ຫວ່າງແລ້ວນີ້, ສະຫະພັນບັນດາອົງການຈັດຕັ້ງມິດຕະພາບນະຄອນ ໂຮ່ຈີມິນ (HUFO) ແລະ ສະມາຄົມມິດຕະພາບ ຫວຽດນາມ - ຣູມານີ ໄດ້ຈັດຕັ້ງພິທີສະເຫຼີມສະຫຼອງ 104 ປີແຫ່ງວັນຊາດ ສາທາລະນະລັດ ສາທາລະນະລັດ ຣູມານີ (ວັນທີ 1 ທັນວາ 1918 – ວັນທີ 1 ທັນວາ 2022).
HUFO ສະເຫຼີມສະຫຼອງວັນຊາດຂອງສາທາລະນະລັດ ຣູມານີ ຄົບຮອບ 104 ປີ. ພາບ: HUFO
ກ່າວຄຳເຫັນທີ່ການພົບປະ, ທ່ານ ຫງວຽນເຈື່ອງຢາງ, ປະທານສະມາຄົມມິດຕະພາບ ຫວຽດນາມ - ຣູມານີ ໄດ້ຊົມເຊີຍວັນຊາດຢ່າງສຸດໃຈ, ຫວນຄືນ ແລະ ຊົມເຊີຍບັນດາຜົນງານດ້ານເສດຖະກິດ - ສັງຄົມ ເຊິ່ງ ຣູມານີ ບັນລຸໄດ້ໃນຊຸມປີຜ່ານມາ. ພ້ອມກັນນັ້ນ, ທ່ານກໍໃຫ້ຮູ້ວ່າ ໃນຕະຫຼອດ 72 ປີທີ່ຜ່ານມາ, ການພົວພັນທາງການທູດ ຫວຽດນາມ - ຣູມານີ ໄດ້ຮັບການພັດທະນາຢ່າງບໍ່ຢຸດຢັ້ງ.
ທ່ານນາງ Cristina Romila, ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ຣູມານີ ປະຈຳ ຫວຽດນາມ ຫວັງວ່າ ຈະໄດ້ລົງນາມໃນໂຄງການຮ່ວມມື 2 ຝ່າຍຂອງລັດຖະບານ ໃນຂົງເຂດການສຶກສາ ແລະ ບຳລຸງສ້າງ ໄລຍະ 2022-2026 ໃນທ້າຍປີນີ້, ກໍ່ຄືໃຫ້ຮູ້ວ່າ ບັນດາຄວາມມານະພະຍາຍາມຂອງ ສະຖານທູດ ຣູມານີ ຈະສືບຕໍ່ມຸ່ງໄປເຖິງການຮັດແໜ້ນສາຍພົວພັນລະຫວ່າງ ຣູມານີ ແລະ ຫວຽດນາມ ໃຫ້ເລິກເຊິ່ງກວ່າອີກ, ແທດເໝາະກັບສະພາບການສອງຝ່າຍ ແລະ ສະພາບການສາກົນ.
ກໍ່ທີ່ເຫດການ, ສະມາຄົມມິດຕະພາບ ຫວຽດນາມ - ຣູມານີ ໄດ້ຈັດຕັ້ງການ ຕອບບຸນແທນຄຸນ, ຍ້ອງຍໍສະມາຊິກທີ່ມີການປະກອບສ່ວນຫຼາຍຢ່າງໃຫ້ວຽກງານ ພັດທະນາການເຄື່ອນໄຫວຂອງສະມາຄົມໃນໄລຍະຜ່ານມາ.
ບູນມີ
