ບາດກ້າວພັດທະນາໃໝ່ໃນການພົວພັນມິດຕະພາບລະຫວ່າງປະຊາຊົນກ໋ວາງນາມ ແລະ ສ.ເກົາຫຼີ

09:07 | 04/01/2023

ຍສໝ - ກ່າວຄຳເຫັນໄຂກອງປະຊຸມໃຫຍ່, ທ່ານ ຟານທ໊າຍບິ່ງ ຫົວໜ້າຄະນະກຳມະການເສດຖະກິດຄະນະພັກແຂວງ, ປະທານສະມາຄົມມິດຕະພາບ ຫວຽດນາມ - ສ.ເກົາຫຼີ ແຂວງ ໃຫ້ຮູ້ວ່າ ອາຍຸການນີ້ ຄະນະບໍລິຫານງານສະມາຄົມ ແລະ ບັນດາສາຂາຂຶ້ນກັບສະມາຄົມ ໄດ້ຕັ້ງໜ້າພ້ອມກັບບັນດາຄະນະ, ຂະແໜງການທ້ອງຖິ່ນໃນແຂວງ ຜັນຂະຫຍາຍຫຼາຍການເຄື່ອນໄຫວການທູດປະຊາຊົນກັບ ສ.ເກົາຫຼີ ແລະ ບັນລຸໄດ້ໝາກຜົນສຳຄັນທີ່ສຸດໃນບາງຂົງເຂດ.

ບາດກ້າວພັດທະນາໃໝ່ໃນການພົວພັນມິດຕະພາບລະຫວ່າງປະຊາຊົນກ໋ວາງນາມ ແລະ ສ.ເກົາຫຼີ

ທ່ານ ຟານທ໊າຍບິ່ງ ຫົວໜ້າຄະນະກຳມະການເສດຖະກິດຄະນະພັກແຂວງ, ປະທານສະມາຄົມມິດຕະພາບ ຫວຽດນາມ - ສ.ເກົາຫຼີ ແຂວງ

ຕອນເຊົ້າວັນທີ 27 ທັນວາ ຢູ່ແຂວງກ໋ວາງນາມ, ສະມາຄົມມິດຕະພາບ ຫວຽດນາມ - ສ.ເກົາຫຼີ ແຂວງ ກ໋ວາງນາມ (ສະມາຄົມ) ໄດ້ຈັດຕັ້ງກອງປະຊຸມໃຫຍ່ຜູ້ແທນສະມາຄົມ ຊຸດທີ III ອາຍຸການ 2022 – 2027. ທ່ານ ຟ້ານທ໊າຍບິ່ງ ສືບຕໍ່ໄດ້ຮັບການເລືອກຕັ້ງດຳລົງຕຳແໜ່ງເປັນປະທານສະມາຄົມອາຍຸການ 2022 - 2027

ສະມາຄົມມິດຕະພາບ ຫວຽດນາມ - ສ.ເກົາຫຼີ ແຂວງກ໋ວາງນາມ ໄດ້ຮັບການສ້າງຕັ້ງຕາມຂໍ້ຕົກລົງສະບັບເລກທີ 4446/QĐ-UB ລົງວັນທີ 14 ຕຸລາ ປີ 2003 ຂອງຄະນະກຳມະການປະຊາຊົນແຂວງ ກ໋ວາງນາມ. ໃນໄລຍະຈະມາເຖິງ, ໂດຍໄດ້ຮັບຄວາມເອົາໃຈໃສ່ຈາກການຊີ້ນຳຂອງການນຳແຂວງ ກ໋ວາງນາມ, ໜູນຊ່ວຍ, ສົມທົບກັບບັນດາກະຊວງ, ຄະນະ, ຂະແໜງການ, ທ້ອງຖິ່ນ ພິເສດແມ່ນຂອງສະຫະພັນບັນດາອົງການຈັດຕັ້ງມິດຕະພາບ ແຂວງ ກ໋ວາງນາມ, ສະມາຄົມໄດ້ຕັ້ງໜ້າເຄື່ອນໄຫວ ແລະ ບັນລຸໄດ້ບາງໝາກຜົນໃນເບື້ອງຕົ້ນ.

ກ່າວຄຳເຫັນໄຂກອງປະຊຸມໃຫຍ່, ທ່ານ ຟານທ໊າຍບິ່ງ ຫົວໜ້າຄະນະກຳມະການເສດຖະກິດຄະນະພັກແຂວງ, ປະທານສະມາຄົມມິດຕະພາບ ຫວຽດນາມ - ສ.ເກົາຫຼີ ແຂວງ ໃຫ້ຮູ້ວ່າ ອາຍຸການນີ້ ຄະນະບໍລິຫານງານສະມາຄົມ ແລະ ບັນດາສາຂາຂຶ້ນກັບສະມາຄົມ ໄດ້ຕັ້ງໜ້າພ້ອມກັບບັນດາຄະນະ, ຂະແໜງການທ້ອງຖິ່ນໃນແຂວງ ຜັນຂະຫຍາຍຫຼາຍການເຄື່ອນໄຫວການທູດປະຊາຊົນກັບ ສ.ເກົາຫຼີ ແລະ ບັນລຸໄດ້ໝາກຜົນສຳຄັນທີ່ສຸດໃນບາງຂົງເຂດ.

