ໂດຍແລກປ່ຽນນັກຂ່າວສານສໍານັກຂ່າວສານຫວຽດນາມ ປະຈຳຈາກາຕາ, ທ່ານ Veeramalla Anjaiah, ນັກຄົ້ນຄວ້າອາວຸໂສຂອງສູນຄົ້ນຄວ້າອາຊີຕາເວັນອອກສ່ຽງໃຕ້ (CSEAS), ຊີ້ແຈ້ງວ່າ ການນຳສອງປະເທດໄດ້ປຶກສາຫາລືກ່ຽວກັບການຊຸກຍູ້ການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືສອງຝ່າຍ, ກໍ່ຄືເຊັນເອກະສານການຮ່ວມມືຫຼາຍສະບັບ. ທີ່ການພົບປະ, ສອງຝ່າຍ ສະແດງຄວາມປາດຖະໜາຢາກຊຸກຍູ້ການຮ່ວມມືໃນຫຼາຍຂົງເຂດ ຄື: ການຄ້າ, ການລົງທຶນ, ເສດຖະກິດດີຈີຕອນ, ກະສິກຳ...
ທ່ານ Veeramalla Anjaiah, ນັກຄົ້ນຄວ້າອາວຸໂສຂອງສູນຄົ້ນຄວ້າອາຊີຕາເວັນອອກສ່ຽງໃຕ້ (CSEAS). ພາບ: TTXVN
ທ່ານ Anjaiah ເນັ້ນໜັກວ່າ: ໝາກຜົນການຢ້ຽມຢາມຂອງທ່ານປະທານປະເທດ ຫງວຽນຊວນຟຸກ ຈະຊຸກຍູ້ການພົວພັນລະຫວ່າງສອງປະເທດ, ພິເສດແມ່ນດ້ານການຄ້າ ແລະ ການລົງທຶນ.
ພິເສດ, ທ່ານ Anjaiah ໃຫ້ຮູ້ວ່າ: ທີ່ການພົບປະ, 2 ຝ່າຍໄດ້ສະແດງຄວາມຮັບຮູ້ທີ່ຄ້າຍຄືກັນກ່ຽວກັບຫຼາຍບັນຫາ, ໃນນັ້ນມີບັນຫາທະເລຕາເວັນອອກ, ຮັບປະກັນສັນຕິພາບ, ຄວາມປອດໄພ, ຄວາມໝັ້ນຄົງ, ຄວາມເສລີໃນການເດີນທະເລ ແລະ ການບິນ ບົນພື້ນຖານກົດໝາຍສາກົນ ແລະ ສົນທິສັນຍາຂອງ ສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 (UNCLOS)...
ທ່ານ Anjaiah ໃຫ້ຂໍ້ສັງເກດວ່າ: ໝາກຜົນແຫ່ງການຢ້ຽມຢາມທາງລັດຖະກິດແຕ່ວັນທີ 21 – 23 ທັນວາ ຂອງທ່ານປະທານປະເທດ ຫງວຽນຊວນຟຸກ ແລະ ຄະນະຜູ້ແທນຂັ້ນສູງຫວຽດນາມ ຈະແມ່ນ “ບາດກ້າວບຸກທະລຸທີ່ສຳຄັນ” ເພື່ອນຳການພົວພັນອິນໂດເນເຊຍ - ຫວຽດນາມ ຂຶ້ນສູ່ລະດັບສູງໃໝ່.
ສຸດທ້າຍ, ທ່ານ Anjaiah ກ່າວວ່າ: “ຂ້າພະເຈົ້າຄິດວ່າ ອິນໂດເນເຊຍ ແລະ ຫວຽດນາມ ຕ້ອງຍົກລະດັບການພົວພັນຄູ່ຮ່ວມມືຍຸດທະສາດໃນປະຈຸບັນຂຶ້ນເປັນຄູ່ຮ່ວມມືຍຸດທະສາດຮອບດ້ານ. ມັນຈະເປັນບາດກ້າວໄປສູ່ທິດທາງທີ່ຖືກຕ້ອງ ເພື່ອເສີມຂະຫຍາຍການພົວພັນລະຫວ່າງສອງປະເທດຕື່ມອີກ”.
ບູນມີ
