ຫວ່າງແລ້ວນີ້, ຢູ່ນະຄອນ ໂຮ່ຈີມິນ, ສະມາຄົມນັກຂ່າວ ຫວຽດນາມ ແລະ ອົງການຈັດຕັ້ງສັງຄົມ ສະມາຄົມນັກຂ່າວ ເບລາຣຸດ ໄດ້ລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມືສື່ມວນຊົນ ເພື່ອແນໃສ່ເພີ່ມທະວີການແລກປ່ຽນ ແລະ ເປີດກວ້າງການຮ່ວມມືໃນຂົງເຂດສື່ສານ ແລະ ຍົກສູງຄຸນນະພາບວິຊາສະເພາະໃຫ້ແກ່ນັກຂ່າວຂອງສອງປະເທດ.
ຫວຽດນາມ - ເບລາຣຸດ ຊຸກຍູ້ການຮ່ວມມືໃນຂົງເຂດສື່ມວນຊົນ.
ກ່າວຄຳເຫັນທີ່ພິທີ, ທ່ານຮອງປະທານສະມາຄົມນັກຂ່າວຫວຽດນາມ ເຈິ່ນຈ້ອງຢຸງ ຢືນຢັນວ່າ: ເຫດການນີ້ແມ່ນສ້າງຂີດໝາຍການຮ່ວມມືລະຫວ່າງສະມາຄົມນັກຂ່າວຫວຽດນາມ ກັບ ເບລາຣຸດ ທີ່ມີສັນຍາຮ່ວມມືດ້ານສື່ມວນຊົນລະຫວ່າງ 2 ປະເທດຢ່າງເປັນທາງການ. ສິ່ງດັ່ງກ່າວມີຄວາມໝາຍສຳຄັນທີ່ສຸດເພື່ອຊຸກຍູ້ການຮ່ວມມືດ້ານການກໍ່ສ້າງ, ບໍາລຸງ, ຍົກສູງອາຊີບຂອງນັກຂ່າວ. ບົນພື້ນຖານຂໍ້ຕົກລົງທີ່ໄດ້ລົງນາມຢ່າງເປັນທາງການ, 2 ຝ່າຍຈະຜັນຂະຫຍາຍບັນດາໂຄງການຮ່ວມມືລະອຽດກ່ວາອີກໃນໄລຍະຈະມາເຖິງ”.
ຕາມທ່ານ Andrei Kryvasheyeu, ປະທານສະພາບໍລິຫານອົງການຈັດຕັ້ງສັງຄົມ ສະມາຄົມນັກຂ່າວ ເບລາຣຸດ ແລ້ວ, ຫວຽດນາມ ແລະ ເບລາຣຸດ ມີການພົວພັນຮ່ວມມືມິດຕະພາບທີ່ເປັນມູນເຊື້ອມາເປັນເວລາຫຼາຍປີ. ການລົງນາມໃນການຮ່ວມມືບໍ່ພຽງແຕ່ເພີ່ມທະວີການແລກປ່ຽນການຮ່ວມມືດ້ານວິຊາຊີບເທົ່ານັ້ນ, ຫາກຍັງໃນຫຼາຍຂົງເຂດທີ່ກ່ຽວຂ້ອງເຖິງການເຄື່ອນໄຫວສື່ມວນຊົນອີກດ້ວຍ. ຝ່າຍເບລາຣຸດ ປາດຖະໜາຢາກເພີ່ມທະວີການຮ່ວມມືກັບບັນດາອົງການສື່ມວນຊົນຂອງຫວຽດນາມກວ່າອີກ, ໃນນັ້ນມີໜັງສືພິມແບບເຈ້ຍ, ໜັງສືພິມອອນລາຍ, ວິທະຍຸກະຈາຍສຽງ, ສະຖານີໂທລະພາບ...
ທ່ານຮອງປະທານສະມາຄົມນັກຂ່າວຫວຽດນາມ ເຈິ່ນຈ້ອງຢຸງ ຢືນຢັນວ່າ: ເຫດການນີ້ແມ່ນສ້າງຂີດໝາຍການຮ່ວມມືລະຫວ່າງສະມາຄົມນັກຂ່າວຫວຽດນາມ ກັບ ເບລາຣຸດ ທີ່ມີສັນຍາຮ່ວມມືດ້ານສື່ມວນຊົນລະຫວ່າງ 2 ປະເທດຢ່າງເປັນທາງການ. ສິ່ງດັ່ງກ່າວມີຄວາມໝາຍສຳຄັນທີ່ສຸດເພື່ອຊຸກຍູ້ການຮ່ວມມືດ້ານການກໍ່ສ້າງ, ບໍາລຸງ, ຍົກສູງອາຊີບຂອງນັກຂ່າວ. ບົນພື້ນຖານຂໍ້ຕົກລົງທີ່ໄດ້ລົງນາມຢ່າງເປັນທາງການ, 2 ຝ່າຍຈະຜັນຂະຫຍາຍບັນດາໂຄງການຮ່ວມມືລະອຽດກ່ວາອີກໃນໄລຍະຈະມາເຖິງ”.
ບູນມີ
