ມີຫຼາຍລາຍການສະແດງກາຍຍະສິນທີ່ດຶງດູດໃຈເຊິ່ງໄດ້ດຳເນີນຢູ່ງານມະໂຫລານກາຍຍະສິນສາກົນ ປີ 2022

10:29 | 05/12/2022

ງານມະໂຫລານກາຍຍະສິນສາກົນ ປີ 2022 ໄດ້ດຳເນີນໃນລະຫວ່າງວັນທີ 2 – 7 ທັນວາ ຢູ່ຮ່າໂນ້ຍ ໂດຍມີການເຂົ້າຮ່ວມຂອງຫຼາຍໜ່ວຍສະແດງສິລະປະກາຍຍະສິນທັງຢູ່ພາຍໃນປະເທດ ແລະ ສາກົນ. ນີ້ແມ່ນເຫດການວັດທະນະທຳເພື່ອແນໃສ່ຊຸກຍູ້ການພົວພັນຮ່ວມມືໃນຂົງເຂດວັດທະນະທຳ, ສິລະປະ ລະຫວ່າງ ຫວຽດນາມ ກັບບັນດາປະເທດໃນໂລກ.

	Festival ດອກໄມ້ ດ່າລາດ ຄັ້ງທີ 9 ມີຫຼາຍການເຄື່ອນໄຫວສະເພາະພິເສດ
	ຄ້າຍພັກແລ້ງ ຫວຽດນາມ 2022: ພ້ອມກັນດຳເນີນຢູ່ 9 ແຂວງ, ນະຄອນໃນທົ່ວປະເທດ

ມີຫຼາຍລາຍການສະແດງກາຍຍະສິນທີ່ດຶງດູດໃຈເຊິ່ງໄດ້ດຳເນີນຢູ່ງານມະໂຫລານກາຍຍະສິນສາກົນ ປີ 2022

ນັກສະແດງກາຍຍະສິນ ຫວຽດນາມ

ງານມະໂຫລານກາຍຍະສິນສາກົນ ແມ່ນເຫດການໂດຍກະຊວງວັດທະນະທຳ, ກິລາ ແລະ ການທ່ອງທ່ຽວຮັບຮອງເອົາ ແລະ ມອບໃຫ້ກົມສິລະປະການສະແດງເປັນເຈົ້າພາບຈັດຕັ້ງສົມທົບກັບກົມຮ່ວມມືສາກົນ, ກົມແຜນການ, ການເງິນ, ພະແນກວັດທະນະທຳ ແລະ ກິລານະຄອນຮ່າໂນ້ຍ, ສະມາຄົມນັກສິລະປິນ ເວທີ ຫວຽດນາມ, ສະຫະພັນກາຍຍະສິນ ຫວຽດນາມ ແລະ ບັນດາໜ່ວຍງານທີ່ກ່ຽວຂ້ອງ ຈັດຕັ້ງງານມະໂຫລານກາຍສະສິນສາກົນ 2022 ນັບແຕ່ ວັນທີ 2 – 7 ທັນວາ 2022 ຢູ່ໂຮງກາຍຍະສິນສູນກາງ - ສະຫະພັນກາຍຍະສິນ ຫວຽດນາມ ຕັ້ງຢູ່ເລກທີ 67 – 69 ເຈິ່ນແທັງຕົງ, ຮາຍບ່າຈຶງ, ຮ່າໂນ້ຍ.

