| ສະຖານກົງສູນໃຫຍ່ ຫວຽດນາມ ປະຈໍາ ປາກເຊ ຊົມເຊີຍວັນຊາດ ແຫ່ງ ສປປ ລາວ ຄົບຮອບ 47 ປີ | |
| ປະທານສະພາແຫ່ງຊາດ ຕ້ອນຮັບເອກອັກຄະລັດຖະທູດ ຝຣັ່ງ |
ທີ່ການຕ້ອນຮັບ, ທ່ານນາຍົກລັດຖະມົນຕີ ເນັ້ນໜັກວ່າ ຫວຽດນາມ ຍາມໃດກໍ່ຖືເປັນສໍາຄັນການພັດທະນາການພົວພັນຄູ່ຮ່ວມມື ແລະການຮ່ວມມືຮອບດ້ານກັບອີຢູ ແລະບັນດາປະເທດສະມາຊິກ; ແລະຍາມໃດກໍ່ສະໜັບສະໜູນການເພີ່ມທະວີການພົວພັນຄູ່ຮ່ວມມືຍຸດທະສາດ ອາຊຽນ-ອີຢູ.
 |
| ທ່ານນາຍົກລັດຖະມົນຕີ ຟ້າມມິງຈິ໊ງ ຕ້ອນຮັບເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າສະຫະພາບເອີລົບ ປະຈໍາ ຫວຽດນາມ Giorgio Aliberti. ພາບ: baochinhphu.vn |
ທ່ານນາຍົກລັດຖະມົນຕີ ຕີລາຄາສູງບົດບາດຂອງທ່ານເອກອັກຄະລັດຖະທູດ ແລະຄະນະຜູ້ຕາງໜ້າ ອີຢູ ປະຈໍາ ຮ່າໂນ້ຍ ໃນການຊຸກຍູ້ການພົວພັນສອງຝ່າຍ, ທ່ານນາຍົກລັດຖະມົນຕີ ສະເໜີເອກອັກຄະລັດຖະທູດ, ຄະນະຜູ້ຕາງໜ້າ ອີຢູ ສືບຕໍ່ຊຸກຍູ້ການແລກປ່ຽນຄະນະຜູ້ແທນ, ພົບປະທຸກຂັ້ນ, ໂດຍສະເພາະແມ່ນຂັ້ນສູງເພື່ອເພີ່ມທະວີຄວາມເຂົ້າໃຈດ້ານການເມືອງ, ກໍານົດທິດການຮ່ວມມື ຫວຽດນາມ-ອີຢູ ໃນໄລຍະຈະມາເຖິງ;...
ທ່ານນາຍົກລັດຖະມົນຕີ ສະເໜີສອງຝ່າຍສືບຕໍ່ສົມທົບກັນຢ່າງແໜ້ນແຟ້ນເພື່ອປະຕິບັດສັນຍາການຄ້າເສລີ EVFTA ໃຫ້ມີປະສິດທິຜົນ ແລະຕັ້ງໜ້າຊຸກຍູ້ບັນດາສະມາຊິກອີຢູ ທີ່ຍັງເຫຼືອ ອະນຸມັດຜ່ານສັນຍາປົກປ້ອງການລົງທຶນ EVIPA ໂດຍໄວ; ຍູ້ແຮງການຮ່ວມມືດ້ານການຄ້າ-ການລົງທຶນ ຮັບປະກັນຜົນປະໂຫຍດທີ່ກົມກຽວກັນ, ແບ່ງປັນຄວາມສ່ຽງ, ພ້ອມກັນຊະນະ; ສືບຕໍ່ບັນດາລາຍການ, ໂຄງການຮ່ວມມືພັດທະນາໃຫ້ຫວຽດນາມ.
ທ່ານນາຍົກລັດຖະມົນຕີ ຢັ້ງຢືນວ່າ ຫວຽດນາມ ຕັດສິນໃຈ, ໄດ້ ແລະກໍາລັງຜັນຂະຫຍາຍມາດຕະການຕ່າງໆຢ່າງຂ້ຽວຂາດເພື່ອປະຕິບັດບັນດາຂໍ້ກຳນົດກ່ຽວກັບການຕ້ານການຫາປາຜິດກົດໝາຍ, ບໍ່ລາຍງານ ແລະບໍ່ຕາມຂໍ້ກໍານົດ (IUU) ຢ່າງຢ່າງເຂັ້ມງວດ, ແທດຈິງ, ໃນນັ້ນ ມີແຜນການກະທໍາ 180 ວັນເພື່ອຍົກເລີກ “ບັດເຫຼືອງ” ຂອງຄະນະກໍາມະການເອີລົບ (EC), ເພື່ອຜົນປະໂຫຍດແຫ່ງຊາດ, ຜົນປະໂຫຍດຂອງປະຊາຊົນ, ຮັກສາພາບພົດປະເທດ, ປະຕິບັດບັນດາຄໍາໝັ້ນສັນຍາສາກົນ, ຢັ້ງຢືນວ່າ ຫວຽດນາມ ແມ່ນສະມາຊິກທີ່ມີຄວາມຮັບຜິດຊອບກັບປະຊາຄົມສາກົນ, ໃນນັ້ນ ມີການປົກປັກຮັກສາສິ່ງແວດລ້ອມທະເລ, ຊີວະພາບທະເລ.
ສ່ວນທ່ານເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າສະຫະພາບເອີລົບ ປະຈໍາ ຫວຽດນາມ ໄດ້ແຈ້ງໃຫ້ຊາບບາງເນື້ອໃນທີ່ກ່ຽວຂ້ອງເຖິງການກະກຽມໃຫ້ແກ່ການປະຕິບັດງານຂອງນາຍົກລັດຖະມົນຕີ ເພື່ອເຂົ້າຮ່ວມກອງປະຊຸມສຸດຍອດ ອາຊຽນ-ອີຢູ ທີ່ຈະມາເຖິງ; ຢັ້ງຢືນວ່າ ຈະສົມທົບກັນຢ່າງແໜ້ນແຟ້ນ ເພື່ອຜັນຂະຫຍາຍການເຄື່ອນໄຫວຮ່ວມມືໃນບັນດາຂົງເຂດ ເຊິ່ງທ່ານນາຍົກລັດຖະມົນຕີ ໄດ້ເຕື້ອງເຖິງ ຄືຊຸກຍູ້ການພົວພັນຄູ່່ຮ່ວມມືໃນການຫັນປ່ຽນພະລັງງານ, ອະນຸມັດຜ່ານ EVIPA, ແກ້ໄຂບັນຫາ “ບັດເຫຼືອງ” IUU.
ກອງທັບ
