| ພິທີໄຂງານມະໂຫລານມິດຕະພາບລາວ-ຫວຽດນາມ ຄັ້ງທີ V | |
| ຊາຍແດນລາວ - ຫວຽດນາມ: ສັນຕິພາບ, ການຮ່ວມມື ແລະ ການພັດທະນາ |
ເຂົ້າຮ່ວມກອງປະຊຸມມີທ່ານ ເລຕຽນເຈົາ, ກຳມະການສູນກາງພັກກອມມູນິດຫວຽດນາມ, ຮອງປະທານ-ເລຂາທິການຄະນະບໍລິຫານງານສູນກາງແນວໂຮມປະເທດຊາດຫວຽດນາມ; ຜູ້ຕາງໜ້າບັນດາການນຳສະຫະພັນບັນດາອົງການມິດຕະພາບ ຫວຽດນາມ; ກອງບັນຊາການທະຫານຊາຍແດນ ຫວຽດນາມ; ສະມາຄົມມິດຕະພາບ ຫວຽດນາມ-ລາວ; ທ່ານປະທານ - ຮອງປະທານຄະນະກຳມະການແນວໂຮມປະເທດຊາດ ຂອງ 10 ແຂວງເຂດຊາຍແດນຕິດກັບລາວ ແລະ ບັນດາການນຳບັນດາຄະນະ, ຫົວໜ່ວຍກຳມະການສູນກາງແນວໂຮມປະເທດຊາດຫວຽດນາມ.
 |
ພິທີເປີດກອງປະຊຸມສາກົນກໍ່ສ້າງເສັ້ນຊາຍແດນລະຫວ່າງ ລາວ-ຫວຽດນາມ ເພື່ອສັນຕິພາບ, ມິດຕະພາບ ແລະ ການຮ່ວມມືພັດທະນາໃນປີ 2022. |
ຝ່າຍລາວ, ມີທ່ານ ຄຳເຜີຍ ບຸດດາວຽງ, ກໍາມະການສູນກາງພັກປະຊາຊົນ ປະຕິວັດລາວ, ຮອງປະທານຜູ້ປະຈຳການສູນກາງແນວລາວສ້າງຊາດ; ທ່ານ ຈັນເພັງ ສຸທິວົງ, ຮອງປະທານສູນກາງແນວລາວສ້າງຊາດ; ການນຳຄະນະພັກແຂວງ ແລະ ອຳນາດການປົກຄອງ ແຂວງສະຫວັນນະເຂດ; ຄະນະກຳມະການຊາຍແດນແຫ່ງຊາດ, ກະຊວງການຕ່າງປະເທດ; ກອງບັນຊາການທະຫານຊາຍແດນ; ປະທານແນວລາວສ້າງຊາດ ຂອງ 10 ແຂວງທີ່ມີຊາຍແດນຕິດກັບຫວຽດນາມ ແລະ ການນຳບັນດາຄະນະ, ຫົວໜ່ວຍຂອງອົງການສູນກາງແນວລາວສ້າງຊາດ.
ທີ່ກອງປະຊຸມ, ທ່ານ ຄຳເຜີຍ ບຸດດາວຽງ, ກຳມະການສູນກາງພັກປະຊາຊົນ ປະຕິວັດລາວ, ຮອງປະທານຜູ້ປະຈຳການສູນກາງແນວລາວສ້າງຊາດ ໄດ້ຂຶ້ນກ່າວປາໄສເປີດກອງປະຊຸມ.
 |
| ທ່ານ ຄຳເຜີຍ ບຸດດາວຽງ, ກໍາມະການສູນກາງພັກປະຊາຊົນ ປະຕິວັດລາວ, ຮອງປະທານຜູ້ປະຈຳການສູນກາງແນວລາວສ້າງຊາດ |
ຫລັງຈາກກ່າວຄຳປາໄສຂ່ຳນັບຮັບຕ້ອນ ຂອງທ່ານສັນຕິພາບ ພົມວິຫານ - ກໍາມະການສູນກາງພັກ ປະຊາຊົນປະຕິວັດລາວ, ເລຂາພັກແຂວງ, ເຈົ້າແຂວງສະຫວັນນະເຂດ, ກອງປະຊຸມ ໄດ້ຮັບຟັງການລາຍງານຜົນການຈັດຕັ້ງປະຕິບັດຖະແຫລງການຮ່ວມຂອງກອງປະຊຸມກໍ່ສ້າງເສັ້ນຊາຍແດນມິດຕະພາບລາວ - ຫວຽດນາມ ຄັ້ງທີ 6 (ໄລຍະ 2017 - 2022) ລະຫວ່າງສອງອົງການສູນກາງແນວໂຮມປະເທດຊາດ ແລະ ການປະກອບຄຳເຫັນຂອງບັນດາແຂວງທີ່ມີເສັ້ນຊາຍແດນຮ່ວມ ຫວຽດນາມ - ລາວ.
ຄຳຮຸ່ງ
