ເຊກອງ - ກວາງນາມ ສາຍພົວພັນມູນເຊື້ອ, ສາມັກຄີພິເສດ ແລະ ການຮ່ວມມືຮອບດ້ານ

	ຫວຽດນາມ ແລະ ລາວ ມີນ້ຳໃຈສາມັກຄີແບບພິເສດ, ມິດຕະພາບອັນຍິ່ງໃຫຍ່ ແລະ ການຮ່ວມມືຮອບດ້ານ
	ກວາງນາມ ເພີ່ມທະວີການຮ່ວມມືກັບແຂວງອັດຕະປື (ລາວ)

ເພື່ອຕອບສະໜອງຕາມຄວາມຮຽກຮ້ອງຕ້ອງການໃນໜ້າທີ່ຂອງ ການປະຕິວັດຢູ່ລາວ, ພັກ ແລະ ລັດ ຫວຽດນາມ ໄດ້ສົ່ງທະຫານອາສາສະໝັກນັບສິບພັນຄົນມາຊ່ວຍປະຊາຊົນລາວ, ມີຫຼາຍຄົນຕົກຫຼົ່ນຢູ່ບົນດິນແດນແຂວງເຊກອງ, ໃນນັ້ນກໍ່ມີບັນດານັກຮົບເສຍສະຫຼະຊີວິດເພື່ອຊາດມີບ້ານເກີດເມືອງນອນຢູ່ແຂວງກວາງນາມ.

ເພື່ອລະນຶກເຖິງຄຸນງາມຄວາມດີໃນການປະກອບສ່ວນຢ່າງສູງສົ່ງ, ລັດຖະບານ ສປປ ລາວ ແລະ ແຂວງເຊກອງ ໄດ້ມອບຫຼຽນກາ, ຫຼຽນໄຊ, ໃບຍ້ອງຍໍໃຫ້ແກ່ພະນັກງານ, ຊ່ຽວຊານ, ທະຫານອາສາສະໝັກ ຫວຽດນາມ ທີ່ເຄີຍຊ່ວຍເຫຼືອການປະຕິວັດຢູ່ລາວ. ສະມາຄົມມິດຕະພາບ ລາວ - ຫວຽດນາມ ແຂວງເຊກອງ ໄດ້ເປັນເຈົ້າການປະກອບສ່ວນເພີ່ມທະວີສາຍພົວພັນມິດຕະພາບທີ່ດີງາມລະຫວ່າງປະຊາຊົນສອງແຂວງ, ປະກອບສ່ວນສໍາຄັນໃນພາລະກິດມິດຕະພາບລາວ - ຫວຽດນາມ ແລະ ຫວຽດນາມ - ລາວ ໃນໄລຍະໄໝ່.

ຫຼາຍການເຄື່ອນໄຫວຮ່ວມມືດ້ານເສດຖະກິດລະຫວ່າງຫວຽດນາມ ແລະ ລາວ. ພາບ: TTXVN

ໃນໄລຍະຜ່ານມາ, ສອງແຂວງໄດ້ຮ່ວມມືຢ່າງຖືກຕ້ອງຕາມສົນທິສັນຍາ, ເປັນຕົ້ນແມ່ນຖືກຕ້ອງຕາມການກຳນົດໃສແຕ່ລະໝວດກ່ຽວກັບຊາຍແດນລະຫວ່າງສອງແຂວງ, ໄດ້ປະສານສົມທົບຢ່າງແໜ້ນແຟ້ນໃນວຽກງານກໍ່ສ້າງຫຼັກໝາຍຊາຍແດນ, ກໍ່ສ້າງເສັ້ນທາງຊາຍແດນສັນຕິພາບ ແລະ ຄວາມສະຫົງບສຸກ, ອໍານວຍຄວາມສະດວກໃນການພັດທະນາເສດຖະກິດ - ສັງຄົມ ຂອງບັນດາເມືອງຊາຍແດນຕິດຈອດຂອງສອງແຂວງ; ຜັນຂະຫຍາຍກໍ່ສ້າງສາຍພົວພັນແຮກສ່ຽວ ລະຫວ່າງ ເມືອງ ຂອງ ເຊກອງ ກັບ ເມືອງ ແລະ ຕາແສງ ຂອງ ກວາງນາມ, ບ້ານຕໍ່ບ້ານ, ຊ່ວຍເຫຼືອເຊິ່ງກັນ ແລະ ກັນ ໃນໄລຍະເກີດໄພພິບັດທາງທຳມະຊາດ, ພະຍາດໂລຄາຕ່າງໆ, ເຮັດໃຫ້ຊີວິດການເປັນຢູ່ຂອງປະຊາຊົນເຂດຊາຍແດນມີຄວາມສະຫງົບດີ ແລະ ມີການປ່ຽນແປງທີ່ເຫັນໄດ້ຢ່າງຈະແຈ້ງ.

