| ນັກວິທະຍາສາດຫວຽດນາມ 2 ຄົນໃນກຸ່ມນັກວິທະຍາສາດດີເດັ່ນໃນໂລກ 10.000 ຄົນໃນປີ 2022 | |
| 'ດາລາດແຫ່ງກອນຕູມ': ດາວຫາກໍ່ພົ້ນເດັ່ນຂຶ້ນດຶງດູດຜູ້ຄົນທີ່ມັກໄປທ່ອງທ່ຽວ |
 |
| ທ່ານເຈິ່ນດັກເລິຍກ່າວຄຳເຫັນທີ່ກອງປະຊຸມສາກົນ. |
ຮຽນທ່ານ, ຂໍໃຫ້ທ່ານໃຫ້ຮູ້ວ່າ ບັນດາແນວຄິດ, ທິດສະດີໃນຕະຫຼອດການເຄື່ອນໄຫວການທູດເວົ້າລວມ ແລະ ການທູດປະຊາຊົນເວົ້າສະເພະ ເຊິ່ງໄດ້ສ້າງຕັ້ງຂຶ້ນແຕ່ສະໄໝບັນພະບຸລຸດ ແລະ ຍຸກສະໄໝ ໂຮ່ຈີມິນ ແມ່ນຫຍັງ?
ປະເທດ ຫວຽດນາມ ມີປະຫວັດການຕໍ່ສູ້ຕ້ານສັດຕູຕ່າງປະເທດເຂົ້າມາຮຸກຮານມາເປັນເວລານັບພັນປີ. ຊາດຂອງພວກເຮົາໄດ້ຜ່ານຜ່າການເສຍສະຫລະ ແລະ ການສູນເສຍຫຼາຍຢ່າງ. ແຕ່ໃນສິ່ງທີ່ຜ່ານຜ່າຂຶ້ນສູງທີ່ສຸດ, ວັດທະນະທຳຫວຽດນາມ ຍາມໃດກໍ່ສະແດງໃຫ້ເຫັນຢ່າງຈະແຈ້ງເຖິງຈິດໃຈຮັກຫອມສັນຕິພາບ, ນ້ຳໃຈສາມັກຄີ. ນັ້ນແມ່ນຈຸດພົ້ນເດັ່ນໃນດ້ານການທູດຫວຽດນາມ.
ຈິດໃຈນີ້ສະແດງໃຫ້ເຫັນຢ່າງຈະແຈ້ງໃນບັນດາເລື່ອງລາວໃນປະຫວັດສາດເຊັ່ນ: ນິທານຂອງໜອງ ເງືອມ ດ້ວຍເນື້ອໃນເຈົ້າຊີວິດ ເລເລີຍ ໄດ້ສົ່ງດາບອັນລ້ໍາຄ່າຄືນໃຫ້ແກ່ພະເຈົ້າເຕົ່າ ຫຼັງຈາກຂັບໄລ່ສັດຕູຜູ້ເຂົ້າມາຮຸກຮານໄດ້; ນະໂຍບາຍຂອງບັນດາລາດຊະວົງໃນເມື່ອກ່ອນ, ພາຍຫຼັງຕີຊະນະຕໍ່ສັດຕູຜູ້ຮຸກຮານກໍລ້ວນແຕ່ເປັນເຈົ້າການໃນການຂໍຢຸດຕິການຕໍ່ສູ້, ຊ້ຳບໍ່ໜຳແມ່ນມີຄວາມປະນີປະນອມຕໍ່ບັນດາປະເທດໃຫຍ່ເພື່ອປົກປັກຮັກສາສະຖານະການສັນຕິພາບ, ສຸມໃສ່ພັດທະນາປະເທດຊາດ.
