| ຫວຽດນາມ ແລະ ຍີ່ປຸ່ນ ຍູ້ແຮງການຮ່ວມມືດ້ານຮູບເງົາ | |
| ຄະນະຊາວໜຸ່ມກອມມູນິດ ໂຮ່ຈີມິນ ຕ້ອນຮັບ 2 ຄອບຄົວອະດີດພະນັກງານສູນກາງຄະນະຊາວໜຸ່ມປະຊາຊົນປະຕິວັດ ລາວ |
 |
| ບັນຍາກາດທີ່ການເຮັດວຽກ. ພາບ: qdnd.vn |
ກ່າວຄຳເຫັນທີ່ການພົບປະ, ທ່ານພົນໂທ ຫງວຽນວັນຣິງ, ປະທານ VAVA ໄດ້ສະແດງຄວາມຂອບອົກຂອບໃຈ ແລະຕີລາຄາສູງການປະກອບສ່ວນຂອງທ່ານ Tim Rieser ໃນການຊຸກຍູ້ບັນດາໂຄງການຮ່ວມມືແກ້ໄຂຜົນຮ້າຍຢ້ອນຫຼັງຈາກສົງຄາມລະຫວ່າງລັດຖະບານສອງປະເທດ, ປະກອບສ່ວນເຮັດໃຫ້ການຮ່ວມມືແກ້ໄຂຜົນຮ້າຍຢ້ອນຫຼັງຈາກສົງຄາມກາຍເປັນຈຸດເດັ່ນໃນການພົວພັນຫວຽດນາມ - ອາເມລິກາ; ສະແດງຄວາມປາດຖະໜາວ່າ ທ່ານ Tim Rieser ຈະສືບຕໍ່ຂົນຂວາຍ, ຊຸກຍູ້ລັດຖະບານ ແລະສະພາແຫ່ງຊາດອາເມລິກາ ເອົາໃຈໃສ່ ແລະສະຫງວນແຫຼ່ງກຳລັງ ແລະງົບປະມານໃຫ້ບັນດາໂຄງການຮ່ວມມືແກ້ໄຂຜົນຮ້າຍຢ້ອນຫຼັງຈາກສົງຄາມຢູ່ຫວຽດນາມ, ໃຫ້ຜູ້ປະສົບເຄາະຮ້າຍຈາກທາດພິດສີສົ້ມ.
ເພື່ອໃຫ້ການໜູນຊ່ວຍຂອງລັດຖະບານ ອາເມລິກາ ມີປະສິດທິຜົນກວ່າອີກ, ທ່ານປະທານ VAVA ໄດ້ສະເໜີບາງມາດຕະການ, ໃນນັ້ນຢັ້ງຢືນວ່າ ຝ່າຍ ອາເມລິກາ ຕ້ອງມີໂຄງການໜູນຊ່ວຍໄລຍະຍາວທີ່ມີລັກສະນະກວມລວມຕໍ່ຜູ້ປະສົບເຄາະຮ້າຍຈາກທາດພິດສີສົ້ມຢູ່ຫວຽດນາມ. ການຊ່ວຍເຫຼືອຂອງອາເມລິກາ ຄວນເປີດກວ້າງຢູ່ຫຼາຍແຂວງ, ນະຄອນຂອງຫວຽດນາມ ແລະຄວນບຸລິມະສິດຮູບແບບຊ່ວຍເຫຼືອໂດຍກົງໃຫ້ແກ່ຄອບຄົວຜູ້ປະສົບເຄາະຮ້າຍ.
ເນື່ອງໃນໂອກາດນີ້, ທ່ານພົນໂທ ຫງວຽນວັນຣິງ ໄດ້ມອບຫຼຽນກາລະນຶກ “ເພື່ອຜູ້ປະສົບເຄາະຮ້າຍຈາກທາດພິດສີສົ້ມ” ໃຫ້ທ່ານ Tim Rieser ເພື່ອແນໃສ່ຮັບຮູ້ການປະກອບສ່ວນຂອງທ່ານຕໍ່ຜູ້ປະສົບເຄາະຮ້າຍຈາກທາດພິດສີສົ້ມຂອງຫວຽດນາມ.
la.qdnd.vn