ສິ່ງທີ່ເປັນໜ້າສົນໃຈນັ້ນແມ່ນການພົວພັນແຮກສ່ຽວລະຫວ່າງບັນດາທ້ອງຖິ່ນຂອງກວາງນາມ ຄື ຕາມກີ, ນາມຈ່າມີ ກັບບັນດາທ້ອງຖິ່ນຂອງສ.ເກົາຫຼີ, ປະກອບສ່ວນເຂົ້າໃນການປະຕິບັດໜ້າທີ່ພັດທະນາເສດຖະກິດ - ສັງຄົມຂອງແຂວງຢ່າງມີໄຊ, ເພີ່ມທະວີການພົວພັນແລກປ່ຽນ, ຮ່ວມມືລະຫວ່າງປະຊາຊົນສອງປະເທດ ຫວຽດນາມ - ສ.ເກົາຫຼີ, ນຳການພົວພັນມິດຕະພາບການຮ່ວມມື ຫວຽດນາມ - ສ.ເກົາຫຼີ ນັບມື້ນັບເຂົ້າສູ່ລວງເລິກ, ແທດຈິງ ແລະ ມີປະສິດທິຜົນ.

ຕາມບົດລາຍງານຂອງກອງປະຊຸມໃຫຍ່, ໃນໄລຍະ 5 ປີຜ່ານມາ, ສະມາຄົມໄດ້ສົມທົບກັບສະຫະພັນບັນດາອົງການຈັດຕັ້ງມິດຕະພາບ ແຂວງ ກ໋ວາງນາມ ຂົນຂວາຍອົງການບໍ່ຂຶ້ນກັບລັດຖະບານ ເກືອບ 10 ອົງການ ສ.ເກົາຫຼີ ອຸປະຖຳ ກ່ວາ 30 ໂຄງການ, ລາຍການທີ່ແຂວງ ກ໋ວາງນາມ ດ້ວຍຍອດເງິນກ່ວາ 12,223 ຕື້ ດົ່ງ ກ່ຽວກັບຂົງເຂດອຸປະຖຳກໍ່ສ້າງເຮືອນແຫ່ງຄວາມເມດຕາ, ເດີ່ນຫຼິ້ນໃຫ້ແກ່ໂຮງຮຽນ, ທຶນການສຶກສາ, ລົດຖີບ, ວັດຖຸອຸປະກອນການຮຽນ, ນ້ຳປະປາໃນໂຮງຮຽນ.

ໂດຍຕີລາຄາຢູ່ກອງປະຊຸມໃຫຍ່, ບັນດາຜູ້ແທນລ້ວນແຕ່ເຫັນດີເປັນເອກະພາບວ່າ ອາຍຸການຜ່ານມາ, ສະມາຄົມ ແລະ ສາຂາໄດ້ຜັນຂະຫຍາຍບັນດາການເຄື່ອນໄຫວພົບປະແລກປ່ຽນມິດຕະພາບໃນວັນສຳຄັນຂອງສອງປະເທດ ຫວຽດນາມ - ສ.ເກົາຫຼີ ຢ່າງມີປະສິດທິຜົນ. ການເຄື່ອນໄຫວອຸປະຖຳບໍ່ຂຶ້ນກັລລັດຖະບານໂດຍບັນດາອົງການ, ສ່ວນບຸກຄົນ ແລະ ວິສາຫະກິດ ສ.ເກົາຫຼີ ອຸປະຖຳ ເຖິງວ່າຫຼຸດລົງແຕ່ຍັງໄດ້ຮັບການຮັກສາຢ່າງເປັນປະຈຳ ແລະ ສຸມໃສ່ປະຕິບັດໂຄງການອຸປະຖຳມະນຸດສະທຳ, ປະກອບສ່ວນປະຕິບັດວຽກງານໜູນຊ່ວຍສັງຄົມໃນບໍລິເວນແຂວງໃຫ້ເປັນຢ່າງດີ.

ໃນເງື່ອນໄຂທີ່ຍັງມີຄວາມຫຍຸ້ງຍາກຫຼາຍຢ່າງ, ສະມາຄົມມິດຕະພາບ ຫວຽດນາມ - ສ.ເກົາຫຼີ ແຂວງ ກ໋ວາງນາມໄດ້ຕັ້ງໜ້າສູ້ຊົນເສີມຂະຫຍາຍບົດບາດທີ່ຕັ້ງຂອງຕົນໃນຍຸກສະໄໝເຊື່ອມໂຍງເຂົ້າກັບສາກົນຢ່າງເລິກເຊິ່ງກວາງຂວາງ, ປະກອບສ່ວນເປີດກວ້າງ ແລະ ຍົກສູງຄຸນນະພາບການເຄື່ອນໄຫວຮ່ວມມືພົບປະແລກປ່ຽນປະຊາຊົນ, ຂົນຂວາຍການໜູນຊ່ວຍ ແລະ ສົ່ງເສີມການລົງທຶນຂອງບັນດາຄູ່ຮ່ວມມື ສ.ເກົາຫຼີ ຢູ່ແຂວງ ກວາງນາມ.

ບຸນຄົງ