| ປະທານປະເທດ ຕ້ອນຮັບອະດີດເອກອັກຄະລັດຖະທູດພິເສດ ຫວຽດນາມ - ຍີ່ປຸ່ນ | |
| ຫ້ອງການ EPS ໃຫ້ຄໍາປຶກສາທາງດ້ານກົດໝາຍແກ່ແຮງານຫວຽດນາມ ຢູ່ ສ.ເກົາຫຼີ |
 |
| ເພີ່ມທະວີການຮ່ວມມືລະຫວ່າງ ຫວຽດນາມ - ສ.ເກົາຫຼີ, ຫວຽດນາມ - ຍີ່ປຸ່ນ ໃນຂົງເຂດການແພດການຢາ. ພາບ: vovworld.vn |
ທີ່ການຕ້ອນຮັບທ່ານເອກອັກຄະລັດຖະທູດ ສ.ເກົາຫຼີ Park Noh Wan, ທ່ານນາງຜູ້ຮັກສາການລັດຖະມົນຕີກະຊວງສາທາລະນະສຸກ ຫວຽດນາມ ດ່າວຮົ່ງລານ ໄດ້ຂອບໃຈລັດຖະບານ ແລະ ປະຊາຊົນ ສ.ເກົາຫຼີ ທີ່ໄດ້ໜູນຊ່ວຍ ຫວຽດນາມ ໃນ “ການປ້ອງກັນພະຍາດ COVID-19”. ກະຊວງສາທາລະນະສຸກຫວັງວ່າຈະສືບຕໍ່ຮ່ວມມືຢ່າງແໜ້ນແຟ້ນກັບ ສ.ເກົາຫຼີ ໃນການປ້ອງກັນພະຍາດເວົ້າລວມ ແລະ ສະກັດກັ້ນພະຍາດໂຄວິດ-19 ເວົ້າສະເພາະ; ຂອບໃຈຝ່າຍ ສ.ເກົາຫຼີ ທີ່ໄດ້ໜູນຊ່ວຍກະຊວງສາທາລະນະສຸກ ແລະ ທ້ອງຖິ່ນໃນການຍົກສູງກຳລັງຄວາມສາມາດຂອງລະບົບສາທາລະນະສຸກຮາກຖານ, ໜູນຊ່ວຍການຄົ້ນຄວ້າວິທະຍາສາດ, ບຳລຸງສ້າງ ເພື່ອຍົກສູງກຳລັງຄວາມສາມາດຄຸ້ມຄອງພະນັກງານສາທາລະນະສຸກ...
ເນື່ອງໃນໂອກາດນີ້, ໂດຍຜ່ານທ່ານເອກອັກຄະລັດຖະທູດ, ກະຊວງສາທາລະນະສຸກ ຮຽກຮ້ອງ ສ.ເກົາຫຼີ ລົງທຶນຢ່າງແຮງເຂົ້າຫວຽດນາມ ໃນຂົງເຂດການຢາ, ອຸປະກອນການແພດ, ກໍ່ສ້າງສະຖານທີ່ກວດພະຍາດ, ປິ່ນປົວພະຍາດ; ແບ່ງປັນປະສົບການ ແລະ ໜູນຊ່ວຍດ້ານວິຊາການໃຫ້ແກ່ຫວຽດນາມ ໃນບັນດາຂົງເຂດທີ່ ສ.ເກົາຫຼີ ມີທ່າແຮງ ເຊັ່ນ: ການຄຸ້ມຄອງໂຮງໝໍ, ການນຳໃຊ້ເຕັກໂນໂລຊີຂໍ້ມູນຂ່າວສານ, ປະກັນສຸຂະພາບ, ການແພດພື້ນເມືອງ, ການກວດພະຍາດມະເຮັງ, ກວດພະຍາດ, ປິ່ນປົວພະຍາດ, ຜ່າຕັດສັນຍະກຳ, ທັນຕະແພດ... , ສືບຕໍ່ໜູນຊ່ວຍຫວຽດນາມ ດ້ວຍບັນດາໂຄງການຝຶກອົບຮົມ ເພື່ອເພີ່ມທະວີກຳລັງຄວາມສາມາດຂອງຜູ້ຄຸ້ມຄອງ, ພະນັກງານແພດ.
ທີ່ການຕ້ອນຮັບທ່ານ Yamada Takio, ເອກອັກຄະລັດຖະທູດ ຍີ່ປຸ່ນ ປະຈຳ ຫວຽດນາມ ແລະ ຜູ້ຕາງໜ້າອົງການຮ່ວມມືສາກົນຍີ່ປຸ່ນ (JICA), ທ່ານນາງຜູ້ຮັກສາການລັດຖະມົນຕີກະຊວງສາທາລະນະສຸກ ຫວຽດນາມ ດ່າວຮົ່ງລານ ປາດຖະໜາວ່າ ຍີ່ປຸ່ນ ຈະສືບຕໍ່ສົມທົບ ແລະ ໜູນຊ່ວຍຂະແໜງສາທາລະນະສຸກໃນການສະໜອງຢາວັກຊີນ, ອຸປະກອນການແພດ ແລະ ສ້າງເປັນຫຼາຍໂຄງການລະອຽດໃນຂົງເຂດສາທາລະນະສຸກສຳຮອງ.
ທ່ານນາງຜູ້ຮັກສາການລັດຖະມົນຕີກະຊວງສາທາລະນະສຸກ ຫວຽດນາມ ດ່າວຮົ່ງລານ ໃຫ້ຮູ້ວ່າ ໃນໄລຍະຈະມາເຖິງ, ກະຊວງສາທາລະນະສຸກຈະສົ່ງຄະນະຜູ້ແທນໄປຍີ່ປຸ່ນ ເພື່ອຮຽນຮູ້ປະສົບການໃນການສ້າງນະໂຍບາຍກ່ຽວກັບອຸປະກອນການແພດ. ປາດຖະໜາວ່າ ໃນໄລຍະຈະມາເຖິງ, ຈະມີຄະນະຜູ້ຊ່ຽວຊານຫວຽດນາມ ໄປ ຍີ່ປຸ່ນ ຫຼາຍຄະນະ ເພື່ອຮຽນຮູ້ປະສົບການ ແລະ ຫວຽດນາມ ຈະຕ້ອນຮັບຄະນະຜູ້ແທນບັນດານັກຊ່ຽວຊານ ຍີ່ປຸ່ນ ມາເຮັດວຽກ ຢູ່ ຫວຽດນາມ , ແບ່ງປັນປະສົບການ ແລະ ຖ່າຍທອດເຕັກໂນໂລຊີໃຫ້ແກ່ຫວຽດນາມ ໂດຍສະເພາະແມ່ນໃນບັນດາຂົງເຂດວິຊາສະເພາະທີ່ຕ້ອງການຄວາມຊໍານານດ້ານວິຊາການສູງ.
ໄຊພອນ
