ຫວຽດນາມ ແລະ ອິນເດຍ ມີການພົວພັນມິດຕະພາບທີ່ເປັນມູນເຊື້ອອັນດີງາມ, ໄດ້ຮັບການຍົກລະດັບຂຶ້ນລະດັບສູງສຸດຄື: ຄູ່ຮ່ວມມືຍຸດທະສາດຮອບດ້ານນັບແຕ່ປີ 2016. ການພັດທະນາຢ່າງແຮງຂອງການພົວພັນດ້ານເສດຖະກິດ, ການຄ້າ ແລະ ການລົງທຶນ...ຢ່າງແຮງ ພວມສ້າງພື້ນຖານອັນໝັ້ນແກ່ນ, ເປັນແງ່ຫວັງອັນ ໃຫຍ່ຫຼວງເພື່ອສອງປະເທດສືບຕໍ່ຍູ້ແຮງການຮ່ວມມືຢ່າງເລິກເຊິ່ງ ກວ້າງຂວາງ ໃນໄລຍະຈະມາເຖິງ.
ວົງເງິນການຄ້າສອງຝ່າຍລະຫວ່າງຫວຽດນາມ ແລະ ອິນເດຍ. ພາບ: TTXVN
ວົງເງິນການຄ້າສອງຝ່າຍລະຫວ່າງຫວຽດນາມ ແລະ ອິນເດຍ ໄດ້ເພີ່ມຂຶ້ນຢ່າງວ່ອງໄວຈາກ 200 ລ້ານ ໂດລາສະຫະລັດ ໃນປີ 2000 ຂຶ້ນເປັນ 13 ຕື້ ໂດລາສະຫະລັດ ໃນປີ 2021, ຄາດວ່າຈະບັນລຸເປົ້າໝາຍ 15 ຕື້ ໂດລາສະຫະລັດ ໃນປີ 2022.
ແບ່ງປັນທີ່ກອງປະຊຸມສໍາມະນາສາກົນ “ການພົບປະເສດຖະກິດ ຫວຽດນາມ - ອິນເດຍ: ກາລະໂອກາດ ແລະ ສິ່ງທ້າທາຍ” ໂດຍສູນຄົ້ນຄວ້າອິນເດຍ ສົມທົບກັນຈັດຕັ້ງໃນວັນທີ 28 ທັນວາ 2022 ຢູ່ສະຖາບັນການເມືອງແຫ່ງຊາດ ໂຮ່ຈີມິນ, ທ່ານ ປອ ໂຕນຊີງແທ່ງ ອະດີດເອກອັກຄະລັດຖະທູດຫວຽດນາມ ປະຈຳອິນເດຍ ຕີລາຄາສູງ 2 ປະເທດມີກາລະໂອກາດຊຸກຍູ້ການຮ່ວມມືສອງຝ່າຍຫຼາຍກວ່າອີກ.
ທ່ານ Sandeep Arya ເອກອັກຄະລັດຖະທູດ ອິນເດຍ ປະຈຳ ຫວຽດນາມ ເນັ້ນໜັກວ່າ ບັນດາກາລະໂອກາດດ້ານເສດຖະກິດ ເກີດຈາກລະດັບການເຕີບໂຕເສດຖະກິດສູງ, ກວ່າທົບ 2 ເທົ່າລະດັບປານກາງຂອງໂລກ, ກໍ່ຄືການຫັນປ່ຽນຢ່າງຕັ້ງໜ້າຢູ່ທັງອິນເດຍ ແລະ ຫວຽດນາມ ດ້ວຍບັນດາຄວາມມານະພະຍາຍາມຢ່າງແຮງຂອງສອງລັດຖະບານ.
ໂດຍກ່າວເຖິງກາລະໂອກາດການຄ້າໃນບັນດາຂົງເຂດ ຄື: ຜະລິດຕະພັນກະເສດ, ການຢາ, ຜະລິດຕະພັນປ້ອງກັນຊາດ, ເຕັກໂນໂລຢີ..., ທ່ານເອກອັກຄະລັດຖະທູດສະເໜີບັນດາຄຳໝັ້ນສັນຍາຂອງສອງປະເທດ ຄື: ຄະນະປະຕິບັດງານຮ່ວມກ່ຽວກັບກະສິກຳ, ອະນຸກໍາມະການການຄ້າຮ່ວມລະຫວ່າງລັດຖະບານ ສອງຝ່າຍ ເພື່ອຄົ້ນຫາບັນດາກາລະໂອກາດດັ່ງກ່າວ.
ບູນມີ
