ນາຍົກລັດຖະມົນຕີ ຫວຽດນາມ ໄດ້ໄປຢ້ຽມຢາມ ແລະ ເຮັດວຽກກັບການນຳແຂວງ ບັກຢາງ ແລະ ບັກນິງ, ເຊິ່ງແມ່ນ 2 ທ້ອງຖິ່ນພວມຖືກຜົນສະທ້ອນຫຼາຍທີ່ສຸດຍ້ອນໂລກລະບາດໂຄວິດ-19
	ຜູ້ຊ່ຽວຊານລັດເຊຍ ໄຈ້ແຍກ 3 ປັດໃຈທີ່ຊ່ວຍໃຫ້ຫວຽດນາມ ສະກັດກັ້ນພະຍາດ Covid-19 ຢ່າງມີປະສິດທິຜົນ

ທ່ານ​ປະທານ​ຄະນະ​ກຳມະການ​ປະຊາຊົນ​ແຂວງ ບັກ​ຢາງ ​ຫາຫໍ່​ປະກາດໃຊ້ຂໍ້​ຕົກລົງ​ສ້າງ​ຕັ້ງ​ຄະນະ​ຊີ້​ນຳ​ປະຕິບັດ​ຂໍ້​ຕົກລົງ​ການ​ຮ່ວມ​ມື​ລະຫວ່າງ​ຄະນະ​ກຳມະການ​ປະຊາຊົນ​ແຂວງ​ບັກ​ຢາງ ກັບອໍານາດການປົກຄອງ​ແຂວງ​ໄຊ​ສົມບູນ (​ລາວ) ​ໄລຍະ 2021-2025.

ຄະນະຜູ້ແທນແຂວງບັກຢາງ ຢ້ຽມຢາມ ແລະເຮັດວຽກຢູ່ແຂວງໄຊສົມບູນ. ພາບ: baobacgiang.com.vn

ໜ້າທີ່ຂອງຄະນະຊີ້ນຳແມ່ນຊ່ວຍໃຫ້ຄະນະກໍາມະການປະຊາຊົນແຂວງ ຈັດຕັ້ງປະຕິບັດຂໍ້ຕົກລົງຮ່ວມມືລະຫວ່າງ ຄະນະກຳມະການປະຊາຊົນແຂວງ ບັກຢາງ ແລະ ອໍານາດການປົກຄອງແຂວງໄຊສົມບູນ (ລາວ) ໄລຍະ 2021-2025 ແລະ ແຜນການ ສະບັບເລກທີ 481/ KH UBND ລົງວັນທີ 25 ສິງຫາ 2022 ຂອງຄະນະກຳມະການປະຊາຊົນ ແຂວງບັກຢາງ ວ່າດ້ວຍການຈັດຕັ້ງປະຕິບັດຂໍ້ຕົກລົງຮ່ວມມືລະຫວ່າງ ຄະນະກຳ ມະການປະຊາຊົນແຂວງ ບັກຢາງ ແລະ ອໍານາດການປົກຄອງແຂວງໄຊສົມບູນ (ລາວ) ໄລຍະ 2021-2025 ຢ່າງມີປະສິດທິຜົນ.

ພະແນກພົວພັນ​​ຕ່າງປະ​ເທດ​ເປັນ​ອົງການ​ປະຈຳການຂອງ​ຄະນະ​ຊີ້​ນຳ, ​ເປັນ ເສນາທິການໃຫ້​ຫົວໜ້າ​ຄະນະ​ຊີ້​ນຳ​ອອກ​ລະບຽບ​ການ​ເຄື່ອນ​ໄຫວ​ຂອງ​ຄະນະ​ຊີ້​ນຳ ​ແລະ ມອບ​ໝາຍ​ໜ້າ​ທີ່​ລະອຽດໃຫ້​ສະມາຊິກຄະນະແຕ່ລະຄົນ; ກະຕຸກຊຸກຍູ້ ແລະ ສັງລວມຜົນການຈັດຕັ້ງປະຕິບັດຂໍ້ຕົກລົງຮ່ວມມື ແລະ ແຜນການ ສະບັບເລກທີ 481 ເປັນປະຈຳ ແລະ ຮັບປະກັນເງື່ອນໄຂໃຫ້ບັນດາການເຄື່ອນໄຫວຂອງຄະນະຊີ້ນໍາ.