ຕອນບ່າຍວັນທີ 10 ຕຸລາ, ຢູ່ກອງ 871 (ກົມໃຫຍ່ການເມືອງ), ຫ້ອງວ່າການກະຊວງປ້ອງກັນປະເທດຫວຽດນາມ ໄດ້ສົມທົບກັບກອງ 871 ຈັດຕັ້ງພິທີໄຂຊຸດຝຶກອົບຮົມວຽກງານຂາເຂົ້າ-ຂາອອກ, ສໍາເນົາເອກະສານ ແລະ ການນຳໃຊ້ເຕັກໂນໂລຢີຂໍ້ມູນຂ່າວສານໃນວຽກງານຫ້ອງການໃຫ້ແກ່ພະນັກງານ,ລັດຖະກອນຂອງກະຊວງປ້ອງກັນປະເທດລາວ ປີ 2022.
 |
| ທ່ານພົນຈັດຕະວາ, ປອ ຫງວຽນວັນຈິ໊ງ |
 |
| ພັນໂທ ສອນທະວີ ຈັນທະທຸມມາ, ຮອງຫົວໜ້າກົມຄົ້ນຄວ້າ ສັງລວມ, ຫ້ອງວ່າການກະຊວງປ້ອງກັນປະເທດລາວ |
 |
 |
 |
| ບັນຍາກາດທີ່ພິທີໄຂ. ພາບ: ຕູແອງ |
ກ່າວຄຳເຫັນທີ່ພິທີ, ທ່ານພົນຈັດຕະວາ, ປອ ຫງວຽນວັນຈິ໊ງ, ຮອງຫົວໜ້າຫ້ອງການຄະນະພັກການທະຫານສູນກາງ, ຫ້ອງວ່າການກະຊວງປ້ອງກັນປະເທດ ເນັ້ນໜັກວ່າ: ຊຸດຝຶກອົບຮົມແນໃສ່ຊ່ວຍໃຫ້ພະນັກງານກະຊວງປ້ອງກັນປະເທດ ລາວ ກໍາແໜ້ນຄວາມຮູ້, ທັກສະພື້ນຖານກ່ຽວກັບວຽກງານຂາເຂົ້າ-ຂາອອກ, ສໍາເນົາເອກະສານ ແລະ ການນຳໃຊ້ເຕັກໂນໂລຢີຂໍ້ມູນຂ່າວສານໃນວຽກງານ ຫ້ອງການ. ບົນພື້ນຖານນັ້ນ, ພະນັກງານ, ລັດຖະກອນ ກະຊວງປ້ອງກັນປະເທດລາວ ຄົ້ນຄວ້າ ແລະ ນຳໃຊ້ເຂົ້າໃນຂະບວນການປະຕິບັດ, ຍົກສູງຄຸນນະພາບ ແລະ ປະສິດທິຜົນວຽກງານຂາເຂົ້າ-ຂາອອກ, ສໍາເນົາເອກະສານ, ຮັບໃຊ້ການນຳພາ, ບັນຊາ ແລະ ບໍລິຫານຂອງອົງການ ແລະ ກົມກອງ; ປະກອບສ່ວນເພີ່ມທະວີຄວາມສາມັກຄີມິດຕະພາບ, ສາຍພົວພັນແບບພິເສດລະຫວ່າງສອງກອງທັບຫວຽດນາມ - ລາວ.
ສ່ວນສະຫາຍພັນໂທ ສອນທະວີ ຈັນທະທຸມມາ, ຮອງຫົວໜ້າກົມຄົ້ນຄວ້າ ສັງລວມ, ຫ້ອງວ່າການກະຊວງປ້ອງກັນປະເທດລາວ, ຫົວໜ້າຄະນະຝຶກອົບຮົມ ໃຫ້ຮູ້ວ່າ: ການເຂົ້າຮ່ວມຊຸດຝຶກອົບຮົມຄັ້ງນີ້ ເປັນໂອກາດທີ່ດີເພື່ອເກັບກໍາ ຄວາມຮູ້ພື້ນຖານກ່ຽວກັບວຽກງານຂາເຂົ້າ-ຂາອອກ, ສໍາເນົາເອກະສານ ແລະ ການນຳໃຊ້ ເຕັກໂນໂລຢີຂໍ້ມູນຂ່າວສານໃນວຽກງານຫ້ອງການ. ສະຫາຍພັນໂທ ສອນທະວີ ຈັນທະທຸມມາ ຢືນຢັນວ່າຈະຕັ້ງໜ້າເສີມຂະຫຍາຍ ແລະ ໝນູນໃຊ້ ຢ່າງມີຫົວຄິດປະດິດສ້າງບັນດາຄວາມຮູ້ທີ່ຖອດຖອນໄດ້ເພື່ອຮັບໃຊ້ກອງທັບ ແລະ ປະເທດລາວ, ພ້ອມທັງສືບຕໍ່ເພີ່ມພູນຄູນສ້າງນ້ຳໃຈສາມັກຄີແບບພິເສດລະຫວ່າງສອງປະເທດ, ສອງກອງທັບ ຫວຽດນາມ - ລາວ.
ບູນມີ
