ໄຂ​ງານ​ວາງ​ສະ​ແດງ​ພາບ​ຖ່າຍ ແລະ ບັນ​ດາ​ບົດ​ຂຽນ​ວັດ​ທະ​ນະ​ທຳ ກ່ຽວ​ກັບ​ການ​ພົວ​ພັນ​ມິດ​ຕະ​ພາບ ແທງ​ຮ​ວາ - ຫົວ​ພັນ
	ທ່ານ ດັ້ງຮວ່າງອານ ຮອງລັດຖະມົນຕີກະຊວງ​ອຸດສາຫະກຳ ແລະ​ ການ​ຄ້າຫວຽດນາມ: ຫວຽດ​ນາມ ໃຫ້​ບຸ​ລິ​ມະ​ສິດ​ພັດ​ທະ​ນາ​ພະ​ລັງ​ງານ​ສະ​ອາດ

ບັນດາຜູ້ແທນຕັດແຖບຜ້າໄຂງານວາງສະແດງ (ພາບ: TTXVN)

ງານວາງສະແດງໄດ້ຈັດຕັ້ງເນື່ອງໃນໂອກາດສະເຫຼີມສະຫຼອງ 60 ປີ ແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ລາວ (5/9/1962 – 5/9/2022); 45 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ ແລະ 55 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ກຳປູເຈຍ (24/6/1967 – 24/6/2022). ງານວາງສະແດງໄດ້ແນະນຳຮູບພາບປະມານ 300 ແຜ່ນ, ມີເອກະສານ, ວັດຖຸພັນສື່ສິ່ງພິມທີ່ພົ້ນເດັ່ນກ່ວາ 500 ຢ່າງ, ໄດ້ແນະນຳກ່ຽວກັບຂີດໝາຍ ແຫ່ງໄມຕີຈິດມິດຕະພາບ ແລະ ການຮ່ວມມືລະຫວ່າງກຳລັງຕຳຫຼວດ 3 ປະເທດ. ນີ້ແມ່ນການເຄື່ອນໄຫວແທດຈິງ ເພື່ອແນໃສ່ສະໜອງ ເພີ່ມເຕີມຂໍ້ມູນຂ່າວສານ, ຄວາມເຂົ້າອົກເຂົ້າໃຈສຳລັບພະນັກງານ, ນັກຮົບ ແລະ ປະຊາຊົນ, ພິເສດແມ່ນລຸ້ນໜຸ່ມກ່ຽວກັບຄວາມໝາຍ ຄຸນຄ່າການພົວພັນຮ່ວມມື, ໄມຕີຈິດມິດຕະພາບ ຂອງກຳລັງກຳຫຼວດ 3 ປະເທດ. ຜ່ານນັ້ນປະກອບສ່ວນປັບປຸງ, ເພີ່ມພູນຄູນສ້າງ ແລະ ພັດທະນາການພົວພັນທີ່ດີງາມ ຍືນຍົງ ລະຫວ່າງພັກ, ລັດ, ລັດຖະບານ ແລະ ປະຊາຊົນສາມປະເທດ ຫວຽດນາມ, ກຳປູເຈຍ, ລາວ. ງານວາງສະແດງຈະດຳເນີນໄປຮອດວັນທີ 11 ກັນຍາ ຢູ່ຫໍພິພິທະພັນຕຳຫຼວດປະຊາຊົນທີ່ຮ່າໂນ້ຍ.