ມູນເຊື້ອອັນດີງາມນີ້ສືບຕໍ່ໄດ້ສືບທອດໃນສະໄໝໂຮ່ຈີມິນ. ພາຍຫຼັງຜົນສຳເລັດຂອງການປະຕິວັດເດືອນສິງຫາ, ປະທານ ໂຮ່ຈີມິນ ແລະ ພັກເຮົາໄດ້ສຸມໃສ່ບັນດາຄວາມມານະພະຍາຍາມຟື້ນຟູສັນຕິພາບໂດຍຜ່ານການເຈລະຈາ, ຕົກລົງ ຊ້ຳບໍ່ໜຳແມ່ນການປະນີປະນອມກັບ ຝະລັ່ງ ເພື່ອຮັກສາສັນຕິພາບຂອງປະເທດຊາດ.
ດັ່ງນັ້ນ, ແນວທາງນີ້ໄດ້ຫັນເປັນລະອຽດ ແລະ ສະແດງອອກໃນຕະຫຼອດໄລຍະຂອງຕໍ່ສູ້ກູ້ຊາດຄືແນວໃດ, ຮຽນທ່ານ?
- ພາຍຫຼັງການປະຕິວັດເດືອນສິງຫາປີ 1945 ໄດ້ປະສົບຜົນສຳເລັດ, ທ່ານປະທານໂຮ່ຈິມິນ ໄດ້ຊີ້ນຳສ້າງຕັ້ງສະມາຄົມມິດຕະພາບຫວຽດນາມ - ອາເມລິກາ, ສະມາຄົມມິດຕະພາບຫວຽດນາມ - ຈີນ. ນີ້ແມ່ນອົງການການທູດປະຊາຊົນທຳອິດ, ຜ່ານນັ້ນ ກໍເພື່ອແນໃສ່ສ້າງການພົວພັນລະຫວ່າງປະຊາຊົນຫວຽດນາມ ກັບປະຊາຊົນອາເມລິກາ ແລະ ຈີນ.
ໃນໄລຍະຊຸມມື້ສຳຄັນທີ່ສຸດຂອງສົງຄາມຕໍ່ຕ້ານຝຣັ່ງ, ປະທານໂຮ່ຈິມິນ ຍັງຊີ້ນຳການສ້າງຕັ້ງຄະນະກຳມະການປົກປັກຮັກສາສັນຕິພາບໂລກຂອງຫວຽດນາມ ຢູ່ເຂດໄຕບັກ ໃນເດືອນພະຈິກ 1950. ລຸງໂຮ່ ໄດ້ພົບປະ ແລະ ຊີ້ນຳບັນດາຜູ້ແທນກ່ອນທີ່ຈະເຂົ້າຮ່ວມບັນດາການເຄື່ອນໄຫວການທູດປະຊາຊົນ ຢູ່ບັນດາກອງປະຊຸມສາກົນ. ໃນຕະຫຼອດວິວັດການເຄື່ອນໄຫວປະຕິວັດ, ບັນດາອົງການຈັດຕັ້ງມິດຕະພາບປະຊາຊົນກໍ່ໄດ້ສ້າງຕັ້ງຂຶ້ນຕາມການຊີ້ນຳຂອງປະທານ ໂຮ່ຈີມິນ ແລະ ພັກເຮົາ.
ກ່ຽວກັບວຽກງານການທູດປະຊາຊົນ, ກອງປະຊຸມໃຫຍ່ຄັ້ງທີ 9 ຂອງພັກໃນປີ 2001 ໄດ້ຊີ້ແຈ້ງວ່າ: ເປີດກ້ວາງການທູດປະຊາຊົນກວ່າອີກ, ເພີ່ມທະວີການພົວພັນສອງຝ່າຍ ແລະ ຫຼາຍຝ່າຍກັບບັນດາອົງການຈັດຕັ້ງປະຊາຊົນປະເທດຕ່າງໆ, ຍົກສູງປະສິດທິຜົນການຮ່ວມມືກັບບັນດາອົງການບໍ່ຂຶ້ນກັບລັດຖະບານ ແລະ ສາກົນໃຫ້ຫຼາຍກວ່າອີກ, ປະກອບສ່ວນເພີ່ມທະວີຄວາມເຂົ້າໃຈເຊິ່ງກັນແລະກັນ, ການພົວພັນມິດຕະພາບ ແລະ ການຮ່ວມມືລະຫວ່າງປະຊາຊົນຫວຽດນາມ ແລະ ປະຊາຊົນບັນດາປະເທດໃນພາກພື້ນ ແລະ ໃນໂລກ”.
