| ເພີ່ມທະວີການສົມທົບກັນປະຕິບັດວຽກງານກ່ຽວກັບຊາວຫວຽດນາມອາໄສຢູ່ຕ່າງປະເທດໃຫ້ດີກວ່າເກົ່າ | |
| ຊາວຫວຽດນາມ ອາໄສຢູ່ຕ່າງປະເທດ ເຄົາລົບຕໍ່ການຮ່ວມເດີນທາງ ແລະ ການໜູນຊ່ວຍຂອງ VUFO |
 |
| ກອງປະຊຸມເພື່ອແນໃສ່ຮັບໃຊ້ການສະຫຼູບ 20 ປີແຫ່ງການປະຕິບັດມະຕິເລກທີ 23 |
ກອງປະຊຸມເພື່ອແນໃສ່ຮັບໃຊ້ການສະຫຼູບ 20 ປີແຫ່ງການປະຕິບັດມະຕິເລກທີ 23 ລົງວັນທີ 12 ມິຖຸນາ 2003 ຂອງຄະນະບໍລິຫານງານສູນກາງພັກ ຊຸດທີ IX ກ່ຽວກັບການເສີມຂະຫຍາຍກຳລັງແຮງກຸ່ມກ້ອນມະຫາສາມັກຄີທົ່ວປວງຊົນທັງຊາດ ເພື່ອປະຊາຊົນຮັ່ງມີ, ປະເທດຊາດເຂັ້ມແຂງ, ສັງຄົມຍຸຕິທຳ, ປະຊາທິປະໄຕ, ສີວິໄລ.
ຍາມໃດກໍ່ໄດ້ຮັບຄວາມເອົາໃຈໃສ່ຢ່າງເລິກເຊິ່ງຈາກພັກ, ລັດ.
ກ່າວຄຳເຫັນທີ່ກອງປະຊຸມ, ທ່ານໂງຈິ້ງຮ່າ, ຮອງຫົວໜ້າຜູ້ປະຈຳການຄະນະກຳມະການໃຫ້ຮູ້ວ່າ ປັດຈຸບັນມີຊາວຫວຽດນາມ ກ່ວາ 5,3 ລ້ານຄົນ ພວມດຳລົງຊີວິດ, ຮ່ຳຮຽນ, ເຮັດວຽກຢູ່ 130 ປະເທດ ແລະ ເຂດແຄ້ວນໃນທົ່ວໂລກ. ວຽກງານຊາວຫວຽດນາມ ຢູ່ຕ່າງປະເທດເວົ້າລວມ ແລະ ວຽກງານມະຫາສາມັກຄີສຳລັບຊາວຫວຽດນາມອາໄສຢູ່ຕ່າງປະເທດ ຍາມໃດກໍ່ໄດ້ຮັບຄວາມເອົາໃຈໃສ່ຢ່າງເລິກເຊິ່ງຂອງພັກ, ລັດ. ກອງປະຊຸມໃຫຍ່ຄັ້ງທີ 13 ຂອງພັກ ໄດ້ເນັ້ນໜັກເຖິງການສືບຕໍ່ເສີມຂະຫຍາຍກຳລັງມະຫາສາມັກຄີທົ່ວປວງຊົນທັງຊາດ, ຜັນຂະຫຍາຍວຽກງານຊາວຫວຽດນາມອາໄສຢູ່ຕ່າງປະເທດຢ່າງຮອບດ້ານ ແລະ ເຂັ້ມແຂງກ່ວາອີກ.
