ເມື່ອບໍ່ດົນມານີ້, ຢູ່ຮ່າໂນ້ຍ, ທ່ານນາງເອກອັກຄະລັດຖະທູດ ຫງວຽນເຟືອງງາ, ປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ ເປັນປະທານຕ້ອນຮັບທ່ານນາງ Giang Wells-Dang, ຜູ້ອຳນວຍການບໍລິຫານອົງການ Children of Vietnam (COV).
 |
| ຄວາມສາມາດບົ່ມຊ້ອນຂອງ Children of Vietnam ໃນການພັດທະນາບັນດາໂຄງການປອດກຳໄລຂອງ ຫວຽດນາມ - ອາເມລິກາ ຍັງໃຫຍ່ຫຼວງຢູ່. ພາບ: ຍຸງຫງວຽນ |
ທ່ານນາງ ຫງວຽນເຟືອງງາ ໃຫ້ຮູ້ວ່າ: “COV ຄວນໜູນຊ່ວຍວິສາຫະກິດຕ່າງປະເທດເຂົ້າໃຈ ແລະ ປະຕິບັດບັນດາດຳລັດກ່ຽວກັບການຄຸ້ມຄອງການນຳໃຊ້ການອຸປະຖໍາ ຄື: ດຳລັດ 80/2020/ND-CP ພ້ອມທັງແນະນຳບັນດາວິສາຫະກິດປະຕິບັດໜ້າທີ່ຮັບຜິດຊອບສັງຄົມ”.
ທ່ານນາງຜູ້ອຳນວຍການ Giang Wells-Dang ໄດ້ສະແດງຄວາມຂອບໃຈທ່ານນາງປະທານ ແລະ ໃຫ້ຮູ້ວ່າ: ປີ 2023, COV ຈະສະເຫຼີມສະຫຼອງ 25 ປີແຫ່ງວັນສ້າງຕັ້ງ (1998-2023) ດ້ວຍຫຼາຍກິດຈະກຳໃໝ່. ປະຈຸບັນ, ນອກຈາກບັນດາການເຄື່ອນໄຫວໜູນຊ່ວຍດ້ານສາທາລະນະສຸກ, ການສຶກສາ ແລະ ພັດທະນາຊຸມຊົນຢູ່ບັນດາແຂວງພາກກາງແລ້ວ, COV ຍັງສຸມໃສ່ສ້າງການພົວພັນ, ບັນດາລາຍການ, ໂຄງການເພື່ອແບ່ງປັນຂໍ້ມູນຂ່າວສານ ແລະ ຄວາມຮູ້ກ່ຽວກັບປະເທດຊາດ ແລະ ປະຊາຊົນ ຫວຽດນາມ ໃຫ້ຊາວອາເມລິກາ ເຊື້ອຊາດຫວຽດນາມ ທີ່ເກີດຢູ່ ອາເມລິກາ, ສ້າງກາລະໂອກາດໃຫ້ປະຊາຄົມຊາວໜຸ່ມຫວຽດນາມ ຢູ່ຕ່າງປະເທດ ສະແດງຄວາມສົນໃຈເຖິງບ້ານເກີດເມືອງນອນ, ເຖິງແມ່ນວ່າບໍ່ເຄີຍມາຫວຽດນາມ ຈັກເທື່ອ.
ສອງຝ່າຍປາດຖະໜາຢາກຈັດຕັ້ງການພົບປະແລກປ່ຽນຂໍ້ມູນຂ່າວສານເປັນປະຈຳຜ່ານ PACCOM ກໍ່ຄືສະໜັບສະໜູນເຊິ່ງກັນ ແລະ ກັນໃນການພັດທະນາການຮ່ວມມືມິດຕະພາບ, ການທູດປະຊາຊົນຫວຽດນາມ-ອາເມລິກາ ເວົ້າລວມ ແລະ ການຊ່ວຍເຫຼືອດ້ານມະນຸດສະທຳຢູ່ ຫວຽດນາມ ເວົ້າສະເພາະ.
ບູນມີ
