດປະຊາຊົນໄດ້ປະກອບສ່ວນສະແດງໃຫ້ເຫັນການພົວພັນລະຫວ່າງ ຫວຽດນາມກັບບັນດາຄູ່ຮ່ວມມືຢ່າງຈະແຈ້ງ, ທັງສອງຝ່າຍ ແລະ ຫຼາຍຝ່າຍລ້ວນແຕ່ສະແດງໃຫ້ເຫັນສາມເສົາຄ້ຳຄື: ການພົວພັນຕ່າງປະເທດຂອງພັກ, ການທູດຂອງລັດ ແລະ ການທູດປະຊາຊົນ.
 |
ສະຫະພັນບັນດາອົງການມິດຕະພາບຫວຽດນາມ ໄດ້ສົມທົບກັບຫຼາຍທ້ອງຖິ່ນ ຈັດຕັ້ງກອງປະຊຸມສຳເລັດຜົນ ເພື່ອແນໃສ່ເພີ່ມທະວີການຮ່ວມມືໃນການລະດົມການຊ່ວຍເຫຼືອຈາກ ອົງການຈັດຕັ້ງທີ່ບໍ່ຂຶ້ນກັບລັດຖະບານ ຂອງຕ່າງປະເທດຢູ່ ຫວຽດນາມ. |
5. ວຽກງານການທູດການຕ່າງປະເທດໄດ້ຫັນເປັນມືອາຊີບ, ຫັນເນື້ອໃນ ແລະ ຮູບແບບທີ່ໄດ້ສະແດງເປັນຫຼາຍຮູບແບບ, ມີການແຜ່ລະລາມ ແລະ ສ້າງເປັນຈຸດພົ້ນເດັ່ນ: VUFO, ບັນດາອົງການສະມາຊິກ ແລະ ເພື່ອນມິດສາກົນຄ້ວາໄດ້ 5 ລາງວັນແຫ່ງຊາດກ່ຽວກັບການຖະແຫຼງຂ່າວການຕ່າງປະເທດ ຄັ້ງທີ 13. ໜຶ່ງໃນບັນດາການເຄື່ອນໄຫວສື່ສານ ໄດ້ສ້າງເປັນຄວາມປະທັບໃຈທີດີ່ ໃຫ້ແກ່ມະຫາຊົນແມ່ນ ບັ້ນການປະກວດ “ໃຫ້ຂອງທີ່ລະນຶກເລົ່າເລືອງ” ໂດຍວາລະສານ ຍຸກສະໄໝ ຈັດຕັ້ງປະຕິບັດ. ດ້ວຍບົດເຂົ້າຮ່ວມກ່ວາ 6.200 ບົດ, ການແຂ່ງຂັນໄດ້ຫວນຄືນບັນດາຄວາມຊົງຈຳທີ່ສັກກະລະບູຊາຂອງນ້ຳໃຈສາມັກຄີ, ມິດຕະພາບ ຫວຽດນາມ - ລາວ, ເປັນປະໂຫຍດສຶກສາໃຫ້ແກ່ຄົນລຸ້ນໜຸ່ມໃນປັດຈຸບັນ ແລະ ອະນາຄົດ ກ່ຽວກັບຄວາມຈຳເປັນໃນການເພີ່ມພູນຄູນສ້າງນ້ຳໃຈມິດຕະພາບ ລະຫວ່າງປະຊາຊົນສອງປະເທດ.
6. ຕັ້ງໜ້າຜັນຂະຫຍາຍໝາກຜົນຕາມແຜນນະໂຍບາຍຂອງພັກ, ລັດ ກ່ຽວກັບການຕ່າງປະເທດ: VUFO ໄດ້ແຜ່ຂະຫຍາຍເນື້ອໃນມະຕິກອງປະຊຸມໃຫ່ຍຄັ້ງທີ 13 ຂອງພັກກ່ຽວກັບການທູດປະຊາຊົນ, ຄຳສັ່ງເລກທີ 12-CT/TW ຂອງຄະນະເລຂາທີການ ລົງວັນທີ 5 ມັງກອນ ປີ 2022 ກ່່ຽວກັບການເພີ່ມທະວີການນຳພາຂອງພັກ, ຍົກສູງປະສິດທິຜົນໃນການເຄື່ອນໄຫວການທູດປະຊາຊົນໃນສະພາບການໃໝ່ໄປຍັງບັນດາອົງການສະມາຊິກໃນລະບົບໂດຍໄວ. ບົນພື້ນຖານນັ້ນ, ມີສະຫະພັນບັນດາອົງການຈັດຕັ້ງມິດຕະພາບຢູ່ທ້ອງຖິ່ນ ໄດ້ເປັນເສນາທິການ, ສົມທົບກັບອົງຄະນະພັກແຂວງ, ອຳນາດການປົກຄອງບັນດາແຂວງ, ນະຄອນຈັດຕັ້ງເຊື່ອມຊືມຄຳສັ່ງເລກທີ 12-CT/TW ດ້ວຍຫຼາຍຮູບແບບໃຫ້ແກ່ພະນັກງານການນຳຫຼັກແຫຼ່ງຂອງບັນດາພະແນກ, ຄະນະ, ຂະແໜງການ, ຖັນແຖວພະນັກງານຂັ້ນແຂວງ, ນະຄອນ ແລະ ສະມາຊິກບັນດາອົງການຈັດຕັ້ງມິດຕະພາບໃນບໍລິເວນແຂວງ.
