 |
| ພາບປະກອບ: (ພາບ: TTXVN) |
ໂດຍການຕີລາຄາໝາກຜົນການພັດທະນາ, ການຮັບປະກັນສິດທິມະນຸດ, ບົດບາດຂອງຫວຽດນາມ, ທ່ານ ປ.ອ ຫງວຽນຮົ່ງຫາຍ, ນັກຄົ້ນຄວ້າສູນອະນາຄົດນະໂຍບາຍ, ມະຫາວິທະຍາໄລ Queensland (ອົດສະຕາລີ) ໄດ້ຢ້ຳຄືນຄຳເວົ້າຂອງທ່ານເລຂາທິການໃຫຍ່ ຫງວຽນຟູ໋ຈ້ອງ ວ່າ “ປະເທດພວກເຮົາ ຍັງບໍ່ເຄີຍມີເວລາໃດທີ່ມີໂອກາດ, ຄວາມສາມາດບົ່ມຊ້ອນ, ທີ່ຕັ້ງ ແລະ ອິດທິພົນຊື່ສຽງໃນສາກົນຄືປະຈຸບັນ”. ທ່ານ ປ.ອ ຫງວຽນຮົ່ງຫາຍ ເນັ້ນໜັກວ່າ: ປະໂຫຍກນີ້ໄດ້ສັງລວມການພັດທະນາຮອບດ້ານຂອງຫວຽດນາມ ພາຍຫຼັງ 35 ປີແຫ່ງການຜັນຂະຫຍາຍປະຕິບັດພາລະກິດແຫ່ງການປ່ຽນແປງໃໝ່, ນັບແຕ່ດ້ານເສດຖະກິດຕະຫຼອດຮອດການປ້ອງກັນຊາດ - ປ້ອງກັນຄວາມສະຫງົບ ແລະ ການຕ່າງປະເທດ.
ເມື່ອແລກປ່ຽນກັບນັກຂ່າວສຳນັກຂ່າວສານຫວຽດນາມ ປະຈຳ ອົດສະຕາລີ, ທ່ານ ປ.ອ ຫງວຽນຮົ່ງຫາຍ ຢືນຢັນວ່າ ທີ່ຕັ້ງ ແລະ ອິດທິພົນຊື່ສຽງຂອງຫວຽດນາມ ມີໄດ້ຄືໃນປະຈຸບັນແມ່ນຍ້ອນການປະກອບສ່ວນຂອງ ຫວຽດນາມ ໃນເວທີສາກົນ, ໃນນັ້ນ ມີການເຂົ້າຮ່ວມຂອງກຳລັງຮັກສາສັນຕິພາບສະຫະປະຊາຊາດ (ສປຊ). ເພາະສະນັ້ນ ການເຂົ້າຮ່ວມຂອງ ຫວຽດນາມ ເກີດຈາກສະຕິຄວາມຮັບຜິດຊອບ, ແຕ່ບໍ່ແມ່ນພັນທະ, ດັ່ງນັ້ນ ຫວຽດນາມ ຈິ່ງຍາດໄດ້ຄວາມໄວ້ເນື້ອເຊື່ອໃຈຈາກ ສປຊ, ບັນດາຄູ່ຮ່ວມມື ແລະ ປະເທດປະຈຳຖິ່ນທີ່ກຳລັງຮັກສາສັນຕິພາບຂອງ ຫວຽດນາມ ມີໜ້າ. ຕາມທ່ານແລ້ວ, ບໍ່ແມ່ນປະເທດໃດ, ກຳລັງຮັກສາສັນຕິພາບຂອງປະເທດໃດ ກໍລ້ວນແຕ່ໄດ້ຮັບຄວາມໄວ້ເນື້ອເຊື່ອໃຈຄືດັ່ງກ່າວ.
 |
 |
ເຕື້ອງເຖິງຄວາມມານະພະຍາຍາມ ແລະ ການປະກອບສ່ວນຂອງຫວຽດນາມ ໃນການຮັບປະກັນສິດທິມະນຸດ, ທ່ານ ປ.ອ ຫງວຽນຮົ່ງຫາຍ ເນັ້ນໜັກວ່າ ຫວຽດນາມ ແມ່ນໜຶ່ງໃນບັນດາປະເທດນຳໜ້າເຂົ້າຮ່ວມຫຼາຍສົນທິສັນຍາສາກົນກ່ຽວກັບສິດທິມະນຸດ, ໃນນັ້ນ ສຳລັບສົນທິສັນຍາວ່າດ້ວຍສິດທິເດັກ, ຫວຽດນາມ ແມ່ນປະເທດທຳອິດຢູ່ອາຊີ ແລະ ເປັນປະເທດທີສອງໃນພາກພື້ນອາຊີປາຊີຟິກ ທີ່ໄດ້ລົງນາມ ແລະ ໃຫ້ສັດຕະຍາບັນສົນທິສັນຍານີ້. ຫວຽດນາມ ກໍ່ໄດ້ເຂົ້າຮ່ວມ ແລະ ໃຫ້ສັດຕະຍາບັນສົນທິສັນຍາຕ້ານການຈຳແນກການປະພຶດສຳລັບແມ່ຍິງ ແລະ ສົນທິສັນຍາກ່ຽວກັບສິດທິຄົນພິການ. ພາຍຫຼັງໄດ້ເຂົ້າຮ່ວມ ແລະ ໃຫ້ສັດຕະຍາບັນບັນດາສົນທິສັນຍານີ້, ຫວຽດນາມ ໄດ້ເປັນເຈົ້າການ ແລະ ຕັ້ງໜ້າຜັນຂະຫຍາຍບັນດາຂໍ້ກຳນົດຂອງສົນທິສັນຍານີ້. ຍ້ອນເຫດນັ້ນ, ສາມາດເວົ້າໄດ້ວ່າ ກອບກົດໝາຍແຫ່ງຊາດຂອງຫວຽດນາມ ໃນການປົກປ້ອງສິດຂອງບັນດາກຸ່ມຜູ້ທີ່ອ່ອນແອແມ່ນໄດ້ດັດປັບໃຫ້ສົມບູນແບບກວ່າ ແລະ ເໝະສົມກັບບັນດາມາດຖານສາກົນໃນການປົກປ້ອງສິດທິຂອງບັນດາກຸ່ມດັ່ງກ່າວ.
