| ຊາປາ ລອດເຂົ້າທອັບ 10 ແຫຼ່ງທ່ອງທ່ຽວຊົມຫິມະຕົກທີ່ຈັບອົກຈັບໃຈຢູ່ອາຊີ | |
| ນະຄອນໂຮ່ຈີມິນ ແລະ ສິງກະໂປ ເພີ່ມທະວີການຮ່ວມມືພັດທະນາແຫຼ່ງຊັບພະຍາກອນມະນຸດ |
 |
| ພາບປະກອບ: TTXVN |
ກ່າວຄຳເຫັນທີ່ກອງປະຊຸມສຳມະນາ, ທ່ານປະທານສະພາແຫ່ງຊາດ ເວືອງດິ່ງເຫ້ວ ເນັ້ນໜັກວ່າ ວັດທະນະທຳມີທີ່ຕັ້ງ, ບົດບາດ, ຄວາມໝາຍສຳຄັນທີ່ສຸດໃນພາລະກິດແຫ່ງການຕໍ່ສູ້ປົດປ່ອຍຊາດ ແລະ ສ້າງສາປະເທດຊາດ.
ໃນຕະຫຼອດໄລຍະປະຫວັດສາດ ພັກ ແລະ ລັດ ຍາມໃດກໍ່ຖືບົດບາດ, ທີ່ຕັ້ງຂອງວັດທະນະທຳເປັນສຳຄັນທີ່ສຸດ. ຫວ່າງມໍ່ໆມານີ້, ກອງປະຊຸມໃຫຍ່ທົ່ວປະເທດຂອງພັກຄັ້ງທີ XIII (ປີ 2021) ໄດ້ກຳນົດການພັດທະນາຄົນຢ່າງຮອບດ້ານ, ສ້າງວັດທະນະທຳທີ່ກ້າວໜ້າ ເຂັ້ມຂຸ້ນໄປດ້ວຍສີສັນຊາດ, ພັດທະນາວັດທະນະທຳໃຫ້ກາຍເປັນກຳລັງແຮງພາຍໃນ ແລະ ເປັຍກຳລັງແຮງພັດທະນາປະເທດ ແລະ ປົກປັກຮັກສາປະເທດຊາດຢ່າງແທ້ຈິງ.
ກອງປະຊຸມໄດ້ບັນລຸຄວາມເຫັນດີເຫັນພ້ອມ ແລະ ໄດ້ສະເໜີໃຫ້ 7 ກຸ່ມແກ້ໄຂບັນຫາທີ່ຕ້ອງໄດ້ສຸມໃສ່ແກ້ໄຂຢ່າງທັນການ.
ກ່ອນອື່ນໝົດ, ໃນໄວໆນີ້, ກໍ່ສ້າງໂຄງການຈຸດໝາຍແຫ່ງຊາດກ່ຽວກັບການພັດທະນາວັດທະນະທຳກັບ 9 ກຸ່ມນະໂຍບາຍທີ່ໄດ້ຊີ້ອອກໃນກອງປະຊຸມແມ່ນເນື້ອໃນສຳຄັນເພື່ອສ້າງກອບນະໂຍບາຍໃຫ້ແກ່ໂຄງການນີ້.
ສອງ, ກວດກາຄືນບັນດາເນື້ອໃນວັດທະນະທຳໃນ 02 ໂຄງການຈຸດໝາຍແຫ່ງຊາດກ່ຽວກັບການກໍ່ສ້າງຊົນນະບົດໃໝ່ ແລະ ພັດທະນາເສດຖະກິດ - ສັງຄົມຢູ່ບັນດາຊົນເຜົ່າສ່ວນໜ້ອຍ ແລະ ເຂດພູດອຍ ແລະ ຮັບເອົາບັນດາຄຳເຫັນທີ່ກ່ຽວຂ້ອງເຖິງຄຸນຄ່າທີ່ກອງປະຊຸມເພື່ອຜັນຂະຫຍາຍຢ່າງເໝາະສົມ ແລະ ບັນລຸໄດ້ໝາກຜົນດີກ່ວາອີກ.
ທີສາມ, ສຸມໃສ່ຜັນຂະຫຍາຍຍຸດທະສາດ, ໂຄງການ, ໂຄງການກໍ່ສ້າງວັດທະນະທຳຫ້ອງການ, ວັດທະນະທຳໂຮງຮຽນ, ວັດທະນະທຳອົງການ, ວັດທະນະທຳການທູດຢ່າງມີປະສິດທິຜົນ.
ທີສີ່, ລົງທຶນເຂົ້າໃນບັນດາວຽກງານວັດທະນະທຳທີ່ຕາງໜ້າໃຫ້ບັນດາເຄື່ອງໝາຍແຫ່ງຊາດ ແລະ ຍຸກໂຮ່ຈິມິນ. ພັດທະນາຜະລິດຕະພັນວັດທະນະທໍາທີ່ມີຄຸນຄ່າດ້ານສິລະປະແລະອຸດົມການສູງສຸດ, ພະຍາຍາມເພື່ອໃຫ້ມີຄຸນຄ່າດ້ານວັນນະຄະດີແລະສິລະປະ
ທີຫ້າ, ປະດິດສ້າງກົນໄກດຳເນີນງານ, ພິເສດແມ່ນກົນໄກປົກຄອງຕົນເອງຂອງບັນດາຫົວໜ່ວຍບໍລິການສາທາລະນະດ້ານວັດທະນະທຳ ເພື່ອດຶງດູດ ແລະ ນຳໃຊ້ແຫຼ່ງກຳລັງຢ່າງມີປະສິດທິຜົນ.
ທີຫົກ, ຍູ້ແຮງການດຶງດູດການລົງທຶນເພື່ອພັດທະນາອຸດສາຫະກຳວັດທະນະທຳ, ກໍ່ສ້າງຕ່ອງໂສ້ຜະລິດຕະພັນການທ່ອງທ່ຽວ, ຜະລິດຕະພັນການຄ້າທີ່ມີເອກະລັກວັດທະນະທຳຂອງຫວຽດນາມ.
ທີເຈັດ, ສຸມໃສ່ແກ້ໄຂບັນດາກົນໄກ ແລະ ນະໂຍບາຍຊຸກຍູ້, ສ້າງເງື່ອນໄຂ, ຊຸກຍູ້, ສ້າງກຳລັງແຮງດ້ານວັດທະນະທຳ.
ໄຊພອນ
