ເສີມຂະຫຍາຍມູນເຊື້ອວັດທະນະທຳ ໃນການພັດທະນາການທ່ອງທ່ຽວ

08:09 | 05/01/2023

ຍສໝ - ໃນນັ້ນສະແດງໃຫ້ເຫັນເປົ້າໝາຍພັດທະນາອຸດສາຫະກຳວັດທະນະທຳທີ່ມີທ່າໄດ້ປຽບຂອງທ້ອງຖິ່ນຕິດພັນກັບການພັດທະນາການທ່ອງທ່ຽວ, ອະນຸລັກຮັກສາ, ເສີມຂະຫຍາຍບັນດາຄຸນຄ່າທາງດ້ານວັດທະນະທຳຮູບປະທຳ ແລະ ນາມມະທຳຂອງແຂວງ ຕິດພັນກັບບັນດາການເຄື່ອນໄຫວທ່ອງທ່ຽວ.

	ຈຳນວນແຂກທ່ອງທ່ຽວມາຮ່າໂນ້ຍໃນໂອກາດປີໃໝ່ສາກົນ 2023 ເພີ່ມຂຶ້ນຢ່າງແຮງ
	SCMP: ໂຮ້ຍອ້ານກຽມພ້ອມການຕ້ອນຮັບແຂກທ່ອງທ່ຽວສາກົນ

ພາບປະກອບ: vnexpress.net

ເລິມດົ່ງ - ໂດຍແມ່ນແຂວງນອນຢູ່ທາງທິດໃຕ້ໄຕງວຽນ ແມ່ນເຂດດິນແດນບັນຈຸຊັບພະຍາກອນມໍລະດົກວັດທະນະທຳທີ່ອຸດົມສົມບູນ ແລະ ເປັນເອກະລັກສະເພາະດ້ວຍຮີດຄອງປະເພນີ, ສີສັນແຜ່ນແຜພື້ນເມືອງ, ການສະແດງສິລະປະສະຖາຖະປັດຕະຍາກຳ, ວັນບຸນວັດທະນະທຳທີ່ເປັນມູນເຊື້ອ…ຂອງ 47 ຊົນເຜົ່າອ້າຍນ້ອງ. ໃນນັ້ນ, ຊັບພະຍາກອນວັດທະນະທຳທີ່ເປັນມູນເຊື້ອຂອງພໍ່ແມ່ປະຊາຊົນໃນທ້ອງຖິ່ນໄດ້ມີກຳລັງແຮງດຶງດູດ ຕໍ່ແຂກທ່ອງທ່ຽວທັງຢູ່ພາຍໃນ ແລະ ຕ່າງປະເທດ.

ເລິມດົ່ງມີກ່ວາ 25,7% ປະຊາກອນແມ່ນພໍ່ແມ່ປະຊາຊົນເຜົ່າສ່ວນໜ້ອຍ. ໄປຄຽງຄູ່ກັນນັ້ນ ດ້ວຍທ່າໄດ້ປຽບທີ່ມີທິວທັດທຳມະຊາດ, ອາກາດປອດໂປ່ງເຢັນສະບາຍ, ບັນດາແມ່ນ້ຳ, ນ້ຳຕົກຕາດທີ່ໃຫຍ່ໂຕມະໂຫຖານ, ເລິມດົ່ງມີຊັບພະຍາກອນວັດທະນະທຳເຜົ່າສ່ວນໜ້ອຍທ້ອງຖິ່ນທີ່ອຸດົມສົມບູນ, ເປັນຫຼາຍຮູບແບບຄືທິວທັດທຳມະຊາດໝູ່ບ້ານ, ສິລະປະສະຖາປັດຕະຍາກຳທີ່ເປັນເອກະລັກສະເພາະ, ອາຊີບຫັດຖະກຳ, ຊຸດອາພອນ, ອາຫານການກິນ, ສິລະປະພື້ນເມືອງ, ວັນບຸນທີ່ມີແຕ່ດົນນານ... ນີ້ແມ່ນບັນດາຄວາມສາມາດບົ່ມຊ້ອນເພື່ອພັດທະນາການທ່ອງທ່ຽວ.