 |
ທ່ານ ຟານແອງເຊີນ, ເລຂາຄະນະພັກ, ຮອງປະທານ, ເລຂາທິການໃຫຍ່ສະຫະພັນອົງການຈັດຕັ້ງມິດຕະພາບຫວຽດນາມ ໄດ້ໃຫ້ການຝຶກອົບຮົມການທູດປະຊາຊົນໃຫ້ແກ່ 18 ສະຫະພັນທ້ອງຖິ່ນພາກໃຕ້. |
7. ດຶງດູດແຫຼ່ງເງິນອຸປະຖຳບໍ່ຂຶ້ນກັບລັດຖະບານຕ່າງປະເທດກ່ວາ 200 ລ້ານ USD: ໃນສະພາບການທີ່ຍັງປະສົບກັບຄວາມຫຍຸ້ງຍາກ, ການເຄື່ອນໄຫວຂົນຂວາຍອຸປະຖຳ ປີ 2022 ຍັງບັນລຸໄດ້ໝາກຜົນທີ່ເປັນໜ້າຊື່ນຊົມດ້ວຍຍອດມູນຄ່າກວ່າ 200 ລ້ານ USD. ນີ້ແມ່ນຄວາມມານະພະຍາຍາມໃຫຍ່ຫຼວງທີ່ສຸດໃນວຽກງານຂົນຂວາຍ ອົງການຈັດຕັ້ງບໍ່ຂຶ້ນກັບລັດຖະບານຕ່າງປະເທດ.
8. ຈັດຕັ້ງ 2 ໂຄງການໃຫຍ່ຢ່າງສຳເລັດຜົນ: ການພົວພັນແລກປ່ຽນມິດຕະພາບສາກົນ 2022 ລະຫ່ວາງຄະນະການທູດ, ບັນດາອົງການຈັດຕັ້ງສາກົນ, ບັນດາອົງການຈັດຕັ້ງບໍ່ຂຶ້ນກັບລັດຖະບານ ແລະ ບັນດາອົງການຈັດຕັ້ງສະມາຊິກຂອງ VUFO ຢູ່ແຂວງ ຕວຽນກວາງ ແລະ ກອງປະຊຸມທົ່ວປະເທດກ່ຽວກັບວຽກງານການທູດປະຊາຊົນຢູ່ແຂວງກາວບັ່ງ. ກອງປະຊຸມທົ່ວປະເທດວຽກງານການຕ່າງປະເທດປະຊາຊົນຕີລາຄາຄືນໃໝ່ການເຄື່ອນໄຫວ, ກໍ່ສ້າງ ແລະ ຜັນຂະຫຍາຍບັນດາຍຸດທະສາດ, ແຜນການ, ໂຄງການກະທຳຜັນຂະຫຍາຍວຽກງານການທູດປະຊາຊົນ. ໝາກຜົນຂອງກອງປະຊຸມໄດ້ຊ່ວຍໃຫ້ VUFO ສັງລວມ, ເປັນເສນາທິການ, ສະເໜີແນະຕໍ່ການນຳພັກ, ລັດ, ບັນດາຄະນະ, ກະຊວງ, ຂະແໜງການທຸກຂັ້ນ, ອຳນາດການປົກຄອງທ້ອງຖິ່ນ, ຫັນບັນດາຄຳສັ່ງຂອງພັກເປັນລະບອບລະບຽບການ, ສ້າງກົນໄກ, ນະໂຍບາຍທີ່ກ່ຽວຂ້ອງຂອງອົງການຈັດຕັ້ງ, ກົງຈັກ, ພະນັກງານໃຫ້ສົມບູນແບບ, ຮັບປະກັນການເຄື່ອນໄຫວຂອງທົ່ວລະບົບ.
9. ຈັດຕັ້ງສຳເລັດເສັງການຄັດເລືອກພະນັກງານລັດຖະກອນ: ໄຂໃນວັນທີ 10 ເມສາ ປີ 2022, ການເສັງຊ່ວຍໃຫ້ VUFO ຄັດເລືອກໄດ້ລັດຖະກອນ ເກືອບ 20 ຄົນ, ໃນນັ້ນມີ ລັດຖະກອນ 12 ຄົນເຂົ້າໃນຕຳແໜ່ງນັກວິຊາການທາງການທູດ, 4 ຄົນເຂົ້າຕຳແໜ່ງນັກວິຊາການສະເພາະກິດ.
10. ປັບປຸງອົງການ, ພື້ນຖານວັດຖຸ, ພື້ນຖານໂຄງລ່າງທາງດ້ານເຕັກນິກເພື່ອຮັບໃຊ້ວຽກງານ: ອົງການຈັດຕັ້ງກົງຈັກ, ລະບົບເອກະສານນິຕິກຳ, ການເຄື່ອນໄຫວຂອງບັນດາອົງການໝູ່ຄະນະ (ກຳມະການ, ຊາວໜຸ່ມ, ແມ່ຍິງ) ຂອງ VUFO ທີ່ໄດ້ຮັບການປັບປຸງ, ບູລະນະຢ່າງຄົບຊຸດ, ມີປະສິດທິຜົນ. ສຳນັກງານບ່ອນເຮັດວຽກໄດ້ຮັບການປັບປຸງ, ຕິດຕັ້ງ, ຍົກລະດັບດ້ວຍວັດຖຸອຸປະກອນທີ່ທັນສະໄໝ, ໝູນໃຊ້ເຕັກໂນໂລຢີໃໝ່.
ບຸນຄົງ
