ປະຊາຄົມຊາວຫວຽດນາມ ໄດ້ປະກອບສ່ວນຫຼາຍຢ່າງເຂົ້າໃນການພົວພັນລະຫວ່າງສອງປະເທດ
ທ່ານນາງ ຫງວຽນກວິ່ງມ່າຍ, ຮອງຫົວໜ້າກົມຄົ້ນຄວ້າສັງລວມ, ຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ໃຫ້ຮູ້ວ່າ: ປະຈຸບັນ ປະຊາຄົມຊາວ ຫວຽດນາມ ຢູ່ ກຳປູເຈຍ ມີປະມານ 100.000 ຄົນດຳລົງຊີວິດຢູ່ ກຳປູເຈຍ ມາແຕ່ດົນນານ. ປະຊາຄົມຊາວຫວຽດນາມ ໄດ້ປະກອບສ່ວນຫຼາຍຢ່າງເຂົ້າໃນການພົວພັນລະຫວ່າງ ຫວຽດນາມ ແລະ ກຳປູເຈຍ ກໍ່ຄືປະເທດແຫ່ງທ້ອງຖິ່ນ. ແຕ່ວ່າ, ນີ້ແມ່ນຊຸມຊົນທີ່ປະສົບກັບຄວາມຫຍຸ້ງຍາກຫຼາຍຢ່າງ ຄື: ມີທີ່ຕັ້ງດ້ານນິຕິກຳຕ່ຳ, ຊີວິດການເປັນຢູ່ທຸກຍາກ ແລະ ບໍ່ໝັ້ນຄົງ, ປະຊາຊົນຫຼາຍຄົນຍັງມີຄວາມຮັບຮູ້ຍັງບໍ່ທັນສູງ.
 |
|
|
ໃນການພົບປະຂັ້ນສູງ ລະຫວ່າງການນຳຂອງສອງປະເທດ, ບັນຫາໜູນຊ່ວຍຊາວຫວຽດນາມ ຢູ່ ກຳປູເຈຍ ໄດ້ຮັບການຍົກອອກ. ບັນດາການນຳພັກ ແລະ ລັດ ຍາມໃດກໍ່ຂອບອົກຂອບໃຈລັດຖະບານ ກຳປູເຈຍ ທີ່ໄດ້ສ້າງເງື່ອນໄຂສະດວກໃຫ້ປະຊາຄົມຊາວຫວຽດນາມ ທີ່ດຳລົງຊີວິດ ແລະ ດຳເນີນທຸລະກິດຢູ່ປະເທດກຳປູເຈຍ ແລະ ຮຽກຮ້ອງລັດຖະບານ ກຳປູເຈຍ ໜູນຊ່ວຍຕື່ມອີກ, ພິເສດແມ່ນດ້ານກົດໝາຍ, ການຍ້າຍ, ຕັ້ງຖິ່ນຖານຄືນໃໝ່, ເຮັດແນວໃດໃຫ້ມີແບບແຜນທີ່ເໝາະສົມ ແລະ ມີເງື່ອນໄຂ ເພື່ອຮັບປະກັນຊີວິດການເປັນຢູ່ຂອງປະຊາຊົນພາຍຫຼັງການຍ້າຍຖິ່ນຖານ, ສົມທົບກັບການປ່ຽນແປງວຽກເຮັດງານທຳ ເພື່ອໃຫ້ປະຊາຊົນມີຊີວິດການເປັນຢູ່ທີ່ໝັ້ນຄົງ, ການທຳມາຫາກິນຄອງຊີບໃນໄລຍະຍາວ.
ໃນຊຸມປີມໍ່ໆມານີ້, ລັດຖະບານ ກຳປູເຈຍ ໄດ້ມີພາລະວັດຢ່າງຕັ້ງໜ້າ ເພື່ອໜູນຊ່ວຍປະຊາຄົມຊາວ ຫວຽດນາມ.
