| ກອງປະຊຸມລັດຖະມົນຕີທ່ອງທ່ຽວ ອາຊຽນ+3 ຄັ້ງທີ 21 | |
| ເຜີຍແຜ່ຄວາມຮູ້ກ່ຽວກັບເສດຖະກິດດີຈີຕອນໃຫ້ກັບຊາວໜຸ່ມຫວຽດນາມ |
ເຂົ້າຮ່ວມພິທີມີການນຳຂອງສະຫະພັນຊາວໜຸ່ມທົ່ວປະເທດຈີນ, ການນຳຄະນະພັກເຂດປົກຄອງຕົນເອງເຜົ່າຈ້ວງກວາງຊີ, ຮອງເລຂາທິການໃຫຍ່ອາຊຽນ ແລະ ສະຖານກົງສຸນໃຫຍ່ຫວຽດນາມ, ມຽນມາ ແລະ ລາວ ປະຈຳນະຄອນໜານໜິງ. ກ່າວຄຳເຫັນທີ່ພິທີ, ບັນດາຜູ້ແທນຢືນຢັນວ່າ ການແລກປ່ຽນປະຊາຊົນແມ່ນຊ່ອງທາງສຳຄັນໃນການຮ່ວມມືອາຊຽນ - ຈີນ. ບັນດາປະເທດອາຊຽນ ແລະ ຈີນ ໄດ້ໃຫ້ບຸລິມະສິດ ແກ່ການພັດທະນາຊາວໜຸ່ມ ແລະ ຊຸກຍູ້ການເຄື່ອນໄຫວພັດທະນາຊາວໜຸ່ມ ໃນຫົວຂໍ້ຕົ້ນຕໍຂອງການແລກປ່ຽນ ແລະ ການຮ່ວມມືລະຫວ່າງສອງຝ່າຍໃນອະນາຄົດ, ພ້ອມກັນນັ້ນ ກໍຮຽກຮ້ອງໃຫ້ຊາວໜຸ່ມຈີນ ກັບອາຊຽນຮ່ວມກັນປະກອບສ່ວນເຂົ້າໃນການຮ່ວມມືລະຫວ່າງຈີນ - ອາຊຽນໃຫ້ແໜ້ນແຟ້ນຍິ່ງຂຶ້ນ, ຊຸກຍູ້ສັນຕິພາບທີ່ຍືນຍົງ, ຟື້ນຟູເສດຖະກິດແບບໝັ້ນຄົງ ແລະ ຄວາມຈະເລີນຮຸ່ງເຮືອງຂອງພາກພື້ນ.
 |
| ຊາວໜຸ່ມຫວຽດນາມ ເຂົ້າຮ່ວມງານຕັ້ງຄ້າຍຊາວໜຸ່ມ ຈີນ-ອາຊຽນ ຄັ້ງທີ 13. (ພາບ: baoquocte) |
ຜູ້ຕາງໜ້າຊາວໜຸ່ມຈາກບັນດາປະເທດ ໄດ້ດຳເນີນການພົບປະແລກປ່ຽນຢ່າງກວ້າງຂວາງ ໃນບັນດາຫົວເລື່ອງຄື: ການພົວພັນລະຫວ່າງສອງຝ່າຍ, ການປ່ຽນແປງໃໝ່ປະດິດສ້າງ ແລະ start up, ການພັດທະນາສີຂຽວ ແລະ ການແລກປ່ຽນວັດທະນະທຳ; ຍົກສູງຄວາມຮັບຮູ້ຂອງປະຊາຊົນ, ການສຶກສາ, ການທ່ອງທ່ຽວ, ນະວັດຕະກໍາ ແລະ start up ແລະ ການພັດທະນາແບບຍືນຍົງ.
ໃນອາທິດຂອງງານຕັ້ງຄ້າຍ, ຜູ້ແທນຊາວໜຸ່ມຂອງຈີນ ແລະ ປະເທດອາຊຽນຈະໄປຢ້ຽມຢາມເຂດອຸດສາຫະກຳ ແລະ ສະຖານທີ່ປົກປັກຮັກສານິເວດ ເພື່ອຊອກຮູ້ນິຍາມການພັດທະນາສີຂຽວ, ລົງຕົວຈິງໂຄງການມໍລະດົກວັດທະນະທຳທີ່ບໍ່ເປັນວັດຖຸ, ສຳຫຼວດຊົນນະບົດຂອງຈີນ, ເຂົ້າຮ່ວມເວທີປາໄສປຶກສາຫາລືກ່ຽວກັບການພັດທະນາຊາວໜຸ່ມ.
ທ່ານກົງສູນໃຫຍ່ຫວຽດນາມ ປະຈຳໜານນິງ ໂດ້ນາມຈູງ ໃຫ້ຮູ້ວ່າ ໃນປີນີ້, ຍ້ອນໄດ້ຮັບຜົນກະທົບຈາກພະຍາດລະບາດ, ມີພຽງຜູ້ແທນຊາວໜຸ່ມຫວຽດນາມຈຳນວນໜຶ່ງ ໄດ້ເຂົ້າຮ່ວມງານຕັ້ງຄ້າຍຊາວໜຸ່ມໂດຍກົງ, ເປັນຕົ້ນແມ່ນອາຈານ ແລະ ນັກສຶກສາຫວຽດນາມພວມຮ່ຳຮຽນຢູ່ມະຫາວິທະຍາໄລກວາງຊີ.
ງານຕັ້ງຄ້າຍຊາວໜຸ່ມຈີນ-ອາຊຽນ ແມ່ນໂຄງການແລກປ່ຽນເຄື່ອງໝາຍຊາວໜຸ່ມໃນຂອບກົນໄກຮ່ວມມືຈີນ-ອາຊຽນ. ນັບແຕ່ປີ 2006 ມາຮອດປະຈຸບັນ, 12 ການຕັ້ງຄ້າຍໄດ້ຮັບການຈັດຕັ້ງຢ່າງສຳເລັດຜົນ, ມີຊາວໜຸ່ມເກືອບ 1.200 ຄົນຈາກທົ່ວໂລກເຂົ້າຮ່ວມ.
ຄຳຮຸ່ງ
