ໂຄງການເຄື່ອນຍ້າຍຖິ່ນຖານຢ່າງປອດໄພ ແລະ ສະເໝີພາບ (Safe and Fair) ນອນໃນກອບຂໍ້ລິເລີ່ມສຳຄັນທີ່ສະຫະພັນທະວີບເອີຣົບໃຫ້ການສະໜັບສະໜູນ. ກອງປະຊຸມແນໃສ່ນຳສະເໜີການນຳໃຊ້ຄຳແນະນຳອຂອງອາຊຽນກ່ຽວກ່ຽວການບູລະນາການທາງເພດພາວະໃນນະໂຍບາຍແຮງງານ ແລະ ວຽກເຮັດງານທຳຢູ່ຫວຽດນາມ, ແລກປ່ຽນກ່ຽວກັບບັນດາຕົວແບບທີ່ດີໃນການບູລະນາການທາງເພດພາວະໃນການເຄື່ອນໄຫວຂອງບັນດາອົງການວິຊາການຕ່າງໆຂອງຫວຽດນາມ. ຊຶ່ງພາໃຫ້ຍົກສູງຄວາມຮັບຮູ້ ແລະ ຄວາມສາມາດກ່ຽວກັບຫຼັກວິທີການບູລະນາການທາງເພດພາວະໃຫ້ແກ່ບັນດາກະຊວງ, ຂະແໜງການ, ອົງການຄຸ້ມຄອງລັດ, ພະນັກງານກຳມະບານ, ຜູ້ຕາງໜ້າຜູ້ໃຊ້ແຮງງານ ແລະ ພາກສ່ວນກ່ຽວຂ້ອງຕ່າງໆ.
 |
| ການບູລະນາການທາງເພດພາວະໃນບັນດານະໂຍບາຍແຮງງາານ ແລະ ວຽກເຮັດງານທຳ ມຸ້ງໄປສູ່ຄວາມຍືນຍົງຢູ່ ສສ ຫວຽດນາມ. ພາບ: baodansinh.vn |
ໃນກອງປະຊຸມ, ບັນດາຜູ້ແທນ ໄດ້ຮັບການນຳສະເໜີສັງເຂດກ່ຽວກັບເນື້ອໃນຂອງຄຳແນະນຳ ແລະ ຜົນການທົບທວນຄືນວຽກງານການບູລະນາການທາງເພດພາວະໃນນະໂຍບາຍແຮງງານ ແລະ ວຽກເຮັດງານທຳຢູ່ຫວຽດນາມ. ຜູ້ຕາງໜ້າບັນດາກະຊວງຍຸຕິທຳ, ກະຊວງສຶກສາທິການ ແລະ ຝຶກອົບຮົມ, ກະຊວງຊັບພະຍາກອນສິ່ງແວດລ້ອມ, ກະຊວງກະສິກຳ ແລະ ພັດທະນາຊົນນະບົດ ແລກປ່ຽນກ່ຽວກັບຕົວແບບທີ່ດີສຳລັບການບູລະນາການທາງເພດພາວະໃນການເຄື່ອນໄຫວຂະແໜງການຂອງຕົນ. ບັນດາຜູ້ແທນສົນທະນາເລິກຕື່ມໃນການໝູນໃຊ້ຜົນສຳເລັດຂອງຄຳແນະນຳໃນລະດັບປະເທດໃນໄລຍະເວລາຕໍ່ໜ້າ, ລະອຽດແມ່ນການລິເລີ່ມສ້າງ - ແຜນການກວດສອບ ກ່ຽວກັບການບູລະນາການທາງເພດພາວະໃນການເຄື່ອນໄຫວຂອງຫົວໜ່ວຍວິສາຫະກິດ.
ວິລະຊົນ
