ລາຍການວັນຫວຽດນາມ ຢູ່ ໂອຕຣິດ 2022 ໂດຍກົມພົວພັນຕ່າງປະເທດ ດ້ານວັດທະນະທໍາ ແລະ UNESCO, ກະຊວງການຕ່າງປະເທດ ເປັນປະທານ ໄດ້ຈັດຂຶ້ນແຕ່ວັນທີ 28-29 ກັນຍາ ຢູ່ ວຽນນາ (ໂອຕຣິດ). ຢູ່ທີ່ນີ້, ຫຼາຍຮູບແບບສິລະປະທີ່ເປັນເອກະລັກສະເພາະຂອງຫວຽດນາມ ໄດ້ຮັບການແນະນຳກັບປະຊາຊົນ ໂອຕຣິດ.
ວັນຫວຽດນາມ ຢູ່ ໂອຕຣິດ 2022 ໄດ້ດຳເນີນດ້ວຍ 3 ການເຄື່ອນໄຫວ ຕົ້ນຕໍຄື: ພື້ນທີ່ວັດທະນະທຳຫວຽດນາມ ຢູ່ ວັງ Palffy Palais; ສະເຫຼີມສະຫຼອງ “50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ - ໂອຕຣິດ” ແລະ ເວທີປາໄສວິສາຫະກິດ ຫວຽດນາມ - ອົດສະຕາລີ ຢູ່ຫ້ອງການການຄ້າ ແລະ ອຸດສາຫະກຳ ໂອຕຣິດ.
 |
| ທ່ານລັດຖະມົນຕີການຕ່າງປະເທດ ບຸ່ຍແທງເຊີນ ແລະທ່ານຮອງລັດຖະມົນຕີກະຊວງວັດທະນະທໍາ, ກິລາ ແລະທ່ອງທ່ຽວ ຕ້າກວາງດົງ ທີ່ລາຍການວັນຫວຽດນາມ ຢູ່ ໂອຕຣິດ 2022. |
ຕາມນັ້ນແລ້ວ, ພື້ນທີ່ວັດທະນະທຳ ຫວຽດນາມ ໄດ້ສ້າງໂອກາດໃຫ້ປະຊາຊົນ ແລະ ປະຊາຄົມຊາວຫວຽດນາມ ອາໄສຢູ່ ໂອຕຣິດ ໄດ້ຊອກຮູ້ກ່ຽວກັບໄລຍະ 50 ປີແຫ່ງການສ້າງ ແລະ ພັດທະນາການພົວພັນລະຫວ່າງ 2 ປະເທດ ຜ່ານການວາງສະແດງຮູບພາບ 34 ແຜ່ນກ່ຽວກັບການຢ້າຽມຢາມ ຂອງການນໍາຂັ້ນສູງສອງປະເທດ.
ໃນພື້ນທີ່ວັດທະນະທຳ ຫວຽດນາມ ຍັງແນະນຳບັນດາຮູບແບບສິລະປະທີ່ເປັນເອກະລັກສະເພາະຂອງຫວຽດນາມ. ຄຽງຄູ່ກັບການເຄື່ອນໄຫວວັດທະນະທຳຄື: ສິລະປະ ຊາຫວຽດນາມ, ການສະແດງເຄື່ອງດົນຕີຊົນເຜົ່າ...
 |
| ພື້ນທີ່ວັດທະນະທຳ ຫວຽດນາມ. |
ທີ່ພິທີສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງຫວຽດນາມ - ໂອຕຣິດ, ບັນດາແຂກຖືກເຊີນໄດ້ເຂົ້າຮ່ວມພິທີຊັກທຸງ ແລະ ຮ້ອງເພງຊາດຂອງສອງປະເທດຕາມແບບ Opera...
ກໍ່ທີ່ພິທີເປີດເວທີປາໄສວິສາຫະກິດ ຫວຽດນາມ - ອົດສະຕາລີ, ບັນດາການນຳວິສາຫະກິດ ຫວຽດນາມ - ໂອຕຣິດ ໄດ້ປຶກສາຫາລືບັນດາບັນຫາຄື: ສະພາບການຮ່ວມມືດ້ານເສດຖະກິດ, ດໍາເນີນທຸລະກິດ ຫວຽດນາມ - ໂອຕຣິດ; ກາລະໂອກາດ ແລະ ສິ່ງທ້າທາຍໃນໄລຍະຈະມາເຖິງ...
 |
| ທ່ານປະທານສະພາ VUFO ຫງວຽນເຟືອງງາ ກ່າວຄຳເຫັນທີ່ພິທີສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ ແລະ ໂອຕຣິດ |
ບູນມີ