ໂດຍຊາບຊືມບັນດາແນວຄິດກ່ຽວກັບຈິດໃຈສະໜິດຕິດພັນ ແລະ ຮັກຫອມສັນຕິພາບ, ວຽກງານການທູດປະຊາຊົນໄດ້ຮັບການຜັນຂະຫຍາຍໃນໄລຍະຜ່ານມາຄືແນວໃດ, ຮຽນທ່ານ.
ໃນໄລນະຜ່ານມາ, ວຽກງານການທູດປະຊາຊົນພາຍໃຕ້ການຊີ້ນຳຂອງພັກ ໄດ້ມີບັນດາບາດກ້າວພັດທະນາຢ່າງແຮງ. ສິ່ງນີ້ສະແດງໃຫ້ເຫັນກ່ອນອື່ນໝົດແມ່ນການພັດທະນາກຳລັງວຽກງານການທູດປະຊາຊົນ, ແນວໂຮມປະເທດຊາດ ແລະ ບັນດາໝູ່ຄະນະມະຫາຊົນ ລ້ວນແຕ່ໄດ້ເຂົ້າຮ່ວມຢ່າງຕັ້ງໜ້າໃນການເຄື່ອນໄຫວການທູດ.
ປັດຈຸບັນ, ບັນດາອົງການປະຊາຊົນ ຫວຽດນາມ ມີຫຼາຍອົງການຄູ່ຮ່ວມມືຢູ່ຫຼາຍປະເທດ. ໄປຄຽງຄູ່ບັນດາອົງການຈັດຕັ້ງເພື່ອນມິດທີ່ເປັນມູນເຊື້ອນັ້ນ, ພວກເຮົາໄດ້ມີຫຼາຍຄູ່ຮ່ວມມືໃໝ່ໃນບັນດາບໍລິເວນ ແລະ ເນື້ອໃນຮ່ວມມືໃໝ່ຕື່ມອີກ. ເພີ່ມທະວີການພົວພັນກັບບັນດາອົງການຈັດຕັ້ງປະຊາຊົນບັນດາປະເທດບ້ານໄກ້ເຮືອນຄຽງຢູ່ພາກພື້ນ, ເປີດກວ້າງການພົວພັນກັບບັນດາອົງການປະຊາຊົນບັນດາປະເທດ.
ໜຶ່ງໃນບັນດາຂົງເຂດໄດ້ຮັບການບຸລິມະສິດ ເຊິ່ງໄດ້ປະຕິບັດໃນໄລຍະຜ່ານມາ ແມ່ນການປັບປຸງການພົວພັນມິດຕະພາບປະຊາຊົນ ກັບບັນດາປະເທດບ້ານໃກ້ເຮືອນຄຽງ. ຍົກຕົວຢ່າງຄືບັນດາການເຄື່ອນໄຫວການທູດ: ເວທີປາໄສປະຊາຊົນ ຫວຽດນາມ - ຈີນ, ງານມະໂຫລານ ຊາວໜຸ່ມ ຫວຽດນາມ - ຈີນ, ງານມະໂຫລານ ຊາວໜຸ່ມ ຫວຽດນາມ - ລາວ, ກຳປູເຈຍ, ງານພົບປະກັບປະຊາຊົນບັນດາແຂວງເຂດຊາຍແດນ ຫວຽດນາມ - ລາວ ແລະ ຫວຽດນາມ - ກຳປູເຈຍ, ງານພົບປະແລກປ່ຽນປະຊາຊົນເຂດຊາຍແດນ ຫວຽດນາມ - ຈີນ…
ບຸນຄົງ
