| ທ່ານຮອງນາຍົກລັດຖະມົນຕີ ຫວຽດນາມ ເຂົ້າຮ່ວມກອງປະຊຸມປະຈຳປີ ເວທີປາໄສເສດຖະກິດໂລກ | |
| ທ່ານນາຍົກລັດຖະມົນຕີຫວຽດນາມ ຟ້າມມິນຈິງ ຕ້ອນຮັບປະທານສະພາແຫ່ງຊາດ Singapore Tan Chuan-Jin |
 |
| ການແລກປ່ຽນ (ພາບ: baoquocte.vn) |
ທ່ານຮອງລັດຖະມົນຕີ ຟ້າມກ໋ວາງຫ້ຽວ ຕີລາຄາສູງຈິດໃຈຫ້າວຫັນ, ນ້ຳໃຈມຸ່ງໄປເຖິງບ້ານເກີດເມືອງນອນຂອງບັນດານັກຊ່ຽວຊານ, ປັນຍາຊົນຫວຽດນາມ ອາໄສຢູ່ ສະວິດ ເຊິ່ງ AVIES ແມ່ນຫຼັກແຫຼ່ງ.
ການປະກອບສ່ວນຢ່າງແທດຈິງ ຂອງສະມາຄົມ ແລະ ປະຊາຄົມຊາວຫວຽດນາມ ອາໄສຢູ່ສະວິດ (ສະໜັບສະໜູນເງິນ 44.740 CHF, ປະມານ 1,1 ຕື້ດົ່ງ ໃນໄລຍະເກີດພະຍາດໂຄວິດ - 19 ແລະ 9.500 CHF ປະມານ 230 ລ້ານດົ່ງ ເພື່ອຕໍ່ກ່ຳປັ່ນອະທິປະໄຕໃຫ້ແກ່ເຈື່ອງຊາ) ຫຼືໂຄງການ VietSearch ແລະ V-space ໄດ້ປະກອບສ່ວນເຂົ້າຄວາມມານະພະຍາຍາມລວມໃນການພັດທະນາເສດຖະກິດ - ສັງຄົມຂອງປະເທດຊາດ.
ທ່ານຮອງລັດຖະມົນຕີ ຟ້າມກວາງຫ້ຽວຢັ້ງຢືນວ່າ ລຸ້ນລູກຫຼານປັນຍາຊົນໜຸ່ມອາໄສຢູ່ຕ່າງປະເທດ ເຖິງວ່າ ໄດ້ກຳເນີດ ແລະ ເຕີບໃຫຍ່ຢູ່ໃສກໍ່ແມ່ນພາກສ່ວນທີ່ບໍ່ສາມາດຕັດແຍກ ແລະ ແມ່ນແຫຼ່ງກຳລັງຂອງປະຊາຄົມຊົນຊາດ ຫວຽດ. ບົນຈິດໃຈນັ້ນ, ພັກ, ລັດ, ລັດຖະບານ ຍາມໃດກໍ່ເອົາໃຈໃສ່, ຖືເປັນສຳຄັນ ແລະ ສ້າງເງື່ອນໄຂໃຫ້ແກ່ນັກຊ່ຽວຊານ, ປັນຍາຊົນຊາວຫວຽດນາມ ອາໄສຢູ່ຕ່າງປະເທດລົງທຶນ, ດຳເນີນທຸລະກິດ, ເຄື່ອນໄຫວວິທະຍາສາດເຕັກໂນໂລຢີ, Startup ແລະ ປະກອບສ່ວນໃຫ້ແກ່ການພັດທະນາຂອງປະເທດຊາດ.
ສະມາຄົມປັນຍາຊົນ, ນັກຊ່ຽວຊານຫວຽດນາມ ອາໄສຢູ່ສະວິດໄດ້ສະແດງນ້ຳໃຈສະໜິດຕິດພັນຢ່າງເລິກເຊິ່ງກັບບ້ານເກີດເມືອງນອນ, ປະເທດຊາດ ແລະ ໃຫ້ຮູ້ວ່າ ພວມຍູ້ແຮງການຜັນຂະຫຍາຍ 2 ໂຄງການສຳຄັນ ນັ້ນແມ່ນ VietSearch ແລະ V-space ເພື່ອແນໃສ່ເພີ່ມທະວີຄວາມສະໜິດຕິດພັນປະຊາຄົມຊາວຫວຽດນາມ ໃນທົ່ວໂລກ.
ບັນດານັກຊ່ຽວຊານກໍ່ສະແດງຄວາມຫວັງຢາກສືບຕໍ່ປະກອບສ່ວນໃຫ້ແກ່ການພັດທະນາເສດຖະກິດ - ສັງຄົມ ປະເທດຊາດ ຜ່ານການໃຫ້ຄຳປຶກສາດ້ານນະໂຍບາຍ, ເຊື່ອມຕໍ່ການຮ່ວມມືດ້ານເສດຖະກິດ, ພ້ອມທັງແບ່ງປັນວ່າ ພ້ອມແລ້ວທີ່ຈະໜູນຊ່ວຍ, ຊ່ວຍເຫຼືອນັກສຶກສາຫວຽດນາມ ໃນການສຳຜັດກັບຂໍ້ມູນກ່ຽວກັບເຕັກໂນໂລຢີໃໝ່, ພັດທະນາການ Startup.
ບັນດານັກຊ່ຽວຊານມີຄວາມປາດຖະໜາກຢາກໃຫ້ ຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ສືບຕໍ່ເປັນຂົວເຊື່ອມຕໍ່ການເຄື່ອນໄຫວຂອງສະມາຄົມກັບບັນດາອົງການ, ມະຫາວິທະຍາໄລ ແລະ ປະຊາຄົມວິສາຫະກິດໜຸ່ມພາຍໃນປະເທດ.
ບຸນຄົງ