ພວກຂ້າພະເຈົ້າມີຄວາມພາກພູມໃຈ ແລະ ເປັນກຽດຢ່າງຍິ່ງທີ່ໄດ້ມີການພົວພັນແຮກສ່ຽວກັບແຂວງກວາງນາມ. ແຂວງກວາງນາມ ກໍ່ໄດ້ແຕ່ງຕັ້ງຄະນະຜູ້ແທນການນຳພັກ, ລັດ, ອົງການຈັດຕັ້ງມະຫາຊົນ, ປະຊາຊົນ ລາວ - ຫວຽດນາມ ອ້າຍນ້ອງ ມາຢ້ຽມຢາມຖາມຂ່າວ ແລະ ແລກປ່ຽນວັດທະນະທຳ, ການທ່ອງທ່ຽວ, ການລົງທຶນ ແລະ ຊ່ວຍເຫຼືອຫຼາຍດ້ານໃຫ້ແກ່ແຂວງເຊກອງ.

ໂດຍສະເພາະແຂວງກວາງນາມ ໄດ້ລົງທຶນໂຄງການຊ່ວຍເຫຼືອໂດຍບໍ່ຫວັງຜົນກຳໄລ ຄື: ກໍ່ສ້າງຊັບພະຍາກອນມະນຸດ, ກໍ່ສ້າງພື້ນຖານໂຄງລ່າງ, ດ້ານການສຶກສາ-ກິລາ, ສາທາລະນະສຸກ, ການຄ້າ, ການລົງທຶນ, ຖອດຖອນບົດຮຽນກັບບັນດາຂະແໜງການຂອງສອງແຂວງ. ນອກນັ້ນສະມາຄົມມິດຕະພາບ ຫວຽດນາມ - ລາວ ແຂວງກວາງນາມ ໄດ້ແຕ່ງຕັ້ງຄະນະແພດໝໍມາຊ່ວຍເຫຼືອພໍ່ແມ່ພີ່ນ້ອງຊາວແຂວງເຊກອງ, ສະໜອງອາຫານການກິນ, ກວດພະຍາດ ແລະ ຈ່າຍຢາໂດຍບໍ່ເສຍຄ່າ, ເຊິ່ງມີມູນຄ່າຫຼາຍຕື້ດົ່ງ, ພວກຂ້າພະເຈົ້າຕີລາຄາສູງຕໍ່ການຊ່ວຍເຫຼືອອັນມີຄວາມໝາຍຄວາມສຳຄັນດັ່ງກ່າວ.

ຄະນະປະຕິບັດງານແຂວງເຊກອງໄດ້ມອບເຄື່ອງຊ່ວຍເຫຼືອໃຫ້ແກ່ປະຊາຊົນແຂວງກວາງນາມທີ່ໄດ້ຮັບຜົນກະທົບຈາກພາຍຸເລກທີ 12 ໃນປີ 2017.