 |
ທ່ານປະທານປະເທດ ຫງວຽນຊວນຟຸກ ໄດ້ໄປຢ້ຽມຢາມສຳນັກງານອົງການສະຫະປະຊາຊາດ ຢູ່ Geneva ແລະ ພົບປະກັບທ່ານນາງ Tatiana Valovaya ຜູ້ອຳນວຍການໃຫຍ່ອົງການສະຫະປະຊາຊາດ. |
ທ່ານ ຫງວຽນຮົ່ງຫາຍ ໄດ້ໃຫ້ຂໍ້ສັງເກດວ່າ ການທີ່ເສດຖະກິດພັດທະນາໄດ້ປະກອບສ່ວນຢ່າງໃຫຍ່ຫຼວງເຂົ້າໃນບັນດາຜົນສຳເລັດຂອງຫວຽດນາມ ໃນການຫຼຸດຜ່ອນຄວາມທຸກຍາກ. ທ່ານໄດ້ອ້າງອີງໃສ່ຂໍ້ມູນຂອງກອງທຶນເງິນຕາສາກົນ (IMF) ໃນໄລຍະປີ 1993 – 2014 ໂດຍກ່າວວ່າ ຫວຽດນາມ ໄດ້ນຳປະຊາຊົນກ່ວາ 40 ລ້ານຄົນ, ໝາຍຄວາມວ່າປະມານເຄິ່ງໜຶ່ງຂອງປະຊາກອນທົ່ວປະເທດ ຫຼຸດພົ້ນອອກຈາກຄວາມທຸກຍາກ. ນັກຊ່ຽວຊານສາກົນຫຼາຍທ່ານໄດ້ຮັບຮູ້ການພັດທະນາເສດຖະກິດຢ່າງກະໂດດຂັ້ນຂອງ ຫວຽດນາມ ແລະ ຄາດວ່າ ຫວຽດນາມ ຈະກາຍເປັນເສືອ, ມັງກອນເສດຖະກິດຢູ່ອາຊີ.
ພາຍຫຼັງ 2 ປີທີ່ຖືກຜົນກະທົບຂອງໂລກລະບາດໂຄວິດ - 19 ດ້ວຍທິດນຳທີ່ວ່າ “ບໍ່ປະໃຫ້ຜູ້ໃດຖືກຕົກຢູ່ທາງຫຼັງ”, ລັດ ແລະ ລັດຖະບານຫວຽດນາມ ໄດ້ມານະພະຍາຍາມຮັບປະກັນສິດທິຂອງປະຊາຊົນເຊັ່ນ: ການກວດສຸຂະພາບໂດຍບໍ່ເສຍຄ່າ, ສັກຢາປ້ອງກັນພະຍາດ. ມີຫຼາຍບ້ວງເພື່ອສະໜັບສະໜູນທຸລະກິດ ແລະ ປະຊາຊົນທີ່ປະສົບກັບຄວາມຫຍຸ້ງຍາກ. ທ່ານ ປ.ອ ຫງວຽນຮົ່ງຫາຍ ຕີລາຄາວ່າ ນີ້ແມ່ນແຜນນະໂຍບາຍ ແລະ ນະໂຍບາຍທັງມີລັກສະນະມະນຸດສະທຳ, ເພື່ອປະຊາຊົນ ແລະ ກໍ່ທັງຄວາມພັດທະນາຂອງປະເທດຊາດ.
ດ້ວຍໝາກຜົນຂອງຂະບວນການສັກຢາປ້ອງກັນພະຍາດໂຄວິດ-19, ໝາກຜົນຂອງຫວຽດນາມໃນການຄວບຄຸມໂລກລະບາດເພື່ອໃຫ້ເສດຖະກິດຂອງປະເທດຊາດມີທ່າຟື້ນຟູຄືໃນປະຈຸບັນແມ່ນສິ່ງທີ່ໜ້າເອກອ້າງທະນົງໃຈ.
ທ່ານ ປ.ອ ຫງວຽນຮົ່ງຫາຍ ໃຫ້ຮູ້ວ່າ ໃນລະດັບສາກົນ, ການທີ່ຫວຽດນາມ ເຂົ້າຮ່ວມໃນກຳລັງຮັກສາສັນຕິພາບ ສປຊ ມີຄວາມໝາຍພິເສດ ເພາະວ່າ ຫວຽດນາມ ເຄີຍຕົກເປັນເຫຍື່ອຂອງສົງຄາມ, ແມ່ນປະເທດທີ່ສະແຫວງຫາສັນຕິພາບ, ປະຈຸບັນແມ່ນປະເທດປະກອບສ່ວນຊ່ວຍ ແລະ ສ້າງສັນຕິພາບໃຫ້ແກ່ບັນດາປະເທດທີ່ຖືກເຄາະຮ້າຍຈາກສົງຄາມ. ສິ່ງດັ່ງກ່າວສະແດງໃຫ້ເຫັນຄວາມຮັບຜິດຊອບຂອງຫວຽດນາມ.
ບຸນຄົງ
