| ໄຂງານບຸນ ຫວຽດນາມ - ຍີ່ປຸ່ນ 2022 | |
| ມອບທຶນການສືກສາໃຫ້ນັກສືກສາຫວຽດນາມ ຢູ່ຍີ່ປຸ່ນ |
ການພົບປະ, ທ່ານນາງ ເຈືອງທິມາຍ ສະແດງຄວາມປິຕິຊົມຊື່ນ ທີ່ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ຍີ່ປຸ່ນ ເພື່ອສັນຕິພາບ ແລະ ຄວາມວັດທະນາຖາວອນຢູ່ ອາຊີ ພວມພັດທະນາຢ່າງແຮງ, ແທດຈິງ ແລະ ມີປະສິດທິຜົນໃນຫຼາຍຂົງເຂດ; ສະແດງຄວາມຂອບອົກຂອບໃຈການຮ່ວມມືຢ່າງມີປະສິດທິຜົນຂອງຍີ່ປຸ່ນ ແລະ ການໜູນຊ່ວຍຫວຽດນາມ ໃນຂະບວນການສ້າງສາ ແລະ ພັດທະນາປະເທດ, ໃນນັ້ນມີການປ້ອງກັນ ແລະ ຄວບຄຸມໂລກລະບາດ ໂຄວິດ-19.
ຫົວໜ້າຄະນະຈັດຕັ້ງສູນກາງ ເນັ້ນໜັກວ່າ ຫວຽດນາມ ພວມປະຕິບັດມະຕິກອງປະຊຸມໃຫຍ່ຄັ້ງທີ 13 ຂອງພັກ, ສູ້ຊົນບັນລຸເປົ້າໝາຍກາຍເປັນປະເທດພັດທະນາໃນກາງສະຕະວັດທີ 21, ແລະ ຢືນຢັນນະໂຍບາຍການຕ່າງປະເທດເອກະລາດ, ເປັນເຈົ້າຕົນເອງ, ສັນຕິພາບ, ມິດຕະພາບ, ການຮ່ວມມື ແລະ ການພັດທະນາ, ຫັນການພົວພັນເປັນຫຼາຍຝ່າຍ ແລະ ຫຼາຍຮູບຫຼາຍແບບ, ໃນນັ້ນ ຖືການພົວພັນຄູ່ຮ່ວມມືຍຸດທະສາດກັບ ຍີ່ປຸ່ນ ເປັນສຳຄັນຢ່າງຍິ່ງ.
 |
| ຫົວໜ້າກົມຈັດຕັ້ງສູນກາງ ຕ້ອນຮັບການນຳທະນາຄານຮ່ວມມືສາກົນຍີ່ປຸ່ນ. (ພາບ: VGP) |
ໂດຍຕີລາຄາສູງ JBIC ຍາມໃດກໍ່ຕັ້ງໜ້າໜູນຊ່ວຍ ແລະ ຊຸກຍູ້ຫຼາຍໂຄງການລົງທຶນຂອງຍີ່ປຸ່ນ ຢູ່ ຫວຽດນາມ, ໃນນັ້ນມີບັນດາໂຄງການກໍ່ສ້າງພື້ນຖານໂຄງລ່າງສຳຄັນ ແລະ ຂະໜາດໃຫຍ່ໃນຂົງເຂດພະລັງງານໄຟຟ້າ, ນ້ຳມັນ ແລະ ອາຍແກັສ, ທ່ານນາງ ເຈືອງທິມາຍ ສະເໜີ JBIC ສືບຕໍ່ຊຸກຍູ້ກົນໄກເຈລະຈາລະຫວ່າງ JBIC ແລະ ບັນດາອົງການຫວຽດນາມ, ເພີ່ມທະວີການຮ່ວມມືກັບບັນດາອົງການລັດຖະບານຫວຽດນາມ, ໃນນັ້ນມີການປະກອບສ່ວນປັບປຸງນະໂຍບາຍຄູ່ຮ່ວມມືພາກລັດ - ເອກະຊົນ (PPP), ສະເໜີບັນດາໂຄງການທີ່ມີຄວາມສາມາດເປັນໄປໄດ້ ຕາມຮູບແບບ PPP, ພ້ອມກັນນັ້ນ ກໍ່ສຶກສາ, ເປີດກວ້າງການກູ້ຢືມເງິນໃຫ້ວິສາຫະກິດຫວຽດນາມ ຫຼື ຮ່ວມມືລະຫວ່າງວິສາຫະກິດ ຍີ່ປຸ່ນ ແລະ ຫວຽດນາມ ເພື່ອຮ່ວມມືລົງທຶນຢູ່ຫວຽດນາມ.
ຄຽງຂ້າງນັ້ນ, ທ່ານປະທານສະພາບໍລິຫານ JIBIC ກໍໄດ້ຊົມເຊີຍບັນດາຜົນງານຂອງ ຫວຽດນາມ ໃນຊຸມປີມໍ່ໆມານີ້, ຕີລາຄາສູງວຽກງານປ້ອງກັນ ແລະ ຄວບຄຸມພະຍາດໂຄວິດ-19 ແລະ ຟື້ນຟູເສດຖະກິດ - ສັງຄົມຂອງຫວຽດນາມ; ສະແດງຄວາມຂອບອົກຂອບໃຈພັກ ແລະ ລັດ ຫວຽດນາມ ໃນໄລຍະຜ່ານມາ ທີ່ໄດ້ສ້າງເງື່ອນໄຂສະດວກໃຫ້ບັນດາອົງການ ແລະ ວິສາຫະກິດຕ່າງປະເທດ, ໃນນັ້ນມີບັນດາວິສາຫະກິດ JBIC ແລະ ບັນດາວິສາຫະກິດ ຍີ່ປຸ່ນ ມາລົງທຶນ ແລະ ດຳເນີນທຸລະກິດຢູ່ ຫວຽດນາມ.
ທ່ານ Tadashi Maeda ກໍ່ແຈ້ງໃຫ້ຊາບ ກ່ຽວກັບໝາກຜົນການເຄື່ອນໄຫວຂອງ JBIC ຢູ່ ຫວຽດນາມ ແລະ ບາງເນື້ອໃນການຮ່ວມມືຂອງ JBIC ຢູ່ ຫວຽດນາມ ໃນໄລຍະຈະມາເຖິງ; ປາດຖະໜາຢາກສືບຕໍ່ປະກອບສ່ວນແທດຈິງເຂົ້າ ໃນການເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ - ຍີ່ປຸ່ນ.
ຄຳຮຸ່ງ