ຕາມທ່ານນາງຮອງຫົວໜ້າກົມຄົ້ນຄວ້າສັງລວມ ຫງວຽນກິວມ່າຍ ແລ້ວ, ວັນທີ 29 ສິງຫາ 2022, ກະຊວງພາຍໃນກຳປູເຈຍ ໄດ້ອອກແຈ້ງການ 2181 ເພື່ອຮັບຮູ້ຜົນສັກສີດບັດຢູ່ອາໄສຖາວອນຂອງຊາວຕ່າງປະເທດ ອາໄສຢູ່ກຳປູເຈຍ, ໃນນັ້ນມີປະຊາຄົມຊາວຫວຽດນາມ ອາໄສຢູ່ ກຳປູເຈຍ. ກະຊວງພາຍໃນກຳປູເຈຍ ຮຽກຮ້ອງໃຫ້ບັນດາກະຊວງ, ອົງການ, ອຳນາດການປົກຄອງທ້ອງຖິ່ນ ແລະ ພາກເອກະຊົນຍອມຮັບບັດຢູ່ອາໄສຖາວອນຂອງຊາວຕ່າງປະເທດກຳປູເຈຍ ເປັນເອກະສານທາງກົດໝາຍ ເພື່ອຮັບໃຊ້ໃຫ້ຄວາມຕ້ອງການໃນຊີວິດປະຈຳວັນ. ຖະແຫຼງການດັ່ງກ່າວ ແມ່ນຄວາມສຳຄັນສຳລັບປະຊາຄົມຊາວຫວຽດນາມ ຢູ່ ກຳປູເຈຍ. ປະຈຸບັນ, 14 ແຂວງໃນຈຳນວນ 25 ແຂວງຂອງກຳປູເຈຍ ໄດ້ປະຕິບັດແຈ້ງການ 2181 ຂອງລັດຖະບານກຳປູເຈຍ, ໄດ້ສ້າງຄວາມສະດວກໃຫ້ປະຊາຄົມຊາວ ຫວຽດນາມ ໄດ້ມີທີ່ຕັ້ງດ້ານນິຕິກຳທີ່ໝັ້ນແກ່ນກວ່າເກົ່າ ໃນການດຳລົງຊີວິດຢູ່ປະເທດກຳປູເຈຍ.
ເພື່ອໜູນຊ່ວຍຊາວ ຫວຽດນາມ ໃນການຍ້າຍ, ຕັ້ງຖິ່ນຖານຄືນໃໝ່ໃຫ້ມີສະຖຽນລະພາບ, ການໜູນຊ່ວຍ ໃນການປ່ຽນວຽກເຮັດງານທຳໄດ້ຮັບການປະຕິບັດຕາມທິດ ຄື: ທໍາອິດ, ຜ່ານການຮ່ວມມືລະຫວ່າງກະຊວງກະສິກຳ ແລະ ພັດທະນາຊົນນະບົດ ຫວຽດນາມ ແລະ ກະຊວງກະສິກຳ ກຳປູເຈຍ ໃນການຖ່າຍທອດເຕັກໂນໂລຊີລ້ຽງສິນໃນນ້ຳ ເຊິ່ງເປັນທ່າໄດ້ປຽບຂອງຫວຽດນາມ, ທ່າໄດ້ປຽບຂອງຊາວຫວຽດນາມ ຢູ່ກຳປູເຈຍ. ຜ່ານການຮ່ວມມືນີ້, ຊາວຫວຽດນາມ ຈະໄດ້ຮັບຜົນປະໂຫຍດ
ທີສອງ, ຜ່ານການປະສານສົມທົບຂອງບັນດາວິສາຫະກິດຫວຽດນາມ ທີ່ລົງທຶນຢູ່ ກຳປູເຈຍ, ຊຸກຍູ້ບັນດາບໍລິສັດນີ້ ຮັບໃຊ້ຄົນງານໃນກຸ່ມການຍ້າຍ ແລະ ຕັ້ງຖິ່ນຖານຄືນໃໝ່, ໃນນັ້ນມີຊາວ ຫວຽດນາມ. ນີ້ແມ່ນທິດທາງສຳຄັນເພື່ອໃຫ້ປະຊາຊົນມີຄວາມໝັ້ນຄົງເປັນເວລາດົນນານເພື່ອໃຫ້ປະຊາຄົມຊາວຫວຽດນາມດຳລົງຊີວິດຢ່າງໝັ້ນຄົງ.
ຄຳຮຸ່ງ
