| ປະທານປະເທດຫວຽດນາມ ຢ້ຽມຢາມ ແລະ ເຮັດວຽກ ຢຸ່ ແຂວງລ້າງເຊີນ | |
| ຝລັ່ງ ຖືເປັນສຳຄັນການພົວພັນຄູ່ຮ່ວມມືຍຸດທະສາດກັບ ຫວຽດນາມ |
 |
| ນາຍົກລັດຖະມົນຕີຫວຽດນາມ ຕ້ອນຮັບຜູ້ອໍານວຍການບໍລິຫານ ທະນາຄານໂລກ. ພາບ: kinhtexaydung.petrotimes.vn |
ທີ່ການພົບປະ, ສອງຝ່າຍໄດ້ຕີລາຄາສູງ ແລະເຫັນດີເປັນເອກະພາບຊຸກຍູ້ການຮ່ວມມືສອງຝ່າຍລະຫວ່າງຫວຽດນາມ ແລະທະນາຄານໂລກ, ໃນສະພາະໜ້າ ແມ່ນກວດກາ ແລະອັບເດດຂອບຄູ່ຮ່ວມມືຍຸດທະສາດແຫ່ງຊາດໄລຍະ 3 ປີ 2022–2025 ເພື່ອກຳນົດແຫຼ່ງກໍາລັງ, ຂົງເຂດ, ໂຄງການບູລິມະສິດ ແລະ ວິວັດທະນາການປະຕິບັດຢ່າງຈະແຈ້ງ.
ທ່ານ ຟ້າມມີງຈິ໊ງ ນາຍົກລັດຖະມົນຕີ ຫວຽດນາມ ຮັບຮູ້ວ່າ ທະນາຄານໂລກ ແມ່ນເພື່ອນມິດ ແລະຄູ່ຮ່ວມ ມືພັດທະນາແຖວໜ້າຂອງຫວຽດນາມ, ສະແດງຄວາມຂອບໃຈ WB ທີ່ໄດ້ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ, ຮັບປະກັນຊີວິດສັງຄົມຂອງປະເທດ, ພິເສດແມ່ນໄດ້ໃຫ້ການຊ່ວຍເຫຼືອລ້າ 6,2 ລ້ານໂດລາສະຫະລັດ ແກ່ຫວຽດນາມ ແລະ ໜູນຊ່ວຍຫວຽດນາມ ເລື່ອນການຊໍາລະໜີ້ສິນເພື່ອສະຫງວນແຫຼ່ງກໍາລັງໃຫ້ແກ່ການປ້ອງກັນ, ຕ້ານໂລກລະບາດ.
ທ່ານ ຟ້າມມີງຈິ໊ງ ນາຍົກລັດຖະມົນຕີ ຫວຽດນາມ ຢືນຢັນວ່າ ການພັດທະນາແບບຍືນຍົງ ແລະການເຕີບສີຂຽວແມ່ນນະໂຍບາຍ ແລະທັດສະນະລຸລ່ວງຂອງຫວຽດນາມ. ການຜັນຂະຫຍາຍທິດທາງບຸລິມະສິດສ້າງຮູບແບບເສດຖະກິດສີຂຽວ, ເສດຖະກິດໝູນວຽນ, ເສດຖະກິດກາກບອນຕ່ຳ, ຫວຽດນາມ ໄດ້ປະກາດໃຊ້ຍຸດທະສາດເຕີບໂຕສີຂຽວແຫ່ງຊາດ ໄລຍະ 2021-2030, ວິໄສທັດຮອດປີ 2050 ດ້ວຍເປົ້າໝາຍສ້າງໂຄງປະກອບພື້ນຖານເສດຖະກິດຄືນໃໝ່ຕາມທິດຍືນຍົງດ້ານສະພາບແວດລ້ອມ, ຄວາມຍຸຕິທໍາທາງສັງຄົມ ແລະປະກອບສ່ວນເຂົ້າໃນເປົ້າໝາຍລວມຂອງທົ່ວໂລກກ່ຽວ ກັບການຫຼຸດຜ່ອນການປ່ອຍອາຍພິດເຮືອນແກ້ວ.
ໃນສະພາບທີ່ໂລກພວມຫັນປ່ຽນໄປໄລຍະປັບຕົວຢ່າງປອດໄພຕໍ່ໂລກລະບາດ ແລະຟື້ນຟູເສດຖະກິດ, ບັນດາແຫຼ່ງກໍາລັງແຫ່ງຊາດຖືກຫຼຸດລົງໃນຂະບວນການຄວບຄຸມພະຍາດ, ຜູ້ອໍານວຍການບໍລິຫານໃຫ້ຄຳໝັ້ນສັນຍາຈະສືບຕໍ່ຊ່ວຍເຫຼືອ ຫວຽດນາມ ໃນວິວັດການສ້າງນະໂຍບາຍເສດຖະກິດມະຫາພາກ; ເຂົ້າເຖິງແຫຼ່ງການເງິນແບບຍືນຍົງ ມຸ່ງໄປເຖິງການເຕີບໂຕສີຂຽວ, ຍືນຍົງ ແລະກວມລວມ.
ໄຊພອນ