ສ່ວນຫຼາຍແຂກທ່ອງທ່ຽວມາດ່າລາດ ເລິມດົງ, ມັກຕັດສິນໃຈກັບມາອີກຄັ້ງຍ້ອນຄວາມດຶງດູດໃຈຈາກວັດທະນະທຳຂອງບັນດາເຜົ່າຢູ່ແຫ່ງນີ້. ໄລຍະຜ່ານມາ, ເລິມດົ່ງຜັນຂະຫຍາຍໂຄງການເປົ້າໝາຍແຫ່ງຊາດກ່ຽວກັບການອະນຸລັກຮັກສາມໍລະດົກວັດທະນະທຳທີດີເດັ່ນຢ່າງມີປະສິດທິຜົນ. ທາງແຂວງໄດ້ເປີດ ຫ້ອງຮຽນ 63 ຫ້ອງສອນຕີຄ້ອງ ໃຫ້ແກ່ຊາວໜຸ່ມ, ເຍົາວະຊົນເຜົ່າຕ່າງໆຢູ່ໄຕງວຽນ 1,600 ຄົນ, ກວດກາ ແລະ ຮັບຮອງເອົາ 17 ມໍລະດົກວັດທະນະທຳນາມມະທຳ, ຈັດຕັ້ງວັນບຸນວັດທະນະທຳຕີຄ້ອງຂັ້ນແຂວງ 15 ຄັ້ງ, ເຊີດຊູນັກສິລະປະການຕີຄ້ອງດີເດັ່ນເກືອບ 100 ຄົນ, ຮັບໃຊ້ວັນບຸນນັບຮ້ອຍຄັ້ງ, ຮັບຮອງເອົາໝູ່ບ້ານທີ່ເປັນມູນເຊື້ອ 33 ແຫ່ງ...

ໂດຍກຳນົດວ່າ ຂະແໜງທ່ອງທ່ຽວແມ່ນຂະແໜງເສດຖະກິດກຳລັງໜູນຂອງແຂວງ, ທາງແຂວງເລິມດົ່ງ ໄດ້ປະກາດໃຊ້ມະຕິສະເພາະຫຼາຍສະບັບກ່ຽວກັບການພັດທະນາການທ່ອງທ່ຽວ, ຊີ້ນຳບັນດາຂະແໜງການ, ທ້ອງຖິ່ນສ້າງໂຄງການກະທຳ, ແຜນການພັດທະນາການທ່ອງທ່ຽວເພື່ອພັດທະນາການທ່ອງທ່ຽວຂອງແຕ່ລະທ້ອງຖິ່ນຢ່າງທັນການ ກໍ່ຄືດຶງດູດບັນດາໂຄງການຈຸດສຸມສ້າງບາດກ້າວບຸກທະລຸໃນການພັດທະນາການທ່ອງທ່ຽວ. ຫຼ້າສຸດແມ່ນມະຕິເລກທີ 18 (25 ກໍລະກົດ 2022) ກ່ຽວກັບການພັດທະນາການທ່ອງທ່ຽວທີ່ມີຄຸນນະພາບສູງຮອດປີ 2025, ກຳນົດທິດຮອດປີ 2030 ໃນບໍລິເວນແຂວງ.

ໃນນັ້ນສະແດງໃຫ້ເຫັນເປົ້າໝາຍພັດທະນາອຸດສາຫະກຳວັດທະນະທຳທີ່ມີທ່າໄດ້ປຽບຂອງທ້ອງຖິ່ນຕິດພັນກັບການພັດທະນາການທ່ອງທ່ຽວ, ອະນຸລັກຮັກສາ, ເສີມຂະຫຍາຍບັນດາຄຸນຄ່າທາງດ້ານວັດທະນະທຳຮູບປະທຳ ແລະ ນາມມະທຳຂອງແຂວງ ຕິດພັນກັບບັນດາການເຄື່ອນໄຫວທ່ອງທ່ຽວ. ຄະນະກຳມະການປະຊາຊົນແຂວງ ເລິມດົ່ງ ກໍ່ໄດ້ປະກາດໃຊ້ແຜນການຜັນຂະຫຍາຍໂຄງການ “ອະນຸລັກຮັກສາ, ເສີມຂະຫຍາຍຄຸນຄ່າເພງພື້ນເມືອງ, ບົດຟ້ອນຂອງບັນດາເຜົ່າສ່ວນໜ້ອຍ ຕິດພັນກັບການພັດທະນາການທ່ອງທ່ຽວ ໄລຍະ 2021 - 2030” ໃນບໍລິເວນແຂວງ, ພ້ອມກັບໂຄງການອະນຸລັກຮັກສາ ແລະ ພັດທະນາໝູ່ບ້ານອາຊີບທ້ອງຖິ່ນ, ໄລຍະ 2022 – 2030.

ບຸນຄົງ