| ອົງການ JICA (ຍີ່ປຸ່ນ) ໃຫ້ການອຸປະຖຳ 25 ລ້ານ USD ແກ່ໂຄງການພັດທະນາໄຟຟ້າແຮງລົມຢູ່ ນິງທ້ວນ | |
| ຈະຮັບສະໝັກຄັດເລືອກເອົາພະຍາບານ, ແພດຜູ້ຊ່ວຍຄົນເຈັບ 240 ຄົນ ໄປເຮັດວຽກຢູ່ຍີ່ປຸ່ນ |
ໂດຍຕ້ອນຮັບການຢ້ຽມຢາມ ແລະ ເຮັດວຽກຂອງອະດີດນາຍົກລັດຖະມົນຕີ ຍີ່ປຸ່ນ ທີ່ມາຍັງນະຄອນປີ 2023 - ປີສະເຫຼີມສະຫຼອງຄົບຮອບ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ຍີ່ປຸ່ນ, ທ່ານເລຂາຄະນະພັກນະຄອນ ໂຮ່ຈິມິນ ຫງວຽນວັນເນັນ ໄດ້ສະແດງຄວາມຂອບອົກຂອບໃຈຄວາມຮັກແພງ ແລະ ຄວາມເອົາໃຈໃສ່ຕໍ່ຫວຽດນາມ ແລະ ນະຄອນໂຮ່ຈິມິນ ຂອງທ່ານ Suga Yoshihide ໃນໄລຍະດຳລົງຕຳແໜ່ງ, ປະກອບສ່ວນຊຸກຍູ້ການພົວພັນລະຫວ່າງສອງປະເທດ ໃຫ້ນັບມື້ນັບພັດທະນາຢ່າງເລິກເຊິ່ງໃນຫຼາຍຂົງເຂດກວ່າອີກ.
 |
ທ່ານ ຫງວຽນວັນເນັນ (ຂວາ), ກຳມະການກົມການເມືອງ, ເລຂາຄະນະພັກນະຄອນ ໂຮ່ຈີມິນ ໄດ້ໃຫ້ການຕ້ອນຮັບທ່ານ Suga Yoshihide, ອະດີດນາຍົກລັດຖະມົນຕີ ຍີ່ປຸ່ນ. |
ໂດຍເນັ້ນໜັກເຖິງຄວາມສາມາດບົ່ມຊ້ອນດ້ານການຮ່ວມມື ລະຫວ່າງນະຄອນ ໂຮ່ຈີມິນ ແລະ ຍີ່ປຸ່ນ, ທ່ານເລຂາຄະນະພັກນະຄອນ ໂຮ່ຈິມິນ ຫງວຽນວັນເນັນ ໄດ້ແບ່ງປັນບັນດາສິ່ງທ້າທາຍຂອງນະຄອນໃນຂະບວນການພັດທະນາ, ໃນນັ້ນມີຄວາມຕ້ອງການແກ້ໄຂພື້ນຖານໂຄງລ່າງ ທີ່ຍັງບໍ່ຕອບສະໜອງໄດ້ຕາມຄວາມຕ້ອງການພັດທະນາດ້ານເສດຖະກິດ - ສັງຄົມ, ໂດຍສະເພາະແມ່ນໂຄງລ່າງຄົມມະນາຄົມ.
ຕາງໜ້າການນຳນະຄອນ, ທ່ານເລຂາຄະນະພັກນະຄອນ ໂຮ່ຈິມິນ ຫງວຽນວັນເນັນ ໄດ້ສະແດງຄວາມຂອບໃຈມາຍັງລັດຖະບານ ແລະ ປະຊາຊົນ ຍີ່ປຸ່ນ ທີ່ໄດ້ໜູນຊ່ວຍ ຫວຽດນາມ ແລະ ນະຄອນ ໂຮ່ຈີມິນ ຢ່າງທັນການ ໃນສະພາບການໂລກລະບາດ Covid – 19, ປະກອບສ່ວນສ້າງແຫຼ່ງກຳລັງໃຫ້ແກ່ນະຄອນເອົາໄຊຊະນະໂລກລະບາດ, ເພື່ອໃນປີ 2022 ບັນລຸໄດ້ບັນດາຜົນງານທີ່ພົ້ນເດັ່ນໃນໄລຍະຟື້ນຟູເສດຖະກິດ - ສັງຄົມ ແລະ ສະຖຽນລະພາບພາຍຫຼັງໂລກລະບາດ.