ກ່າວຄຳເຫັນທີ່ກອງປະຊຸມ, ທ່ານ ດັ້ງແທງເຟືອງ, ຮອງຫົວໜ້າກົມຮ່ວມມືສາກົນ ແລະ ວຽກງານຊາວຫວຽດນາມອາໄສຢູ່ຕ່າງປະເທດ, ຄະນະກຳມະການສູນກາງແນວໂຮມປະເທດຊາດ ຫວຽດນາມ ໃຫ້ຮູ້ວ່າ ແນວໂຮມປະເທດຊາດ ຫວຽດນາມ ມີຄວາມເອົາໃຈໃສ່ເປັນພິເສດເຖິງການເສີມຂະຫຍາຍບົດບາດຂອງບັນດາຊ່ອງຂໍ້ມູນຂອງຊາວຫວຽດນາມອາໄສຢູ່ຕ່າງປະເທດ, ບົດບາດຂອງບັນດາສ່ວນບຸກຄົນທີ່ດີເດັ່ນ, ບັນດາສະມາຄົມຊາວຫວຽດນາມ ອາໄສຢູ່ຕ່າງປະເທດ.
ດຶງດູດລ້ນໜຸ່ມຊາວຫວຽດນາມ ອາໄສຢູ່ຕ່າງປະເທດເຂົ້າຮ່ວມບັນດາສະມາຄົມ, ຄະນະ
ຕາມທ່ານນາງ ເຈິ່ນທິທູເຮືອງ, ຮອງຄະນະໂຄສະນາສຶກສາ, ຫ້ອງການອົງຄະນະພັກ - ໝູ່ຄະນະ, ຄະນະພັກກະຊວງການຕ່າງປະເທດ ແລ້ວ, ໃນໄລຍະຈະມາເຖິງ ຕ້ອງເອົາໃຈໃສ່ເປັນພິເສດເຖິງການຂົນຂວາຍຊາວຫວຽດນາມ ອາໄສຢູ່ຕ່າງປະເທດທີ່ເປັນສະມາຊິກພັກ, ຊາວຫວຽດນາມອາໄສຢູ່ຕ່າງປະເທດທີ່ເປັນຫຼັກແຫຼ່ງ, ມີອິດທິພົນຊື່ສຽງ, ມີຜົນກະທົບຕໍ່ການເຂົ້າຮ່ວມຄະນະບໍລິຫານງານ ແລະ ຕັ້ງໜ້າເຂົ້າຮ່ວມວຽກງານສະມາຄົມຄະນະ...ຈັດຕັ້ງການບຳລຸງສ້າງ, ຂົນຂວາຍເພື່ອດຶງດູດລຸ້ນໜຸ່ມ ຫວຽດນາມ ຢູ່ຕ່າງປະເທດ ເຂົ້າຮ່ວມສະມາຄົມ, ຄະນະ, ສ້າງຖັນແຖວການນຳສະມາຄົມລຸ້ນສືບທອດ.
ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີ, ຫົວໜ້າຄະນະກຳມະການ ຟ້າມກວາງຫ້ຽວ ໃຫ້ຮູ້ວ່າ: ໃນສະພາບການໃໝ່, ຄວາມຮຽກຮ້ອງໃໝ່, ຈາກແງ່ມູມປະຕິບັດວຽກງານຊາວຫວຽດນາມ ອາໄສຢູ່ຕ່າງປະເທດ, ຄະນະພະນັກງານພັກກະຊວງການຕ່າງປະເທດ ເຫັນໄດ້ເຖິງຄວາມຈຳເປັນຕ້ອງມີມະຕິໃໝ່ກ່ຽວກັບວຽກງານມະຫາສາມັກຄີທົ່ວປວງຊົນທັງຊາດບົນພື້ນຖານສືບທອດ, ເສີມຂະຫຍາຍບັນດາທັດສະນະ, ທິດທາງ, ໜ້າທີ່ໃນມະຕິເລກທີ 23, ພ້ອມທັງອັບເດດ, ເພີ່ມເຕີມບັນດາທັດສະນະຊີ້ນຳຂອງກອງປະຊຸມໃຫຍ່ຄັ້ງທີ 13 ກ່ຽວກັບວຽກງານມະຫາສາມັກຄີທົ່ວປວງຊົນທັງຊາດ ແລະ ວຽກງານຊາວຫວຽດນາມອາໄສຢູ່ຕ່າງປະເທດ.
ບຸນຄົງ