ຕາມນັກສິລະປິນດີເດັ່ນ ເຈິນລີລີ, ຜູ້ຮັກສາການຫົວໜ້າກົມສິລະປະການສະແດງແລ້ວ, ງານມະໂຫລານກາຍຍະສິນສາກົນ 2022 ແມ່ນເຫດການວັດທະນະທຳ, ປະກອບສ່ວນຊຸກຍູ້ການພົວພັນຮ່ວມມືໃນຂົງເຂດວັດທະນະທຳສິລະປະ ລະຫວ່າງ ຫວຽດນາມ ແລະ ບັນດາປະເທດໃນໂລກ, ແມ່ນສະຖານທີ່ເຕົ້າໂຮມຂອງບັນດາໜ່ວຍງານສະແດງກາຍຍະສິນໃນທົ່ວໂລກ ແລະ ບັນດາຄະນະສະແດງກາຍຍະສິນດີເດັ່ນທີ່ມາຈາກຫຼາຍປະເທດ. ງານມະໂຫລານສະແດງກາຍຍະສິນສາກົນ ຍັງແມ່ນໂອກາດເພື່ອໃຫ້ບັນດານັກສິນລະປິນ ປະເທດຫວຽດນາມ ແນະນຳຄຸນຄ່າທາງດ້ານສິລະປະກາຍຍະສິນ ຫວຽດນາມ ໄປຍັງເພື່ອນມິດສາກົນ. ນີ້ກໍ່ແມ່ນໂອກາດເພື່ອໃຫ້ບັນດານັກຄຸ້ມຄອງສິລະປະ, ບັນດານັກສິລະປະກາຍຍະສິນ ຫວຽດນາມ ພົບປະແລກປ່ຽນ, ຮ່ຳຮຽນ, ແບ່ງປັນບົດຮຽນປະສົບການກັບບັນດາໜ່ວຍງານສາກົນ ໃນວິວັດການອອກແຮງງານປະດິດຄິດສ້າງສິລະປະ. ຈາກນັ້ນ, ບັນດານັກສິລະປິນພາຍໃນປະເທດຄົ້ນຄ້ວາ ເພື່ອມີການປ່ຽນແປງໃໝ່ກ່ຽວກັບວິທີການຈັດຕັ້ງ, ຄຸ້ມຄອງ, ປະດິດຄິດສ້າງບັນດາຜົນງານທີ່ມີຄຸນນະພາບສິລະປະສູງ, ຕອບສະໜອງຄວາມຕ້ອງການໃນການຮັບຊົມໃຫ້ແກ່ປະຊາຊົນ.

ງານມະໂຫລານກາຍຍະສິນປີນີ້ ມີການເຂົ້າຮ່ວມຂອງບັນດາຫົວໜ່ວຍສະແດງສິລະປະກາຍຍະສິນດີເດັ່ນໃນທົ່ວປະເທດ ແລະ ສາກົນ ດ້ວຍລາຍການສະແດງທີ່ເປັນໜ້າສົນໃຈ 29 ລາຍການ. ສຳລັບຫົວໜ່ວຍສະແດງພາຍໃນປະເທດ ຈະມີບັນດາລາຍການສະແດງທີ່ພົ້ນເດັ່ນຂອງໂຮງລະຄອນສະແດງສິລະປະ ເຟືອງນາມ, ສະຫະພັນສະແດງກາຍຍະສິນ ຫວຽດນາມ, ໂຮງລະຄອນ ສິລະປະກາຍຍະສິນ ແລະ ກາຍຍະກຳ ຮ່າໂນ້ຍ, ໂຮງຮຽນ ສິລະປະກາຍຍະສິນ ແລະ ກາຍຍະກຳ ຊັ້ນກາງ ຫວຽດນາມ. ກ່ຽວກັບຫົວໜ່ວຍຕ່າງປະເທດລວມມີ 5 ຫົວໜ່ວຍຄື ການາດາ, ເບລາຣຸດ, ສປປ.ລາວ, ລາຊະອານາຈັກ ກຳປູເຈຍ ແລະ ເອຢິບ.

ງານມະໂຫລານກາຍຍະສິນສາກົນ ໄດ້ຈັດຕັ້ງຫຼາຍຄັ້ງຢູ່ ຫວຽດນາມ ແລະ ສ້າງເຄື່ອງໝາຍສະເພາະ ດຶງດູດຄວາມສົນໃຈພິເສດຂອງມະຫາຊົນ. ນີ້ກໍ່ແມ່ນໂອກາດທີ່ດີເພື່ອໃຫ້ນັກສິລະປິນບັນດາປະເທດແລກປ່ຽນ, ຮ່ຳຮຽນບົດຮຽນປະສົບການ ກ່ຽວກັບວິທີການປະດິດສ້າງ ແນໃສ່ສ້າງສິລະປິນກາຍຍະສິນໃຫ້ນັບມື້ນັບພັດທະນາ. ພ້ອມທັງນີ້ກໍ່ແມ່ນການເຄື່ອນໄຫວທາງດ້ານວັດທະນະທຳທີ່ມີຄວາມໝາຍ, ປະກອບສ່ວນເພີ່ມທະວີນ້ຳໃຈສາມັກຄີ, ການຮ່ວມມືມິດຕະພາບ, ປະກອບສ່ວນສຳຄັນເຂົ້າໃນການໂຄສະນາພາບພົດຫວຽດນາມ ທີ່ສວຍງາມ, ຮັກແພງແຂກຄົນ ໄປຍັງເພື່ອນມິດສາກົນ.

ບຸນຄົງ