ໂດຍໄດ້ຮັບຄຳເຊື້ອເຊີນຂອງທ່ານເລຂາທິການໃຫຍ່ ສປຊ , ວັນທີ 22 ກັນຍາ ປີ 2021, ທ່ານນາຍົກລັດຖະມົນຕີ ຟ້າມມິງຈິງ ໄດ້ສົ່ງສານສຳຄັນໄປຍັງກອງ ປະຊຸມວົງແຄບຂັ້ນສູງກ່ຽວກັບການປ່ຽນແປງຂອງດິນຟ້າອາກາດ ທີ່ໄດ້ຈັດຂຶ້ນ ຢູ່ສຳນັກງານໃຫຍ່ຂອງ ສປຊ ຢູ່ນິວຢອກ ປະເທດ ອາເມລິກາ.
 |
| ພາບປະກອບ: TTXVN |
ກອງປະຊຸມເພື່ອແນໃສ່ເຫັນດີເປັນເອກະພາບຄວາມຮັບຮູ້ ແລະ ຊຸກຍູ້ຄຳໝັ້ນ ສັນຍາດ້ານການເມືອງຢ່າງແຮງດ້ານການເງິນກ່ຽວກັບດິນຟ້າອາກາດ, ຫຼຸດຜ່ອນ ການປ່ອຍອາຍພິດເຮືອນແກ້ວ, ຫັນປ່ຽນພະລັງງານ, ມຸ່ງໄປເຖິງກອງປະຊຸມ ຄັ້ງທີ 27 ຂອງບັນດາຝ່າຍ ເຂົ້າຮ່ວມສົນທິສັນຍາແມ່ ສປຊ ກ່ຽວກັບ ການປ່ຽນແປງຂອງດິນຟ້າອາກາດ (COP 27) ທີ່ຈະດຳເນີນໃນເດືອນພະຈິກ ປີ 2022 ຢູ່ນະຄອນ Sharm el-Sheikh, ປະເທດ ເອຢິບ.
ໃນບົດກ່າວປາໄສ, ທ່ານນາຍົກລັດຖະມົນຕີ ຟ້າມມິງຈິ໊ງ ເນັ້ນໜັກວ່າ ຫວຽດນາມ ໄດ້ ແລະ ພວມປະຕິບັດສຳເລັດບັນດາເປົ້າໝາຍພັດທະນາ ສະຫັດສະວັດ, ຕັ້ງໜ້າຜັນຂະຫຍາຍບັນດາເປົ້າໝາຍພັດທະນາແບບຍືນຍົງ, ພ້ອມທັງຮັບປະກັນປະຕິບັດສຳເລັດບົດບາດຢູ່ບັນດາອົງການຕ່າງໆຂອງ ສປຊ. ທ່ານກ່າວວ່າ: ດ້ວຍຄວາມຕັດສິນໃຈສູງ ແລະ ຄວາມມານະພະຍາຍາມ ຢ່າງຫຼວງຫຼາຍຂອງປະຊາຄົມສາກົນ, ເປັນຕົ້ນແມ່ນບັນດາຄູ່ຮ່ວມມືພັດທະນາ, ຂ້າພະເຈົ້າ ເຊື່ອໝັ້ນວ່າ ພາລະກິດການຮັບມື ແລະ ຍົກສູງຄວາມສາມາດໃນການຮັບມືກັບການປ່ຽນແປງຂອງດິນຟ້າອາກາດ ຈະນັມມື້ນັບມີປະສິດທິຜົນທີ່ຈະແຈ້ງ. ສິ່ງນີ້ບໍ່ພຽງແຕ່ມີຄວາມໝາຍສຳຄັນຕໍ່ຫວຽດນາມ ເທົ່ານັ້ນ, ຫາກຍັງສ້າງ ຄວາມໄວ້ເນື້ອເຊື່ອໃຈ, ແຜ່ຂະຫຍາຍ, ເພີ່ມທະວີຄວາມສາມັກຄີ, ການຮ່ວມມື ໃນທົ່ວໂລກກ່ຽວກັບການຮັບມືກັບການປ່ຽນແປງຂອງດິນຟ້າອາກາດ, ປະກອບສ່ວນເຂົ້າໃນການປົກປັກຮັກສາໜ່ວຍໂລກຂອງພວກເຮົາ ໃຫ້ປອດໄພ, ໝັ້ນຄົງກ່ວາອີກ.
ບູນມີ
