 |
(ພາບປະກອບ)
ເຖິງບັນດາປະຊາຊົນກຳປູເຈຍ ຕ້ອນຮັບປີໃໝ່ໃນເດືອນ ເມສາ ກໍ່ຕາມ, ແຕ່ປະຊາຄົມຊາວຈີນ ແລະ ຊາວບັນດາປະເທດຢູ່ອາຊີ ອື່ນພວມດຳລົງຊີວິດຢູ່ກຳປູເຈຍ ຍັງຈັດພິທີຕ້ອນຮັບບຸນເຕັດຢ່າງເບີກບານມ່ວນຊື່ນ. ຄຸ້ມຖະໜົນຊາວຈີນ ຢູ່ນະຄອນຫຼວງ ມານີລາ, ປະເທດຟີລິບປີນ ຫຼື ຢູ່ບັນດາເຂດຊາວອາຊີດຳລົງຊີວິດເປັນຈຳນວນຫຼວງຫຼາຍຄືຢູ່ປະເທດ ການາດາ, ອັງກິດ, ຝລັ່ງ, ແຟງລັງ… ກໍ່ໄດ້ຈັດພິທີຕ້ອນຮັບບຸນເຕັດຢ່າງເບີດບານມ່ວນຊື່ນເຊັ່ນດຽວກັນ. ຢູ່ຮ່າໂນ້ຍ, ຝັນຕົກໜັກຍ້ອນຜົນສະທ້ອນຈາກອາກາດໜາວຂຶ້ນໃນ ຈຸດເວລາສົ່ງທ້າຍປີເກົ່າຕ້ອນຮັບປີໃໝ່ປີຊວດ 2020 ແຕ່ກໍບໍ່ສາມາດຫຼຸດຜ່ອນບັນຍາກາດເບີກບານມ່ວນຊື່ນຂອງຊາວນະຄອນຫຼວງຮ່າໂນ້ຍເມື່ອຕ້ອນຮັບປີໃໝ່ດ້ວຍຄວາມຫວັງຫຼາຍຢ່າງ.
 |
ຊາວຮ່າໂນ້ຍຫຼາຍຄົນຂໍຕົວໜັງສືຍາມຕົ້ນປີໃໝ່. (ພາບ: VOV)
ຕອນເຊົ້າວັນທີ 26 ມັງກອນ (ກົງກັບວັນທີ 2 ບຸນເຕັດ), ຊາວຮ່າໂນ້ຍນັບພັນໆຄົນ ໄດ້ໄປຍັງເຂດປູຊະນີຍະສະຖານ ວັນມ໊ຽວ - ກ໊ວກຕືຢ໊າມ ເພື່ອຂໍຕົວໜັງສືຍາມຕົ້ນປີໃໝ່. ງານບຸນໃຫ້ຕົວໜັງສືບຸນເຕັດປີຊວດ 2020 ຈະດຳເນີນຮອດວັນທີ 05 ກຸມພາ (ກົງກັບວັນທີ 12 ເດືອນຈ່ຽງໄລ່ຕາມຈັນທະປະຕິທິນ). ນອກນັ້ນຢູ່ເຂດນີ້ຍັງມີງານວາງສະແດງ, ການເຄື່ອນໄຫວແນະນຳກ່ຽວກັບມູນເຊື້ອມັກຮ່ຳຮັກຮຽນ ແລະ ສີສັນວັດທະນະທຳຂອງຊາດອີກດ້ວຍ.
ຕອນເຊົ້າວັນທີ 26 ມັງກອນ (ກົງກັບວັນທີ 2 ບຸນເຕັດ), ປະຊາຊົນນະຄອນໂຮ່ຈີມິນ ໄດ້ໄປທ່ຽວຊົມໃນໂອກາດບຸນເຕັດຢູ່ເຂດໃຈກາງຂອງນະຄອນແຫ່ງຕ່າງໆຄື: ຖະໜົນດອກໄມ້, ງານບຸນດອກໄມ້ລະດູບານໃໝ່, ບັນດາສູນການຄ້າໃຫຍ່.
（ໄຊພອນ）
