ຫວ່າງແລ້ວນີ້, ທີ່ການຕ້ອນຮັບ ທ່ານ ສຸພັນ ຫາດາວເຮືອງ, ຫົວໜ້າສະຖານກົງສູນໃຫຍ່ລາວ ປະຈໍາ ດ່ານັ້ງ ຄົນໃໝ່, ເນື່ອງໃນໂອກາດມາຮັບໜ້າທີ່ ໃໝ່. ທ່ານ ສຸພັນ ຫາດາວເຮືອງ ເນັ້ນໜັກວ່າ ທ່ານຈະສືບຕໍ່ຮັກສາ, ເພີ່ມພູນຄູນສ້າງ ແລະ ເສີມຂະຫຍາຍການພົວພັນມິດຕະພາບທີ່ເປັນມູນເຊື້ອອັນດີງາມ ລະຫວ່າງແຂວງ ເທື່ອທຽນເຫວ້ ກັບບັນດາທ້ອງຖິ່ນຂອງລາວ ໃຫ້ນັບມື້ນັບພັດທະນາ.
 |
| ບັນຍາກາດທີ່ການຕ້ອນຮັບ. |
ທີ່ການຕ້ອນຮັບ, ທ່ານ ຫງວຽນວັນເຟືອງ, ຮອງເລຂາພັກແຂວງ, ປະທານ ຄະນະກຳມະການປະຊາຊົນແຂວງເທື່ອທຽນເຫວ້ ໄດ້ສະແດງຊົມເຊີຍ ທ່ານ ສຸພັນ ຫາດາວເຮືອງ ມາຮັບໜ້າທີ່ໃໝ່; ພ້ອມທັງສະແດງຄວາມເຊື່ອໝັ້ນວ່າ ທ່ານ ສຸພັນ ຫາດາວເຮືອງ ຈະປະຕິບັດສຳເລັດໜ້າທີ່ໃນອາຍຸການຂອງຕົນ. ຜ່ານນັ້ນ, ກໍ່ສືບຕໍ່ຊຸກຍູ້, ພັດທະນາສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ-ລາວ ກໍ່ຄືການຮ່ວມມືລະຫວ່າງແຂວງເທື່ອທຽນເຫວ້ ກັບບັນດາທ້ອງຖິ່ນຂອງລາວ.
 |
| ທ່ານ ສຸພັນ ຫາດາວເຮືອງ ຫົວໜ້າສະຖານກົງສູນໃຫຍ່ລາວ ປະຈໍາ ດ່ານັ້ງ ເຂົ້າຢ້ຽມຂໍ່ານັບການນໍາແຂວງເທື່ອທຽນເຫວ້ ເນື່ອງໃນໂອກາດມາຮັບໜ້າທີ່ໃໝ່. |
ທ່ານ ຫງວຽນວັນເຟືອງ ກໍ່ສະເໜີທ່ານ ສຸພັນ ຫາດາວເຮືອງ ສືບຕໍ່ຮັກສາ ແລະ ເພີ່ມທະວີສາຍພົວພັນຮ່ວມມື ແລະ ສົມທົບກັນຢ່າງແໜ້ນແຟ້ນກັບແຂວງເທື່ອທຽນເຫວ້ ແນໃສ່ໜູນຊ່ວຍທ້ອງຖິ່ນຢ່າງຕັ້ງໜ້າ ແລະ ມີປະສິດທິຜົນໃນການຜັນຂະຫຍາຍການກໍານົດທິດສືບຕໍ່ເພີ່ມທະວີການຮ່ວມມືດ້ານການເມືອງ, ການທູດ, ຍົກສູງປະສິດທິຜົນການພົວພັນຮ່ວມມືໃນທຸກຂົງເຂດ...
ສ່ວນທ່ານ ສຸພັນ ຫາດາວເຮືອງ ກໍ່ສະແດງຄວາມຂອບໃຈຕໍ່ຄວາມເອົາໃຈໃສ່ ແລະ ອາລົມຈິດອັນດີງາມຂອງພັກ, ລັດ ແລະ ປະຊາຊົນຫວຽດນາມ, ໃນນັ້ນ, ແຂວງເທື່ອທຽນເຫວ້ ໄດ້ສະຫງວນຫຼາຍອາລົມຈິດ, ຊ່ວຍເຫຼືອໃຫ້ບັນດາທ້ອງຖິ່ນຂອງລາວ ແລະ ສ້າງເງື່ອນໄຂສະດວກໃຫ້ພົນລະເມືອງລາວ ຮໍ່າຮຽນ ແລະ ດໍາລົງຊີວິດ. ທ່ານ ສຸພັນ ຫາດາວເຮືອງ ເນັ້ນໜັກວ່າ: “ໃນຖານະຕຳແໜ່ງໃໝ່ຂອງຕົນ, ທ່ານຈະສືບຕໍ່ຮັກສາ, ເພີ່ມພູນຄູນສ້າງ ແລະ ເສີມຂະຫຍາຍການພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງແຂວງ ເທື່ອທຽນເຫວ້ ກັບບັນດາທ້ອງຖິ່ນຂອງລາວ ໃຫ້ນັບມື້ນັບພັດທະນາສວຍສົດງົດງາມ, ໝັ້ນຄົງຂະໜົງແກ່ນໄປຊົ່ວກາລະນານ".
ບູນມີ
