ຫວ່າງແລ້ວນີ້, ທ່ານຮອງຫົວໜ້າກົມກົງສູນ ຟ້າມຮ່ວາງຕຸ່ງ ໄດ້ມອບໃບຢັ້ງຢືນການຮັບຮອງກົງສູນໃຫ້ທ່ານ Werner Bardill, ຫົວໜ້າກົງສູນໃຫຍ່ສະວິດຄົນໃໝ່ ປະຈຳນະຄອນໂຮ່ຈີມິນ.
 |
| ມອບໃບຢັ້ງຢືນການຮັບຮອງກົງສູນໃຫ້ຫົວໜ້າກົງສູນໃຫຍ່ສະວິດ ປະຈຳນະຄອນໂຮ່ຈີມິນ. ພາບ: baoquocte.vn |
ກ່າວຄຳເຫັນທີ່ພິທີ, ທ່ານຮອງຫົວໜ້າກົມກົງສູນ ຟ້າມຮ່ວາງຕຸ່ງ ສະແດງຄວາມຍິນດີກັບທ່ານ Werner Bardill ທີ່ໄດ້ດຳລົງຕຳແໜ່ງໃໝ່, ສະແດງຄວາມເຊື່ອໝັ້ນວ່າ ດ້ວຍປະສົບການຫຼາຍປີໃນວຽກງານການທູດ, ຫົວໜ້າກົງສູນໃຫຍ່ຄົນໃໝ່ ຈະປະກອບສ່ວນຕັ້ງໜ້າເຂົ້າໃນການພັດທະນາການພົວພັນລະຫວ່າງສອງປະເທດເວົ້າລວມ ແລະ ການພົວພັນດ້ານກົງສຸູນເວົ້າສະເພາະ, ກໍ່ຄືການຮ່ວມມືລະຫວ່າງສະວິດ ແລະ ບັນດາທ້ອງຖິ່ນໃນຂົງເຂດກົງສູນ.
ສ່ວນທ່ານ Werner Bardill ກໍ່ສະແດງຄວາມຍິນດີຕໍ່ການພັດທະນາອັນດີງາມຂອງການພົວພັນລະຫວ່າງສອງປະເທດ, ພິເສດແມ່ນເມື່ອສອງຝ່າຍຫາກໍ່ສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ.
ທ່ານ Werner Bardill ຢືນຢັນຈະສົມທົບກັນຢ່າງຕັ້ງໜ້າໃນການແກ້ໄຂບັນດາວຽກງານກົງສູນ, ພ້ອມທັງສືບຕໍ່ປະກອບສ່ວນຊຸກຍູ້ການພົວພັນລະຫວ່າງ 2 ປະເທດ, ພິເສດແມ່ນການພົວພັນດ້ານເສດຖະກິດ, ການຄ້າ ແລະ ວັດທະນະທຳໃນໄລຍະຈະມາເຖິງ.
ຫວຽດນາມ ແມ່ນຄູ່ຮ່ວມມືຍາວນານຂອງສະວິດ, ໃນນັ້ນມີການຮ່ວມມືພັດທະນາເສດຖະກິດ. ປະຈຸບັນ, ບັນດາວິສາຫະກິດສະວິດມີຄວາມສົນໃຈຫຼາຍໃນການລົງທຶນ ແລະ ພັດທະນາການຜະລິດ, ດຳເນີນທຸລະກິດຢູ່ນະຄອນ ໂຮ່ຈີມິນ ແລະ ບັນດາທ້ອງຖິ່ນໃກ້ຄຽງ.
ບູນມີ
