| ຫວຽດນາມ ຢືນຢູ່ແຖວໜ້າບັນດາປະເທດຢູ່ພາກພື້ນ ອາຊີຕາເວັນອອກສ່ຽງໃຕ້ໃນການສົ່ງອອກໄປຍັງ ຮຸງກາຣີ | |
| ການປຶກສາຫາລືດ້ານການເມືອງຂັ້ນຮອງລັດຖະມົນຕີການຕ່າງປະເທດ ຫວຽດນາມ - ເບລາຣຸດ |
 |
| ທ່ານລັດຖະມົນຕີ ກະຊວງການຕ່າງປະເທດ ບຸ່ຍແທງເຊີນ ໄດ້ໃຫ້ການຕ້ອນຮັບ ທ່ານຮອງລັດຖະມົນຕີກະຊວງການຕ່າງປະເທດ ເບລາຣຸດ Kikolai Borservich. ພາບ: vovworld.vn |
ທ່ານລັດຖະມົນຕີ ກະຊວງການຕ່າງປະເທດ ຫວຽດນາມ ບຸ່ຍແທງເຊີນ ຢັ້ງຢືນວ່າ ຫວຽດນາມ ຖືເປັນສຳຄັນ ແລະ ປາດຖາໜາຢາກພັດທະນາການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຫຼາຍດ້ານກັບ ເບລາຣຸດ, ຕີລາຄາສູງຕໍ່ ເລື່ອງເບລາຣຸດ ມອບວັດຖຸອຸປະກອນການແພດປ້ອງກັນຕ້ານ ໂຄວິດ-19 ໃຫ້ ຫວຽດນາມ ໃນເດືອນ ທັນວາ 2021 ທີ່ຜ່ານມາ. ທ່ານ ບຸ່ຍແທງເຊີນ ສະເໜີສອງກະຊວງການຕ່າງປະເທດ ຊຸກຍູ້ຟື້ນຟູການລຽກປ່ຽນຄະນະຜູ້ແທນໂດຍໄວ, ສືບຕໍ່ຮ່ວມມືຢ່າງແໜ້ນແຟ້ນໃນທຸກຂອບເຂດຮ່ວມມືສອງຝ່າຍ ແລະ ຫຼາຍຝ່າຍແນໃສ່ນຳການພົວພັນສອງປະເທດໃຫ້ນັບມື້ນັບກ້າວເຂົ້າສູ່ປະສິດທິຜົນ.
ເມື່ອເຕື້ອງເຖິງການຮ່ວມມືຢູ່ບັນດາເວທີປາໄສສາກົນ, ທ່ານລັດຖະມົນຕີ ບຸ່ຍແທງເຊີນ ກ່າວຄຳຂອບໃຈຕໍ່ການຊ່ວຍເຫຼືອຂອງ ເບລາຣຸດ ໃນໄລຍະຜ່ານມາ ແລະ ສະແດງໃຫ້ເຫັນຄວາມເຊື່ອໝັ້ນ ສອງປະເທດຈະສືບຕໍ່ຮ່ວມມືຢ່າງແໜ້ນແຟ້ນ, ປະກອບສ່ວນຢ່າງຕັ້ງໜ້າເຂົ້າໃນວຽກຮັກງານສາສັນຕິພາບ, ຄວາມໝັ້ນຄົງໃນພາກພື້ນ ແລະ ໃນໂລກ.
ທ່ານ Kikolai Borservich ຮອງລັດຖະມົນຕີ ກະຊວງການຕ່າງປະເທດ ເນັ້ນໜັກວ່າ ເບລາຣຸດ ປາດຖະໜາຢາກຍູ້ແຮງການຮ່ວມມືກັບ ຫວຽດນາມ ໃນບັນດາຂົງເຂດ ປ້ອງກັນຊາດ, ປ້ອງກັນຄວາມສະຫງົບ, ເສດຖະກິດ-ການຄ້າ, ການລົງທຶນ, ການສຶກສາ-ບຳລຸງສ້າງ, ວັດທະນາທຳ, ຮ່ວມມືທ້ອງຖິ່ນ…
ໄຊພອນ
