 |
| ທ່ານນາງ ຫງວຽນເຟືອງງາ ປະທານສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ຕ້ອນຮັບ ພະມະຫາອາຈານ ທິກດຶກຕວັນ, ເຈົ້າອະທິການວັດ ຟາບເວືອງ (ລັດ California, ອາເມລິກາ) |
ທີ່ການຕ້ອນຮັບ, ທ່ານນາງ ຫງວຽນເຟືອງງາ ໄດ້ແນະນຳສັງລວມກ່ຽວກັບບັນດາການເຄື່ອນໄຫວຈຸດສຸມຂອງສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ແລະ ບັນດາອົງການຈັດຕັ້ງສະມາຊິກ, ທ່ານນາງເນັ້ນໜັກເຖິງບົດບາດໃນວຽກງານການທູດປະຊາຊົນໃນການເພີ່ມທະວີນ້ຳໃຈສາມັກຄີ, ນ້ຳໃຈມິດຕະພາບ, ການຮ່ວມມືກັບ ປະຊາຊົນບັນດາປະເທດ, ຮັກສາສະພາບແວດລ້ອມແຫ່ງສັນຕິພາບ, ລະດົມບັນດາແຫຼ່ງກຳລັງພາຍນອກເພື່ອພັດທະນາປະເທດຊາດ, ຍົກສູງທີ່ຕັ້ງບົດບາດ ແລະ ອິດທິພົນຊື່ສຽງຂອງ ຫວຽດນາມ. ທ່ານນາງ ໄດ້ຕີລາຄາສູງບົດບາດເປັນເຈົ້າການ, ຕັ້ງໜ້າເຂົ້າໃນບັນດາການປະກອບສ່ວນຂອງສະມາຄົມພຸດທະສາສະໜາ ຫວຽດນາມ ໃນການເພີ່ມທະວີ, ປັບປຸງນ້ຳໃຈມິດຕະພາບລະຫວ່າງປະຊາຊົນ ຫວຽດນາມ ແລະ ປະຊາຊົນບັນດາປະເທດ.
 |
 |
 |
| ພະມະຫາອາຈານ ທິກດຶກຕວັນ, ເຈົ້າອະທິການວັດ ຟາບເວືອງ |
 |
| ວັດ ຝາບເວື່ອງ ໄດ້ຢ້ຽມຢາມ, ມອບຂອງຂວັນໃຫ້ຍາດຕິພີ່ນ້ອງ ເວີນກຽວ ຢູ່ເມືອງ ກວາງນິງ, ແຂວງ ກວາງບິ່ງ ພາຍຫຼັງພາຍຸລົມແດງເລກ 10 ໃນເດືອນ ຕຸລາ 2017. |
ຕາມພະມະຫາອາຈານ ທິກດຶກຕວັນ ແລ້ວ, ປັດຈຸບັນ ມີຊາວເຊື້ອຊາດ ຫວຽດນາມ ປະມານ 2 ລ້ານຄົນ ພວມດຳລົງຊີວິດຢູ່ລັດ California (ອາເມລິກາ). ມີຫຼາຍຊ່ອງທາງໂທລະພາບທີ່ນຳສະເໜີຂໍ້ມູນກ່ຽວກັບ ຫວຽດນາມ ທີ່ເຮັດໃນແງ່ມູມດ້ານດຽວ, ດັ່ງນັ້ນຖ້າສ້າງ ຊ່ອງທາງຫວຽດນາມ ໃນລະບົບຊ່ອງໂທລະພາບທາງການຂອງ ອາເມລິກາ ໄດ້ ກໍຈະປະກອບສ່ວນຂໍ້ມູນບັນດາແຜນນະໂຍບາຍ, ນະໂຍບາຍຂອງພັກ, ລັດ ແລະ ສະພາບການພາຍໃນປະເທດໄປສູ່ຊາວຫວຽດນາມ ອາໄສຢູ່ຕ່າງປະເທດ ຢ່າງຄົບຖ້ວນ, ທັນການ, ຮອບດ້ານ. ທ່ານພະມະຫາອາຈານ ທິກດຶກຕວັນ ໃຫ້ຮູ້ວ່າ ພ້ອມແລ້ວທີ່ຈະເປັນຂົວເຊື່ອມຕໍ່ພໍ່ແມ່ປະຊາຊົນ, ພຸດທະສາສະນິກກະຊົນພາຍໃນປະເທດກັບຊາວຫວຽດນາມອາໄສຢູ່ອາເມລິກາ, ປະກອບສ່ວນເຫື່ອແຮງຂອງຕົນເຂົ້າໃນການແນະນຳພາບພົດ, ຊາວຫວຽດນາມ, ວັດທະນະທຳ, ມູນເຊື້ອປະຫວັດສາດ, ວັດທະນະທຳ, ພຸດທະສາສະໜາ ຫວຽດນາມ ໄປສູ່ເພື່ອນມິດ, ພະສົງສາກົນ, ລະດົມພຸດທະສາສະນິກກະຊົນ ຫວຽດນາມ ຢູ່ຕ່າງປະເທດຮ່ວມແຮງຮ່ວມໃຈສ້າງສາບ້ານເກີດເມືອງນອນ, ປະເທດຊາດ.
ບຸນຄົງ