 |
ທ່ານ ຫງວຽນວັນເນັນ ເຊື່ອໝັ້ນວ່າ ທ່ານ Suga Yoshihide ໃນຖານະທີ່ເປັນຜູ້ປຶກສາ ຂອງສະຫະພັນລັດຖະສະພາມິດຕະພາບ ຍີ່ປຸ່ນ - ຫວຽດນາມ, ດ້ວຍຄວາມຊື່ຖື ແລະ ຄວາມຕັດສິນໃຈຂອງຕົນ ຈະສືບຕໍ່ປະກອບສ່ວນພັດທະນາການພົວພັນລະຫວ່າງ ຫວຽດນາມ - ຍີ່ປຸ່ນ, ລະຫວ່າງນະຄອນ ໂຮ່ຈີມິນ ແລະ ບັນດາຄູ່ຮ່ວມມື, ທ້ອງຖິ່ນຂອງຍີ່ປຸ່ນ. ໃນໄລຍະຈະມາເຖິງ, ນະຄອນ ປາດຖະໜາວ່າ ທ່ານ Suga Yoshihide ຈະເອົາໃຈໃສ່ ແລະ ໜູນຊ່ວຍການຜັນຂະຫຍາຍບັນດາລາຍການເພື່ອສະເຫຼີມສະຫຼອງບັນດາເຫດການທີ່ເປັນຂີດໝາຍສຳຄັນໃນການພົວພັນທາງການທູດ ຫວຽດນາມ - ຍີ່ປຸ່ນ ຢ່າງສຳເລັດຜົນ.
ໂດຍສະແດງຄວາມຂອບໃຈການນຳນະຄອນທີ່ໃຫ້ການຕ້ອນຮັບ, ທ່ານ Suga Yoshihide, ອະດີດນາຍົກລັດຖະມົນຕີ ຍີ່ປຸ່ນ ໄດ້ສະແດງຄວາມປະທັບໃຈຕໍ່ການພັດທະນາຢ່າງເຂັ້ມແຂງຂອງນະຄອນ ໂຮ່ຈີມິນ, ດ້ວຍຖານະເປັນໃຈກາງເສດຖະກິດຂອງປະເທດຊາດ; ແລະ ສະແດງຄວາມຂອບໃຈການນຳນະຄອນທີ່ໄດ້ເອົາໃຈໃສ່ ແລະ ສ້າງເງື່ອນໄຂສະດວກໃຫ້ບັນດາວິສາຫະກິດ ຍີ່ປຸ່ນ ທີ່ມາລົງທຶນ ແລະ ດຳເນີນທຸລະກິດຢູ່ທີ່ນີ້, ປາດຖະໜາຢາກສືບຕໍ່ໄດ້ຮັບຄວາມເອົາໃຈໃສ່ ໃນການປັບປຸງສະພາບແວດລ້ອມແຫ່ງການລົງທຶນ, ສ້າງເງື່ອນໄຂສະດວກໃຫ້ບັນດາວິສາຫະກິດ ຍີ່ປຸ່ນ ທີ່ມາລົງທຶນ ແລະ ດຳເນີນທຸລະກິດໃນໄລຍະຍາວ.
ເຊິ່ງຕີລາຄາສູງການພົວພັນຮ່ວມມືລະຫວ່າງນະຄອນ ໂຮ່ຈີມິນ ແລະ ບັນດາທ້ອງຖິ່ນ ຍີ່ປຸ່ນ, ທ່ານ Suga Yoshihide ປາດຖະໜາວ່າ ການນຳນະຄອນ ເອົາໃຈໃສ່ຊີ້ນຳຜັນຂະຫຍາຍບັນດາໂຄງການທີ່ໄດ້ລົງນາມຢ່າງໄວວາ ແລະ ຈັດຕັ້ງ Festival ຍີ່ປຸ່ນ - ຫວຽດນາມ ຢູ່ນະຄອນໃນເດືອນກຸມພາ ຢ່າງສຳເລັດຜົນ, ສືບຕໍ່ຊຸກຍູ້ການພົວພັນຮ່ວມມືແລກປ່ຽນປະຊາຊົນລະຫວ່າງສອງປະເທດ, ປະກອບສ່ວນພັດທະນາການພົວພັນລະຫວ່າງສອງປະເທດ ເພື່ອຜົນປະໂຫຍດລວມຂອງປະຊາຊົນສອງປະເທດ.
ຄຳຮຸ່ງ