ລູກຫຼານຫຼາຍຄົນຂອງແຂວງເຊກອງໄດ້ໄປສຶກສາຮ່ຳຮຽນຢູ່ແຂວງກວາງນາມ ແລະ ໄດ້ຈົບມາຮັບໃຊ້ປະເທດຊາດ ບ້ານເມືອງ, ພວກຂ້າພະເຈົ້າກໍ່ໄດ້ຈາລຶກຄຸນງາມຄວາມດີຂອງການນຳພັກ-ລັດ, ປະຊາຊົນ ໃນນະຄອນຕາມກີ.

ບັນດາຜົນສຳເລັດທີ່ມີຄວາມໝາຍທາງປະຫວັດສາດເຊິ່ງສອງແຂວງບັນລຸໄດ້ໃນໄລຍະຜ່ານມາກໍໄດ້ສະແດງໃຫ້ເຫັນຄວາມມານະພະຍາຍາມຂອງພະນັກງານ, ສະມາຊິກພັກ ແລະ ປະຊາຊົນສອງແຂວງ, ຜົນສຳເລັດນັ້ນກໍແມ່ນຄວາມຊ່ວຍເຫຼືອເຊິ່ງກັນ ແລະ ກັນຂອງປະຊາຊົນສອງແຂວງເຊກອງ ແລະ ແຂວງກວາງນາມ ໃນໄລຍະສ້າງເສັ້ນທາງເລກທີ 16B ແຕ່ເທດສະບານແຂວງເຊກອງ ໄປຍັງຊາຍແດນ ລາວ - ຫວຽດນາມ ຜ່ານດ່ານດັກຕາອອກ - ນາມຢາງ, ຜ່ານສາຍພູຫຼວງເຊື່ອມຕໍ່ກັບເສັ້ນທາງເລກທີ 14B ທາງໂຮ່ຈີມິນ ໂດຍຜ່ານບັນດາແຂວງພູພຽງ, ໄປຍັງພາກໃຕ້ຫວຽດນາມ, ໄປໂຮ້ຍອານ, ຕາມກີ ອອກໄປດານັງ ແລະ ລຽບຜ່ານແຄມທະເລບັນດາແຂວງຫວຽດນາມ.

ນີ້ແມ່ນເສັ້ນທາງ, ມິດຕະພາບມີຄວາມໝາຍຍຸດທະສາດ ແລະ ຈະສໍາເລັດໃນວັນຂ້າງໜ້າ, ພວກເຮົາເຊື່ອວ່າສອງແຂວງເຊກອງ ແລະ ກວາງນາມ ຈະໄດ້ສືບຕໍ່ຊຸກຍູ້ຮ່ວມມືຮອບດ້ານ ເພື່ອພັດທະນາໃຫ້ຍືນຍົງຂອງແຕ່ລະຝ່າຍ. ພວກເຮົາຈະຮ່ວມແຮງ, ຮ່ວມໃຈກັນ, ຄຽງບ່າຄຽງໄຫຼ່ ຂຸດຄົ້ນທ່າແຮງແຕ່ລະແຂວງ, ສືບຕໍ່ເສີມຂະຫຍາຍມູນເຊື້ອສາມັກຄີ, ເພິ່ງຕົນເອງ, ກຸ້ມຕົນເອງ, ພ້ອມກັນນັ້ນກໍ່ເພີ່ມທະວີຊ່ວຍເຫຼືອ ເຊິ່ງກັນ ແລະ ກັນຈັດຕັ້ງປະຕິບັດມະຕິກອງປະຊຸມອົງຄະນະພັກຂອງແຕ່ລະແຂວງ, ຕັດສິນໃຈນຳເອົາສອງແຂວງ ເຊກອງ ແລະ ກວາງນາມ ໃຫ້ນັບມື້ຈະເລີນຮູ່ງເຮືອງສີວິໄລໄປພ້ອມໆກັນ.

ບຸນຮຽງ ບຸນຈິດ

ຄະນະປະຈຳພັກແຂວງ, ປະທານແນວລາວສ້າງຊາດແຂວງ, ປະທານສະມາຄົມມິດຕະພາບລາວ - ຫວຽດນາມແຂວງເຊກອງ