ສະຫະພັນກະສິກຳອົງຄະທາດຫວຽດນາມ ແລະ 12 ວິສາຫະກິດຫວຽດນາມ ໄດ້ເຂົ້າຮ່ວມງານວາງສະແດງ ແລະ ແນະນຳຜະລິດຕະພັນທີ່ງານຕະຫຼາດນັດ ການຄ້າອົງຄະທາດ Biofach/Vivaness 2022 ເຊິ່ງໄດ້ດຳເນີນແຕ່ວັນທີ 26 ຫາວັນທີ 29 ກໍລະກົດ ຢູ່ນະຄອນ Nürnberg, ລັດ Bavaria, ເຢຍລະມັນ.
 |
| ຫວຽດນາມ ເຂົ້າຮ່ວມງານຕະຫຼາດນັດການຄ້າອົງຄະທາດແຖວໜ້າ ໂລກຢູ່ເຢຍລະມັນ. ພາບ: TTXVN |
ວັນທີ 27 ກໍລະກົດ, ລາຍການແລກປ່ຽນການຄ້າລະຫວ່າງວິສາຫະກິດຫວຽດນາມ ແລະ ວິສາຫະກິດ ເຢຍລະມັນ ໄດ້ຈັດຂຶ້ນຢູ່ຮ້ານຄ້າອົງຄະທາດ ຫວຽດນາມ ໃນຂອບເຂດງານຕະຫຼາດນັດ. ທີ່ເຫດການ, ບັນດາວິສາຫະກິດໄດ້ແບ່ງປັນຂໍ້ມູນກ່ຽວກັບຕະຫຼາດ, ທ່າອ່ຽງການບໍລິໂພກຂອງຊາວເຢຍລະມັນ ແລະ ສະຫະພາບເອີລົບ (ອີຢູ) ເວົ້າລວມ.
ງານຕະຫຼາດນັດ Biofach/Vivaness ຢູ່ Nürnberg ແມ່ນງານຕະຫຼາດ ນັດການຄ້າແຖວໜ້າໂລກກ່ຽວກັບອາຫານປອດສານພິດ, ມີການເຂົ້າຮ່ວມຂອງ ເກືອບ 2.300 ຮ້ານວາງສະແດງສາກົນ. ປີນີ້, ມີ 12 ວິສາຫະກິດຫວຽດນາມ ໄດ້ນຳຜະລິດຕະພັນທີ່ຜະລິດຈາກຊາ, ຢາພືດ... ມາວາງສະແດງ.
ການຕົບແຕ່ງທີ່ເປັນຕາຈັບອົກຈັບໃຈ ແລະ ເປັນເອກະລັກສະເພາະຂອງບັນດາຜະລິດຕະພັນທີ່ວິສາຫະກິດຫວຽດນາມ ນຳສະເໜີ ໄດ້ດຶງດູດບັນດາລູກຄ້າມາຢ້ຽມຊົນ, ສຶກສາຂໍ້ມູນຂ່າວສານ ແລະ ແລກປ່ຽນການຄ້າຢູ່ເຂດຮ້ານຫວຽດນາມ.
ທີ່ການພົບປະ, ທ່ານ ເລກ່ວາງລສງ - ສະຖານກົງສຸນໃຫຍ່ຫວຽດນາມ ປະຈຳ Frankfurt ໃຫ້ຮູ້ວ່າ: ສະຖານກົງສູນໃຫຍ່ ຍິນດີຕ້ອນຮັບ ແລະ ສ້າງທຸກເງື່ອນໄຂເພື່ອໜູນຊ່ວຍວິສາຫະກິດ ຫວຽດນາມ ໃນການເຊື່ອມຕໍ່ກັບບັນດາຄູ່ຮ່ວມມືໃນຂົງເຂດ.
ຕາມທີ່ປຶກສາດ້ານການຄ້າ ປູ່ຍເວືອງແອ່ງ ແລ້ວ, ຜູ້ບໍລິໂພກ ເຢຍລະມັນ ນັບມື້ນັບເອົາໃຈໃສ່ເຖິງວິຖີຊີວິດສຸຂະພາບ ແລະ ຄຸນຄ່າເພີ່ມຂອງອາຫານປອດສານພິດ, ແລະ ສິ່ງດັ່ງກ່າວນຳມາເຊິ່ງກາລະໂອກາດຫຼາຍຢ່າງໃຫ້ບັນດາປະເທດສົ່ງອອກອາຫານປອດສານພິດ ຫວຽດນາມ.
ທ່ານຍັງໄດ້ແຈ້ງໃຫ້ຊາບກ່ຽວກັບຄວາມເປັນໄປໄດ້ຂອງການສ້າງຄວາມເຂັ້ມແຂງການປະສານງານກັບຄູ່ຮ່ວມງານ, ສູນການຄ້າ, ລະບົບຊຸບເປີມາເກັດ, ແລະຜູ້ນໍາເຂົ້າໃນບາງລັດໃນເຢຍລະມັນ.
ບູນມີ
