ເຂົ້າຮ່ວມງານຄ່ຳຄືນດົນຕີ ມີທ່ານຮອງລັດຖະມົນຕີຜູ້ປະຈຳການກະຊວງການຕ່າງປະເທດ ຫງວຽນມີງວູ, ທ່ານຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຕະກ່ວາງດົງ, ທ່ານເອກອັກຄະລັດຖະທູດ ອິນເດຍ ປະຈຳ ຫວຽດນາມ Sandeep Arya, ຮອງປະທານຜຄ້ປະຈຳການສະພາບໍລິຫານ ສະມາຄົມພຸດທະສາສະໜາຫວຽດນາມ ພະອາຈານ ຖິກແທັງຍຽວ, ປະທານສະພາທິດສະດີ, ວິເຄາະວັນນະຄະດີ, ສິລະປະສູນກາງ, ທ່ານ ຫງວຽນເທກີ; ຕາງໜ້າບັນດາກະຊວງ, ອົງການ, ເອກອັກຄະລັດຖະທູດ, ຄະນະຜູ້ແທນການທູດ, ສື່ມວນຊົນ, ນັກສິລະປິນຫວຽດນາມ, ນັກສຶກສາບັນດາມະຫາວິທະຍາໄລ ແລະ ແຂກຮັບເຊີນອື່ນໆ.
 |
| ບັນດາສີສັນຂອງຄ່ຳຄືນດົນຕີອິນເດຍ ຢູ່ ຫວຽດນາມ. |
ເຫດການນີ້ຍັງເປັນການປະກອບສ່ວນ ເພື່ອສະເຫຼີມສະຫຼອງ 75 ປີແຫ່ງວັນປະກາດເອກະລາດຂອງອິນເດຍ, ເຊິ່ງຍັງໄດ້ເອີ້ນວ່າ “Azadi ka Amrit Mahotsav”.
ຜ່ານການສະແດງດົນຕີທີ່ແກ່ຍາວເປັນເວລາກວ່າ 1 ຊົ່ວໂມງ, ແຂກຮັບເຊີນ ໄດ້ຜ່ານພຶດຕິກຳຕົວຈິງ ບັນດາສີສັນຂອງດົນຕີອິນເດຍ ທີ່ນັບແຕ່ດົນຕີພື້ນເມືອງ ຮອດ fusion ແລະ ເຄື່ອງດົນຕີຂອງອິນເດຍຫຼາຍຊະນິດ. ພິເສດ, ການສະແດງບົດເພງທີ່ມີຊື່ສຽງ “ລະນຶກເຖິງລະດູໃບໄມ້ຫຼົ່ນຢູ່ຮ່າໂນ້ຍ” ຂອງຫວຽດນາມ ໄດ້ດຶງດູດໃຈຜູ້ຊົມທີ່ສຸດ.
ນອກຈາກການສະແດງທີ່ປະທັບໃຈຢູ່ໂຮງລະຄອນໃຫຍ່ຮ່າໂນ້ຍ, ວົງດົນຕີຍັງໄດ້ດຳເນີນການໂອ້ລົມ ສົນທະນາຢູ່ສູນວັດທະນະທຳ Swami Vivekananda ຂອງສະຖານທູດອິນເດຍ ປະຈຳຮ່າໂນ້ຍ ແລະ ໄດ້ສະແດງສິລະປະວັນນະຄະດີ ຢູ່ລາຍການທີ່ຈັດຕັ້ງໂດຍປະຊາຄົມຊາວຫວຽດນາມ ຢູ່ອິນເດຍ.
ການທຳການສະແດງຂອງ ວົງດົນຕີ Indian Ocean ແມ່ນໄດ້ຮັບການສະໜັບສະໜູນ ແລະ ສົ່ງເສີມໂດຍສະພາການພົວພັນວັດທະນະທຳອິນເດຍ ທີ່ນະຄອນນິວເດລີ.
ຄຳຮຸ່ງ
