ນັ້ນແມ່ນຈິດໃຈຫຼັກໃນການເຮັດວຽກຂອງ ປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ ທ່ານນາງ ຫງວຽນເຟືອງງາ ກັບຄະນະປະຈຳພັກແຂວງ ແຄ໋ງຮວ່າ ເມື່ອບໍ່ດົນມານີ້ ຢູ່ ຍາຈາງ.
 |
| ທ່ານນາງ ຫງວຽນເຟືອງງາ ເຮັດວຽກກັບຄະນະປະຈຳພັກແຂວງ ແຄ໋ງຮວ່າ. ພາບ: thoidai.com.vn |
ຕາມບົດລາຍງານຂອງສະຫະພັນບັນດາອົງການຈັດຕັ້ງມິດຕະພາບແຂວງແຄ໋ງຮວ່າ ແລ້ວ, ໃນຊຸມປີຜ່ານມາ, ແຂວງແຄ໋ງຮວ່າ ໄດ້ເປັນເຈົ້າການເຄື່ອນໄຫວປະດິດສ້າງແນວຄິດ, ວິທີ ແລະ ເນື້ອໃນວຽກງານການທູດປະຊາຊົນ, ໄດ້ມີການເຄື່ອນໄຫວຕັ້ງໜ້າຫຼາຍຢ່າງປະກອບສ່ວນເປີດກວ້າງການພົວພັນຄູ່ຮ່ວມມື, ເພີ່ມທະວີຄວາມສາມັກຄີມິດຕະພາບ, ການຮ່ວມມືມິດຕະພາບກັບປະຊາຊົນຂອງປະເທດອື່ນໆ.
ກ່າວຄຳເຫັນທີ່ກອງປະຊຸມ, ທ່ານນາງປະທານ ຫງວຽນເຟືອງງາ ໄດ້ແຈ້ງຂໍ້ມູນ ອັບເດດກ່ຽວກັບບາງແຜນນະໂຍບາຍ ແລະ ນະໂຍບາຍໃໝ່ກ່ຽວກັບວຽກງານການທູດປະຊາຊົນ ແລະ ການກໍານົດທິດການເຄື່ອນໄຫວຂອງລະບົບສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ໃນໄລຍະຈະມາເຖິງ ແລະ ຢືນຢັນວ່າ, ສະຫະພັນບັນດາອົງການຈັດຕັ້ງມິດຕະພາບຫວຽດນາມ ຈະສືບຕໍ່ສົມທົບກັບແຂວງແຄ໋ງຮວ່າ ຢ່າງແໜ້ນແຟ້ນ ເພື່ອຜັນຂະຫຍາຍວຽກງານການທູດປະຊາຊົນຢ່າງມີປະສິດທິຜົນ, ຮັບໃຊ້ຢ່າງແທດຈິງໃຫ້ແກ່ການປະຕິບັດບັນດາຈຸດໝາຍພັດທະນາເສດຖະກິດ - ສັງຄົມ ແລະ ການເຊື່ອມໂຍງເຂົ້າກັບສາກົນຂອງແຂວງ.
ທ່ານ ຫງວຽນຄັກຕວ່ານ, ຮອງເລຂາພັກແຂວງ, ປະທານສະພາປະຊາຊົນແຂວງ ຢືນຢັນວ່າ: ແຂວງແຄ໋ງຮວ່າ ຈະສືບຕໍ່ເອົາໃຈໃສ່ ແລະ ປ່ຽນແປງ ໃໝ່ວິທີສໍາຜັດເພື່ອເພີ່ມທະວີ ແລະ ຍົກສູງປະສິດທິຜົນການເຄື່ອນໄຫວການທູດ ປະຊາຊົນຂອງແຂວງ ແລະ ຊີ້ນຳອົງການເຈົ້າໜ້າທີ່ຂອງແຂວງ ຄົ້ນຄວ້າ ແລະ ພິຈາລະນາຄວາມເປັນໄປໄດ້ຂອງການສ້າງຕັ້ງສະມາຄົມມິດຕະພາບກັບບັນດາປະເທດໃນໄລຍະຈະມາເຖິງ.
ບູນມີ
