ທີ່ກອງປະຊຸມຂ່າວນັດສາມັນຂອງກະຊວງການຕ່າງປະເທດ ຫວຽດນາມ ໃນວັນທີ 21 ກໍລະກົດ, ທ່ານນາງ ຟ້າມທູຮັ່ງ ຮອງໂຄສົກກະຊວງການຕ່າງ ປະເທດຫວຽດນາມ ເນັ້ນຫນັກວ່າ: ເພື່ອຜັນຂະຫຍາຍໂຄງການປ້ອງກັນ ຕ້ານການຄ້າມະນຸດ ໄລຍະແຕ່ປີ 2021 – 2025 ແລະ ກຳນົດທິດຮອດປີ 2030, ໄລຍະຜ່ານມາ ຫວຽດນາມ ໄດ້ ແລະ ພວມຍູ້ແຮງການປະຕິບັດ ບັນດາຫນ້າທີ່, ມາດຕະການປ້ອງກັນຕ້ານການຄ້າມະນຸດ ດ້ວຍການເຂົ້າຮ່ວມ, ການສຸມໃສ່ຢູ່ໃນລະດັບສູງສຸດຂອງທຸກກະຊວງ, ຂະແຫນງການ ທ້ອງຖິ່ນ.
 |
| ທ່ານນາງ ຟ້າມທູຮັ່ງ ຮອງໂຄສົກກະຊວງການຕ່າງປະເທດຫວຽດນາມ. ພາບ: vov.vn |
ທ່ານນາງ ຟ້າມທູຮັ່ງ ຢັ້ງຢືນວ່າ “ໃນຕົວຈິງ ສະພາບປ້ອງກັນຕ້ານການຄ້າມະນຸດຢູ່ພາຍໃນປະເທດ ແລະ ຂ້າມຊາຍແດນ ໄດ້ຮັບການສຳຫລວດກວດຄືນເພື່ອມີມາດຕະການແກ້ໄຂທີ່ສອດຄ່ອງ, ຜ່ານຜ່າຄວາມຫຍຸ້ງຍາກຍ້ອນໂລກລະບາດ ໂຄວິດ-19 ກໍ່ຂຶ້ນ. ບົນພື້ນຖານດັ່ງກ່າວ, ໄລຍະຈະມາເຖິງ ພວກຂ້າພະເຈົ້າ ປາດຖະຫນາຢາກໃຫ້ຝ່າຍອາເມລິກາ ຮ່ວມມືຢ່າງແຫນ້ນແຟ້ນກວ່າອີກ ເພື່ອມີການຕີລາຄາຢ່າງຄົບຖ້ວນກ່ຽວກັບສະພາບການ ແລະ ຄວາມມານະ ພະຍາຍາມໃນການປ້ອງກັນຕ້ານການຄ້າມະນຸດຂອງ ຫວຽດນາມ. ພວກຂ້າພະເຈົ້າພ້ອມແລ້ວທີ່ຈະແລກປ່ຽນກັບບັນດາປະເທດ, ໃນນັ້ນ ມີ ອາເມລິກາ ກ່ຽວກັບບັນດາເນື້ອໃນຮ່ວມມືລະອຽດ ເພື່ອພ້ອມກັນຜັນຂະຫຍາຍວຽກງານປ້ອງກັນຕ້ານການຄ້າມະນຸດ ຢ່າງມີປະສິດທິຜົນ”.
ໃນຖະແຫລງການຍົກອອກມາກ່ອນຫນ້ານັ້ນ, ທ່ານນາງໂຄສົກກະຊວງການຕ່າງປະເທດ ຫວຽດນາມ ເລທິທູຮັ່ງ ເນັ້ນຫນັກຢ່າງແຮງບົດລາຍງານຂອງ ອາເມລິກາ ໃນນັ້ນ ມີຂໍ້ມູນຂ່າວ “ບໍ່ຖືກກັບຄວາມຈິງ, ສ່ອງແສງບໍ່ຄົບຖ້ວນ ແລະ ຊັດເຈນກ່ຽວກັບສະພາບການກໍ່ຄືຄວາມມານະພະຍາຍາມໃນການປ້ອງກັນ, ຕ້ານການຄ້າມະນຸດຂອງ ຫວຽດນາມ”.
ບູນມີ
